ابتسم وراح لهم: مساء الخير
نرجس: مساء النور
رفيف قامت وحضنت ابوها: بابااا
شالها واهو يضحك، ونرجس تشوفهم بابتسامة
هاني نزل رفيف ووو: أستاذة نرجس
نرجس ارتبكت: هلا
هاني: ابي اكلمج بموضوع مهم
عقدت حواجبها: اممم شنوو
هاني: ممكن نطلع من هني، بنتغدا مع بعض وبنتكلم
احتارت نرجس اذا توافق او لا، وقعدت تفكر شيبي يقول لها، بس اكيد شي يخص رفيف
هاني واهو يشوف حيرتها: صدقيني الموضوع مهم
نرجس: اووكي
هاني ابتسم: ننطرج بالسيارة
طلع هاني اهو ورفيف، ونرجس راحت تييب اغراضها
صعدت معاهم واهي تحس بحيا
وصل المطعم، ونزلوا مع بعض، حجز لهم طاولة عائليه
وطلب لهم غدا وقعدوا ينطرون
نرجس تسولف مع رفيف، ورفيف ماليه عليهم الجو
هاني يطالعهم بابتسامة واهو يتأكد من اللي بباله
وصل الغدا وقعدوا يتغدون بهدوء
بعد الغدا، هاني طالع نرجس: نرجس انا ماعرف ابدأ بمقدمات او كلام مو مهم، انا ابي ادخل الموضوع مباشرة
بلعت ريجها: تفضل
هاني: انتي تدرين زوجتي صار لها ٣ سنوات من توفت، وانا من بعدها قعدت وحيد، رفيف صج ملت عليي حياتي، بس اهي يبيلها احد يدير باله عليها، انا شفت تعلق رفيف فيج، وبصراحة دانة بنت اختي اهي اللي دخلت الفكرة براسي
كمل واهو يشوفها ساكته: صج انا م كنت افكر بالموضوع، بس من تزوجت دانة وانا احس بوحدة رفيف، وصار المفروض افكر فيها اهي قبل كل حد
نرجس تحس النفس انقطع عنها واهي فاهمة اللي يبي يقوله، بس مو قادره تتككلم
هاني: عشان جذي، انا ابي اتقدم لج واخطبج من اهلج، َولج حرية التفكير وحرية الوقت، وانا ناطر ردج
نرجس: انا م أنكر اني ما تفاجأت بكلامك، بس راح أفكر بكلامك، وعسى خير
هاني ابتسم لها ووو: تدرين انا خطيت هالخطوه، لاني ابي افرح دانة وترجع لها صحتها
عقدت حواجبها: ليش شفيها دانة
هاني: ليش م تدرين انها فقدت صوتها
نرجس انصدمت: شنوو، شلوون
قعد هاني يقولها السالفه، ونرجس كسرت خاطرها دانة حيل، شلون فارس م قالهم
هاني: اذا بتروحين، قومي معانا بمر عليها الحين
نرجس: ايه اكيد يلااا
بعد مرور ٣ ايام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دانة للحين م رجع لها صوتها، بس فارس معاها بكل وقت واهي حيل مستانسه من اهتمامه، بس تضايقت لما سمعت ان معاه مهمة ولازم يروح يومين
فارس يحس دانة احتلت جزء كبير من حياته، يحب يقعد معاها يسولف معاها، يحس وايد غيرت فيه اشياء، ويتمنى يرجع صوتها عشان يرتاح لأنه يحس اهو السبب
نرجس بعد تفكير وبعد م كلمت فارس، واقفت على هاني، خصوصاً لأنها اهي بعد تعلقت برفيف، وكانت تروح يومياً عند دانة وتقعد معاها
هاني حس ان الشي صار جدي، بعد م وافقت نرجس، وقعد بينه وبين نفسه، يراجع الأمور، بعدها راح يبشر دانة ومن شاف وناستها وفرحتها ارتاح حيل، وكلم فارس ويده راشد بو نرجس، واهم بعد وافقوا،
