تكرار

1-

كنت بعمر 10 سنين تقريبا

صحيت بتعب كانت حرارتي مرتفعه حسيت الدنيا فوق كتفي
زي العاده جتني ( انفلونزا)

جت امي وحاولت تخفف حرارتي وما نفع طلبت من اخوي ياخذني على المستشفى

طلعت انا واخوي وتوجهنا للمستشفى

ووقت ما كنت سارحه بالسيارات والطريق حسيت بشي ثقيل على كفي
انتبهت ان اخوي فقد الوعي فجاه

حاولت اصحيه حاولت بكل مافيني وهاذا كان اخر شي اتذكره في هذاك الوقت

فتحت عيني على ناس كثير حولنا كنت اسأل بنفسي : شقاعد يصير ؟ مين هاذولي ؟

وحسيت بشي يمشي على خدي رفعت عيني للمرايه وشفت شي ماكان مفروض اشوفه بعمر 10 سنين

كان وجهي كله جروح ما كنت مستوعبه وش صار غمض اخوي عيوني وحاول يهديني

يهديني؟ انا اصلا كنت هاديه

ما طلع مني صوت جالسه بسكوت ومو قادره استوعب وش صار

بس كان يتردد بعقلي اصوات الناس

(طلعوهم من السياره )
(دق على الاسعاف )
(اختك لازم تروح المستشفى )

غمضت عيوني بهدوء وفتحتها بسيارة ابوي كانت واقفه جنب سيارة اخوي وابوي كان نازل منها
ما كنت اذكر كيف وصلت هنا

كنت اتأمل من الدريشه الناس اللي كانو حول سيارة اخوي وطاحت عيني على سياره

كانت ورا سيارتنا
طاحت عيني على بنت او يمكن ام ما اذكر ملامحها اللي اتذكره كانت  عاقده حواجبها

من سوء المنظر

اخذني ابوي البيت وماكان مستوعب شي شافت امي وجهي كان مغطى بالدم ...