قدري ان احبك

الجزء الرابع

و جمعت شعرها من الفوق و خلات نصو مطلووق دارت مكياج خفيف متنزلش هكك عند عگوزتها ههه.. رشات بارفان ديالها لبست سبادريتها  و نزلت فالدروج
شافت لمياء و عيطات ليها
جات كتجري كتمسح ايديها فالطابلي لي لابسة
: نعام ا لالة مرت سيدي
وجدان:غير وجدان عفاك.. فين لحاجة رحمة
لمياء:راها فالجردة ا لالة
وجدان:اوكي ميرسيي
مشات وجدان عند الحاجة
وجدان:الحاجة صباح الخيير
رحمة:مبقا صباح هادا
العشية قريبة تعشي و مشفت لا عروستي لا ولدي.. 
وجدان:احم ههه (مبغاتش تقوليها على الوضع) وراك عارفة هه عرسان جداد و دكشي احم.. 
رحمة:اييه مشفت والو.. (كتهز بايديها لي فيهم سراتل ذ الذهب) 
وجدان(بعدم فهم) : اش مشفتييش
رحمة:البرهااان..على زواجكن و ليلتكم
وجدان بحالا بدات كتفهم شوية جوبتها ب صرامة: سمعي ا لحاجة انقولك دكشي كيبقا حياتنا الشخصية انا و راجلي فمتسنايش مني نجي نوريك صباحي (هزات حجبانها)  الا اذا كنتي شاكة فولدك فمعرت
رحمة: الله يا بنيتي عثمان كون طلقتو من ورا المرحومة كون راه حفايدي كيلعبو مالا بين رجلي
هنا وجدان تصعقت كفاش.. واش فيت مزووج.. و مرحومة من الفووق..  مبغاتش تبين ل رحمة حيت عدوها شي حد ادخل ليها حياتها و ايعرف اسرارها  دارت ضحكة صفرة و نطقت
وجدان:ههه ياك ا لحاجة اوا هاوا لقا نقرة فين ايغبر نحاسوو ههه
رحمة: (عوجات فيها فمها) دبا نشوفو دبا نشوفو..
وجدان: نخليك ا لحاجة لمبغيتينش فشي حاجة اخرى نمشي نفطر
رحمة:لا (شيرات ليها ب ايدها و ذهبها كي تخرشش)  سيري سيري
ناضت وجدان كضحك عمرها فكرت اتكون عندها عگوزة حميمقة ههه
مشات دخلات للكوزينة لقات ثلاتة الخدامات واقفين كل وحدة و اش كديري
شافتها لمياء و دوات : لالة مرت سيدي مرحبا بيك دخلي اش بغيتي
وجدان(جلسات فوق الكرسي) : ههه غير وجدان بلا ديك لالة مرت سيدي
لمياء: واخا لالة وجدان
وجدان:احم..(حشمانة)
لمياء: نوجد ليك ا لالة قهوة
وجدان:لا لا ا قوليليا فيين و انا نوجد راسي
لمياء: حاشة ا لالة حنا لاش هنا
وجدان:ههه شكرا
قالت وجدان ل لمياء كي كتبغي قهوتها حطاتها ليها مع شوية د البيسكوي.. كلات وجدان و بدات كتسول
وجدان:احم..لمياء
لمياء(كتقطع فالخس) : نعام ا لالة
وجدان:رحاب..خت عثمان..من ايمتا و هيا هاكا
لمياء:شي سيمانة دبا ا لالة و هيا هاكا
وجدان: مم و راجلها فيين..
لمياء:ف بلجيكا
وجدان : اه واخا (مسحات ايديها)  مهم وجدي عفاك بلاطو د الفطوور و طلعيه ل عند رحاب للبيت واخا
لمياء:هيا اللول ا لالة
خرجات وجدان من الكوزينة
سعاد(الخدامة): وا سي عثمان ختار و عرف اش ختار زوييينة تبارك الله
زينب:ااه..حسن كاع من ديك ياسمين
سمعتهوم لمياء و دوات:ديوها ف شغلكم و اذكروا امواتكم بالخيير ا عباذ الله سربيو ساليو شغلكم
حناو البنات راسهم كيوشوشو
بدات كضوور وجدان فالقصر ضارتو كاامل و عرفت القنات لي فييه و كلشي
مشات جلسات حدا البيسين حيدات سبادريتها و خشات رجيلاتها فالما كتلعب بيهم
جاها الملل بلا تيليفونها معطاهش ليها البارح
ناضت هازا سبادريتها بايدها
و طالعة لبيتها شوية و هيا تسمع شي  بنت عيطات ليها بسميتها
وجدان:(هازة حجبانها)  رحااب عيطتي ليا..
