اسيرة قدرك

البارت 68

-انقهرت لان حسيتها عبالك تتوسل بيه
رجعت كالت.. ما اطلع  منا اذا ما اخذ كلمة منج وكون ما تخلفين بيها اريدج تقبلين وهم تقنعين
وليدي نرجع سوه..

-بدون ما افكر انو الي سويته صح لو غلط
كتلها..  تدللين عمه مستحيل اردلج طلب وشيعجبكم سوو انت هم امه وحقج علينا..

-بس استغربت من ام مهاب الي طول كعدتهم و هن يسولفن هي ساكته محجت ولا  كلمة حتى ما اتدخلت بشيء ما عرفت ليش وشنو سبب سكوتها..

-من طلعوا من عدنا وصوني ما اكول لااسر ابد انو هم الي طلبوا مني اقبل انو نرجع سوه..

-من راحوا ماما جانت ما قابله على تصرفي
وهم حقها مو شويه الي شوفوا لبتها كالت.. شسويتي بنفسج هاي المرة يموتنج لج يمه
تدرين تجلطيني مو كافي الي سووه بيج..

-لا حبيبتي اني اعرف شلون اتعامل وياهم هالمرة وهم خطية عمتي ترى صدك متعلقه باسر وهو هم لا عبالج يعوف اهله..

-وره عشرة ايام اجه اسر بوجهه عليه خطيه حتى مرايح لاهله دخل للغرفة وحضني بقوة
ويبوس بيه رجع للبنات اخذهن لحضنه ويبوس بيهن.. شلون صارت حبيبتي؟!.. حجاها
وكعدني بصفه و يتفحص بوجهي..

-الحمد لله بس اسر العلاج  ساطرني وبعدني اتخيل شغلات ومرات احس اكو اشخاص
لو اسمع صوت.. حضنته.. لا تعوفني اسر
هو باسني.. متبقين هيج ان شاء الله اشوفج
حل لا تخافين..

-شوي وراد يروح يشوف اهله رغم جنت محتاجته بس شسوي امة هم الها حق تشوفه باسني وصى امي تنتبه عليه ومتعوفني وحدي وطلع واني اتكئبت اريده يمي صرت ويا مثل
الطفلة الي متعلقه بابوها بقيت مغندبه لليل قفلت عليهم هسه تجيبون اسر اهلي خابروا وهو
كالهم دقايق واني يمكم..

-اجه  وجايب عشه ويا ومسواك مهبوط
عباله بيه شيء بسته بلهفة.. اذا انت ماكو احس ماكو طعم بحياتي لاتعوفني فدوه..

-يمج كليبي مرايح بس سبحت وبدلت وشفتهم  واجيتج..

-جابوا العشه وهو عشاني بيده من كملنا
طلع من جيبه محبس ذهب شذرته حجر
وكلادة بيها طلاسم..

-شنو هاي؟!..

-هذا الحجر وصيته من الهند ويا ولد صاحبي ينضم دكات القلب وهذا الي بي طلاسم جبتها من سيد ختملج عليها تحفظج وتبعد عنج المس ورحت صغتهن  كلادة ومحبس علمود تبقين لابستهن
ريا لا تذبيهن ابد ما اريد عناد ونرجع
للايام السودة..

-اخذتهم منا ولبستهم حضنته و بسته.. الله لا
يحرمني منك احجي ويا وعلى كعدتنا  حسيت نار عبالك اشتعلت برجليه ودتحركني بقيت اكمز برجلي.. اسر نار نار اشتعلت برجلي..

-هو ثبتني ويدلك بيها.. ماكو شيء ريا انتي يتهيئلج هيج اش ماكو شيء شوفي رجلج
كل شيء ما بيها..