منقولة
#دنيتي_تغيرت💔✨
حلقه ثامنه وخمسون🌸
"انا..شن في فاارس
صكر الفون وبحت فيا وكان وجه اسود تما يمسح ف عيونه بقوه وصبى
فارس بصوت مخنوق..صبي البسي
انا تميت نرعش لانه عرفت انه ف حاجه..ف من قولي واحد من خوتي ولا من
فارس..ريان صبي البسي مانبيش نعاود
قعدت نبكي ونخبط ف خدودي
انا..ف من قولي ف من
مسك ايديا بقوه
فارس..اهدي بس بعدها نقولك اهدي
بحتت فيه وكاننن عيونه مليانات دموع
انا..قولي هااه انا هاديه من قولي ف من
فارس بصوت واطي..جدتي عطاتك عمرها
صبى بسرعه وطلع من دار وانا حطيت ايدي ع فمي ونبكي معش قدرت نصبي كرعيا نشلن
رد خش عليا فارس وطلع عابيه عزقها ليا وطلع
مسكتها وصبيت لبست بسرعه وطلعت من دار لقيت باب مفتوح وكريم مصبي يلف ف مفتاحه وفارس يمشي ف ايده ع شعره وحاط ايده وراء ضهره
انا نبكي..هيا ي فارس هيا
برم بحت فيا ونزل يجري قدامي وانا وراء
كريم..وراكم نحن
نزلت وركبت ف سياره وحاطه راسي ع قزاز ونبكي لين وصلنا الحوش لقيت الناس قدام الحوش وسمعت صوت العياط نزلت نجري لقيت قيص مضبط هيثم ومنهار يبكي ومهاب حاط ايده ع عيونه خشيت لحوش قبلتني ايه
ايه..ينعليا ي ريان ماتت بين ايديا بين ايديا صوتها بين عيوني مزالت ينعليا امس كنت معاها م كان فيها شي
قعدت نبكي بقوه وهيا مضبتني زين وتبكي
وخرت ولقيت نور مقمعز وتبكي ع وطى حسيت دنيا غبشت عندي وحطت طول نسمع فف صوتهم وهما يعيطو ونحس فيه بعييييد بكل
فتحت عيوني ف مربوعه حوشنا لقيت ايه تلايا وفارس مصبي عند الباب
ايه..نضتي خليك متريحه خليك
اول م فتحت عيوني اذكرت وتميت نبكي
انا..نبي نشوفها نبي وينهي
ايه تبكي..خلاص اهدي بس انتي قبل
انا..تي كيف نهدا كيف النار الي شاعله فيك شاعله فيا حتى انا ياااربي
ايه ماسكه ايدي وتبيني نقمعز
انا..سيبني سيبيني
فارس بصوت واطي..خلاص خليها ي ايه
طلعت ايه وانا صبيت وراسي دايخ رديت قمعزت ع صالون اخرى جاء قمعز تلايا
فارس..قولي لا إله الا الله
انا نبكي..لا اله الا الله
فارس..مانبيش عياط انا وبكاء دفينا ع ضهر
انا ماسكه عبرتي بسيف..باه
صبى بسرعه وطلع وانا طلعت وراه ونبكي نسمع ف صوتهم ف جنان
طلعت نجري لقيت مروه كيف خاشه تبكي اول م شفتني جاتني تجري ضبطتني بقوه
مروه..ينعليا صدمتني ينعليا الي تلم فينا ينعليا ي امي حرقتني ف وسط قلبي
انا..م كان فيها شي قهرتني ي مروه قهرتني ف قلبي
مروه تبكي وماسكه ف ضهري زين وانا نبكي معاها قعدو الناس خاشه طالعه لين ضهر خش هيثم
هيثم..فكونا من العياط وبكاء الي تبي تبكي وتعيط تخش جوا
خششو التابوت قيص وفارس وهيثم ومهاب
جن يجرن البنات ويبكن وانا مصبيه من بعيد ونبكي
لقيت هيثم يسمح ف دموعه قربت منه وحضنته بقوه ونبكي وهو ع طول قعد يبكي زي العيل الصغير
مهاب بصوت واطي..هيا ي هيثم تي هيا ي راجل
طلع قيص بسرعه وطبسو هيثم وفارس ومهاب شمرو التابوت
فارس غمض عيونه زين..لا اله الا الله محمد رسول الله
طلعو برا والحوش نقلب اعياط
مشن تلات ايام العزاء
