(Unicode)
မင်းလေးကိုယ့်ကိုဝေဖန်လိုက်တယ်ဆိုတည်းက ကိုယ်ရဲ့အဝတ်အစားတွေကို ချွတ်ပြီး မင်းလေးကို တွန့်ဆုတ်ခြင်းမရှိစေဘဲ ကိုယ်က စေ့စေ့စပ်စပ်ရှာဖွေခွင့်ပြုပြီးသားပါ။
______________
"ဘာကိုဆိုလိုတာလဲ?"
ထန်ကျင်းကမေးလိုက်လေသည်။
"အဲ့တာကို မင်းသိဖို့မလိုပါဘူး"
ထိုလူကပြန်ပြောလိုက်၍ ပြတင်းပေါက်မှတစ်ဆင့် ကောင်းကင်အရောင်ကို ကြည့်လိုက်လေသည်။
"များပြားတဲ့ယမ်းမှုန့်တွေကို မှောင်ခိုတင်သွင်းပြီး မြေအောက်ခန်းထဲမှာပဲ သိုလှောင်ထားတာပါ။ရောင်းဖို့လည်းမဟုတ်သလို ဘယ်မှပြောင်းရွှေ့ဖို့လဲမဟုတ်ဘူး။တစ်ယောက်ယောက်ကလာပြီး လှည့်ပတ်ကြည့်ပြီးတဲ့အထိတော့ ကျွန်တော်စောင့်နေမယ်လို့များ ထင်နေသလား?"
သူကသွားများကို ဖွဖွလေးတြိတ်လိုက်ပြီး ဆက်ပြောသည်။
"ခင်များရဲ့ညံ့ဖျင်းမှုအတွက် ကျွန်တော့်ကို အပြစ်ခံခိုင်းနေတာများလား?"
ထိုလူက ရုတ်တရက် ရယ်လိုက်ပြီး သူ့ကို ကြည့်ရန်လှည့်လာသည်။
"ငါဒီလိုမလုပ်ရင်တောင် မင်းက ဘယ်လောက်ကြာကြာစောင့်နေနိုင်တော့မှာမို့လို့လဲ?မင်းဇနီးကရော ဘယ်လောက်ကြာကြာစောင့်နေနိုင်မှာလဲ?"
ထန်ကျင်းရုတ်တရက်လန့်နိုးလာလေသည်။သူက ထထိုင်လိုက်ပြီး နဖူးမှ ချွေးများကို သုတ်လိုက်သည်။သူ၏လက်ကောက်ဝတ်မှ လေးလံသောအရာတစ်ခုကို ခံစားနေရပြီး လှုပ်ရှားလိုက်တိုင်း သတ္တုကွင်းများက အသံများမြည်နေသည်။သူ့အောက်တွင် စိုစွတ်ပြီးအေးနေတဲ့အိပ်ယာတစ်ခုရှိသည်။ထန်ကျင်းသည် မှတ်ဉာဏ်များက ဖြည်းဖြည်းချင်း ပြန်လှိမ့်၍ ပေါ်မလာမှီ သူ့ခန္ဓာကိုယ်ပေါ်ရှိ အကျဥ်းသားများ၏အဖြူဖျော့ရောင် ဝတ်စုံကိုကြည့်လိုက်ပြီး ကြက်သေသေသွားလေသည်။
အကုန်လုံးမှာ မြန်မြန်ဆန်ဆန်ဖြစ်သွားပြီး သူ့မှာ တုန့်ပြန်ဖို့တောင် အခွင့်အရေးမရှိခဲ့တာဖြစ်သည်။မိမိ၏ ဇဝေဇဝါမှုန်ဝါးဝါးမှတ်ဉာဏ်ထဲမှာတော့ စုရှစ်ယွီ၏အပြုံးကိုသာ မှတ်မိလေသည်။ထို့နောက် သူ့လည်တိုင်အနောက်ဘက်မှ နာကျင်သွားတာကလွဲလို့ သူသတိမေ့သွားတာပဲဖြစ်သည်။သူအခုဖြစ်နေသော အနေအထားကိုကြည့်ရင် ရှင်းလင်းလိမ့်မည်ဖြစ်သည်။သူက ခေါင်းကိုနိမ့်၍ ခါးသီးစွာရယ်မောလိုက်လေသည်။
YOU ARE READING
Jun You Ji Fou 君有疾否《Myanmar Translation》
RomanceAuthor::Ru Shi Wo Wen Year::2017 Chapters::89+3extras Original Publisher::jjwxc Both Uincode & Zawgyi are available. This novel don't belong to me.So,i give full credit to the original Author Ru Shi Wo Wen & Eng Translator. Cover photo is from Goo...
