𝙇𝙊𝙎𝙏 [𝙲𝚘𝚖𝚙𝚕𝚎𝚝𝚎𝚍]

YOU ARE READING

Fanfiction

"အကိုထားခဲ့တာနဲ့ ကျွန်တော်ပျောက်ဆုံးသွားမှာပဲ" Xiao Zhan x Wang Yibo Heavy Zhanyi Fanfiction ... If you're very very sensitive to idols, please don't read this. Thank you. Cover by whos_yongji

#wangyibo #xiaowang #xiaozhan #yibo #zhanyi #zsww

အပိုင်း ၁၂

Start from the beginning

by Tsubaki_Wang

"ကောက သူ့တိုက်ခန်းမှာပဲနေတာလေ မေမေကလည်းပြန်မလာခိုင်းသလို သူကလည်းပြန်မလာဘူး ... အခုအကိုကျိရန်ကိုတောင် ကောမသိအောင်ကျွန်တော့်အတွက် အချိန်ပိုင်းအလုပ်လေးတောင်းနေတာ"

"ဖန်ရှင်းကစာပဲလုပ်ပါ အမှတ်အမြင့်ဆုံးရအောင်လုပ်ပြီး ဝင်ချင်တဲ့ တက္ကသိုလ်သာဝင်လိုက် အကိုကတာဝန်ယူပေးမယ်"

"ရပါတယ်အကိုရိပေါ်ရာ သောက်ကြရအောင် ခဏနေကျွန်တော်လည်းပြန်ရမှာ"

သူ့ဘဝမှာ အားနာရမယ့်သူတွေထဲ ဖန်ရှင်းလည်းပါသည်။
ဖန်ရှင်းကိုဆို သူအရင်ကအများကြီး မနာလိုဖြစ်ခဲ့ရတာမလား...။

"ဖန်ရှင်းကို မင်းလိုက်ပို့မလား ငါလိုက်ပို့ရမလား"

"ငါလိုက်မပို့ရဲဘူး သူ့အကိုနဲ့ စကားအများကြီးပြောနေရဦးမယ်"

သူ့စကားကြောင့် ဖန်ရှင်းကရယ်သည်။ ဖန်ရှင်းကို သူစက်ဘီးနဲ့ ပြန်ပို့သည့်နေ့ကစပြီး နောက်နေ့တွေမှာ ဖန်ရှင်းနဲ့ တွေ့ဖို့ရှိတိုင်း ကျိရန်ကိုပါ ခေါ်သွားခဲ့သည်။

"ဒါဆိုမင်းကောင်းကောင်းပြန်"

"အိုကေ... See you"

အပြင်ရောက်တာနဲ့ လက်ထဲကဆိုင်ကယ်ဦးထုပ်ကို ဆောင်းလျက် ကိုကိုဝယ်ပေးထားတဲ့ ဆိုင်ကယ်ကြီးပေါ် တက်ခွကာ Barရှေ့ကနေ မောင်းထွက်လာခဲ့တော့၏။

"ရိပေါ်ပြန်လာပြီလား"

"ဟုတ် ကိုကို..."

ဧည့်ခန်းထဲမှာ ဖုန်းထိုင်ကြည့်နေသည့် ကိုကို သူ့ကို လှမ်းမေးလာတာကြောင့် ရိပေါ် ဆိုင်ကယ်ဦးထုတ်ကို ဘေးကစင်ပေါ်တင်ရင်း ဖြေလိုက်တော့ ကိုကိုဟာ ခေါင်းတငြိမ့်ငြိမ့်....။

"သောက်လာတာလား"

"အင်း ကျိရန်တို့နဲ့ နည်းနည်း...."

သူခြေကုန်လက်ပမ်းကျနေသလိုပုံစံဖြင့် ကိုကို့ရှေ့ကက Sofaမှာဝင်ထိုင်လိုက်စဉ်မှာပဲ ဒယ်ဒီ့အခန်းထဲက ထွက်လာသည့် အကို့ကိုတွေ့လိုက်ရသည်။

"ရိပေါ်ပြန်လာပြီလား ဖန်ရှင်းရော"

"ကျိရန်နဲ့ ပြန်သွားတယ်အကို"