رحاب:ااه دخلي..
دخلات وجدان ل عند رحاب سدات الباب
رحاب(بصوت مبحوح) : شكراا..
وجدان:(بابتسامة)  و اخيرا دويتي ههه
رحاب:نتي هيا مرت خويا ياك
وجدان:مم كولشي جا بالزربة
رحاب:ههه
وجدان:والله داوية معااك جييت نداويك صدقت مزوجة..
رحاب:ههههه ضحكتيني والله
وجدان:ولاهيلا قالك ديرها فايد الله و سيير انا درتها فايد الله و تزوجت و بيمن ب عثماان
رحاب:مم خويا و كنعرفوو  ولكن حنين والله
وجدان:ممم بيناا... 
رحاب: اوا مرحبا بييك عدنا
وجدان: ههه ترحب بيك الجنة ا حبيبة
رحاب:سمحي ليا ايلا وقعو ليك مشاكل بسبابي والله
وجدان:لي دارها الله فيها خيير متقوليش هاكااا...
رحاب:اه بصح
وجدان:مهم انا جاااني الجووع
رحاب:هه تانا.. مكليتش من شحال
وجدان:رحاب
رحاب:نعام
وجدان:اتعودي ليا مالك ياك
رحاب: و.. واخا
وجدان: الله ايرضي عليك هه انا انهبط نجيب لينا مناكلو واخاا..
رحاب: واخا ا ختي
هبطات وجدان لقات رحمة واققة على الخذامات و طالقة حلوقها
رحمة: سربيو سربيو راه ايجيو الناااس
وجدان:ايجيو عدنا الضيااف
رحمة(طلعتهاا و نزلتهاا) : اه ايجيو عندي الضيااف نتي راه مجاي حد عندك اصلا نحشم..
وجدان:و علاش تحشمي ا لحاجة
رحمة:زوااج الزربة نحشم نقوليهم ولدي عاود تزوووج..
وجدان:(بقا فيها الحال ولكن مبينتش)  تانا محاملاش نخالط ضيافك جيت ناخد ا الغدا ل رحااب
رحمة:رحاب بنتي دوااات
مجوبتهاش وجدان هزات البلاطو د الغدا و طلعت
رحمة:(كدوي مع الخدامات)  خففووو ايديكم وااااه شحال تقالات
طلعات وجدان لفوق دخللت حطات الغدا و جلست
لاحظت رحاب كفاش تبدل ليها الموود ديالها
رحاب:مالكي
وجدان:هم لا والو اجي تاكلي
رحاب:(بشك)  قاتلك ماما شي حاجة
وجدان:صافي نساي اجي نااكلو راه الجوع قتلني
كلاو البنات شبعوو كيدويو و ايتعاودو كأي بنت مع صاحبتها
كملو الغدا و دخلو غسلو ايديهم و خرجو
وجدان:اوا دبا فاش كلينا و شبعنا.. دوي كنسمعك...
رحاب:لقيتو كيخوني..
وجدان:راجلك
رحاب:مم..
وجدان:معمن
رحاب:ص..صاحبتي
وجدان:فاااك تال هاد الدرجة
رحاب : ااه هوا من نهار عرفني مكنولدش و هوا ايتقلب ولا واحد اخر كيجي لدار معطل و كنشم فيه ريحة البنات ..
حتال واحد النهار تبعتو و عرفتو طيح مع صحبتي.. مني بغيت نمشي عند خويا باش نقولها ليه ضربني.. و ردني هاكااا...  خليتو حتا مشا للخدمة و شديت اول طيارة للمغريب و جييت
وجدان:ولكن واش درتي التحاليل راه كولشي عند الله قرييب تقدري تولدي
رحاب:معرفتش ا ختي والله
وجدان:ايكون خيير يا ربي ايكون خييير
بقاو البنات كيدويو و ايتعاودو وجدان اصلا اجتماعية دغيا كدخل رااسها و رحاب ولفات على وجدان دغياا..