#قرارات_مُهمشه⏳
حلقه20
ممكن الناس الي تقرا تحط لايك يعني
"كانت طيارتنا في الصبح وصلنا بنغازي علي ضهر وكان جاينا طه
طه يسلم علي صلاح..الحمدالله علي السلامه ياغالي والله لك وحشه
صلاح..الله يسلمك ياطير
طه وخر ومدلي ايده..الحمدالله علي السلامه
انا كنت مصبيه تلا صلاح..الله يسلمك
صلاح بحت فيا..هيا
طلعنا معاه وركبنا في سياره
طه..وين تبي حوشك ولا حوش عمي
صلاح..لا حوش باتي متغدين غادي
انا رقتلي لانه كنت بنتريح قبل وبعدها نعدو غادي
وصلنا قدام حوش هله ونزلنا وطه نزل شناطي
صلاح..هي تفضل تغدا معانا
طه..لا وين امي تراجي من نبدري مره أخرى نتلاقوا بعدين
صلاح..ان شاء الله منور
طه شيرله ب ايده ونحن مشينا عند باب صلاح طلع مفتاح وحل الحوش خشينا
صلاح بصوت هادي..خلي شناطي هنا وتعالي
انا هزيت راسي ونمشي وراه
صلاح خش وهوا مبتسم..السلام عليكم
تغريد برمت..هيييي صلاح وصل
جت تجري تسلم عليه..الحمد الله علي السلام
صلاح..الله يسلمك وينهم
تغريد..جوا خيرات جهودي الحمدالله علي السلامه
انا ابتسمت..الله يسلمك حبيبتي
خشينا جوا في صاله وسلمنا عليهم وقمعزنا
جميله..كنك ماقلت انك وصلت
صلاح..اني وصلت ياامي
محمد..باهي ان شاء الله ماتعبتوش في طياره
صلاح..لا تمام مافيش تعب
محمد..باه كويس كيف حالك يابنتي
انا..كويسه ياعمو
بسنت..صلوحي شن جبتنا
جميله..اسس خوك كيف وصل
صلاح يضحك..خليها ياامي توا بعدين نعطيكم هدايكم
بسنت..عسللل انت عارفتك ديما حاجتك سمحه
صلاح بحت فيا..لا هالمره اختيار جهاد
تغريد..انت ومراتك واحد عادي
انا ابتسمتلهن
جميله..صلوحي كنكم تعبانين عدو ياباتي تريحو ونعقبلكم
صلاح..لا ياامي عادي مش تعبانين تعبانه ياجهاد انتي
انا نحرجت قدامهم..لا عادي يااعميمه مش تعبانين
جميله..باهي علي راحتكم
صلاح..وين اياد
جميله..طالع مع شباب توا يجي قريب قال
صلاح..اهااا باه شن غداء ياامي
جميله..كسكسو يا حبيبي عارفتك تحبه
تغريد..صلاح يموت في كسكسو ياجهاد كان يلاقه كل يوم
انا..صاح لهدرجه تحبه
صلاح..بكل أخرى
بسنت..ديره له يوم بعد يوم وحتى تريحي عادي يرضي
صلاح ضحك وبحت فيا رفع حاجبه
انا ابتسمت وفي عقلي مانعرفش نحط طنجره علي نار
صلاح..اها بعدك جهاد طيابه
انا بحتت فيه وفنصت ب ابتسامه
تغريد..صاح يعوينك انا كل حاجه نديرها تنحرق
محمد..ساهل بشويش توا تعلمي
تغريد..ماه يابابا هيا الي تعصب وتلزني بعدها
جميله..بطلت وانا نعلم
انا قربت من صلاح قرصته وبصوت واطي..يالئيم توا نوريك
صلاح يحرك في ايده..باه ايدك راه نعيط ونقول مجوز بيبي
انا فكيت ايدي وفنصت فيه وهوا يضحك
شويا وحطو غداء وزعنا عليهم الهدايا وعجبنهم وخشن بنات يلمن في مطبخ وحلفلي نطلع علي سبه عروس وصلاح خش مع امه وانا قعدت مع محمد في صاله واياد ساكته ومتحمشه
