اسيرة قدرك

البارت 69

-اهل البنية مصدومين ونظراتهم عليه بقلق
اني من دخلت الهم جنت اصيح بعلو صوتي
مهاب اجه عليه ومبين القلق على ملامح وجهه..

-نورهان حبيبتي على كيفج بس افهمج..

-عطت اقوى ماعندي.. لا تلزمني وتنكسني
ابتعد عني مو حبيبتك اني الي يحب ما يسوي
هيج بحبيبه وكلتها الك
اتذكر زين كتلك مهاب من اعرف عندك شيء
ينتهي الي بينا بعد لا تعيدها ولا تكول حبيبتي..

-احس روحي انهاريت كلش صبرت روحي
وضغطت على نفسي مردت اهتز ولا اضعف غير بس بوحدتي مو كدام بشر مردت احد يركص على جروحي..

-اقسم بالحسين اذا مطلكتني بهل ساعة ابليك بشري واحرك نفسي واخليك بمصيبة
هسه تطلكني وروح اعقد اتزوج بعد ما تهمني
ما اطلع منا اذا ما طلكتني..

-خواتي تعاركن وياهم واني من كد ما صيحت مخليت احد يشوف دربه بعد اهل البنية
كالولهم ما عدنه بنية لزواج وضاجوا منهم
وخالته بقت تتعذر منهم باوعت على ابو والنار احسها تطلع من عيوني.. شلون ما يتزوج الثانية اذا حضرتك ابو حجيتها باستهزاء هو سكت ما حجه شيء..

-اصريت ما اطلع منا اذا مو ورقة طلاكي بيدي لان ماردت لا اضعف ولا اتراجع شكد حاولوا يهدوني بس صرت نار و يزيد لهيبها
هيهات نورهان تسكت ما يهدالي بال بعد عملته الناقصة..

-الناس توتروا كلش كالوا لخالة مهاب.. فدوه
ترى انشهرنه بعياطها والعالم شتكول علينا هسه اخذوها وطلعوا كلنالكم بعد ما الكم مرة يمنا
ما نريد فضيحة..

-التفتت عليهم.. لو تحسبون حساب للعالم مجان انطيتوا طفلة صغيرة لرجال متزوج على اقل اسأل اصله وفصله مين مو تشمرون بناتكم
والمهم تزوجنهن..

-خواتي طلعني من شافني كلش عصبت
عليهم ولان ردت ارتكب مصيبة الا شويه
كد ما عيوني بعد ما اشوف بيهن من الاعصاب والقهر الي بداخلي..

-زوج اختي كاله.. الحكنا لبيتك نتفاهم مو بنص الشارع عيب منا العالم..

-هو اجه وراي ويتوسل بيه.. نورهان بس
اصعدي وياي خلي نتفاهم يلا حبيبتي..

-صوتك ما اريد اسمه اسكت لا تحجي
كلمة ما اريد اسمع منك ماكو شيء نتفاهم عليه..

-طلعوا من الناس وهم متفشلين هنتهم وفضحتهم
فضيحة ما جانوا متوقعيها كل هذا وبعده
ما برد كلبي
السيد لجايبي يعقدلهم من الصياح و الهوسة
الي صارت عافهم وراح اعتذر ما يعقد الهم..

-مشينا بسيارة هو وخالاته واني ويا خواتي
وزوج اختي ابو خله وراح ما رجع ويا
خواتي انقهرن عليه من ردة فعلي واختي
تبجي واني من الصدمة بقيت اضحك..

-شفتوا شنو سويت بي عباله اضعف
واتوسل بي الا لكسر كلبه مثل ما
شمت خالاته بيه..

-ام سجى انقهرت كلش و تقرأ على وجهي
ايات.. كافي حبيبتي خلي يولي راح يصير
بيج شيء ابجي صيحي..