منقولة
#دنيتي_تغيرت💔✨
حلقه خامسه وخمسون🌸
عند عمر ونور
عمر يبحت فيها وهيا خشت من باب
نور بصوت واطي..سلام عليكم
قمعزت وحطت مخده وراء ضهرها
عمر..كيف حالك
نور..كويسه
عمر..باهي تمام تاخذي ف دواك
نور..اها
عمر..كويس
قعدو ساكتين وعمر يبحت فيها
عمر..نور
نور رفعت راسها وبحتت فيه
عمر..معليش كنت معصب وقلت كلام مش حلو ف حقك انا اسف ي نور
نور..مذكر كلامك انت
عمر..بعد هديت شويا اذكرت كلامي غلطت فيك واجد بس من عصبيه مش مركز
نور..اها
عمر..كيف اها
نور..شن تبيني نقولك عمر الكلام الي قلته مش ساهل انت شكيت فيا وطعتني مش مصدقه انك انت قلت عليا هكي والله مش مصدقه وكلام وجعني كل م نذكره نحسك غريب عليا وم مانكش تعرف نور هذي من
عمر..م قتلك انا اسف ي نور
نور ضحكت بهزوه..من الي جابرك تجي عمي ولا مرات عمي ولا منو حتى وانت تعتذر بلا نيه
عمر صبى..اصلاً انتي غلطانه وانا اعتذرت ع كلامي بس بس فكره انك مش غلطانه مش محولها من راسي ومشيتك مع هيثم مش ناسيها لكي
نور..تمام يبقى انا قاعده ف حوش هلي م ناقصني شي قاعده بكرامتي تحسابني ميته ع مرواح معاك
عمر..خليك ي نور وراك تنسى كلامك هذا
نور..م تناسش عادي
صبت طلعت من مربوعه وهو صكر قبضه ايده بقوه وطلع من الحوش
ماما..ها شنو صار
نور..م صار شي ي ماما
ماما..كيف مش جاي بيردك
نور..تي اين بيردني م حكش شي ع رده تي اصلاً جاي مجبور
ماما..معليش ي ماما اهدي انتم اثنين معصبين مايصير شي هكي
نور تنهدت..بنخش نرقد
ماما..عدي باه تريحي
خشت نور لدار
بابا..شن صار معاها
ماما..قالت ما صار شي
بابا..م حكتش حاجه هيا
ماما..لالا ساكته
خش مهاب..السلام عليكم
ماما..جاء لاخرى
مهاب..كان تبي تبدي نطلع
بابا..اسمع واسكت ي حصان
مهاب سكت
ماما..كان تبي راضيا رد مراتك جاي عيد وهيا بعيده عليك
مهاب..ي امي عديت وقالت تبي تقعد انا شنو نديرلها؛؛بعدين اين عيد
ماما..عيد المولد
مهاب..انشاءالله خير وخلاص
ركب مهاب لشقته
ماما..ربي يهديهم وخلاص"
"ف ليل خش فارس وانا كنت ندير ف نص
فارس..سلام
عزق مفاتيح ف صالون
انا..سلامات
فارس..شن ديري
انا..نص جبنه
فارس..ديرلي معاك
انا..حاضر
فارس..نخش نغير بس ونجيك
انا..باه
درتله نص وصبيت عصير وقمعزت حاطه ايدي ع خدي وسارحه
فارس..جيت
انا..اه قمعز
فارس..سرحانه
انا ابتسمت..اها سرحت وانا نراجي فيك
فارس بدأ ياكل..اها
انا..عديت لحوشنا اليوم
فارس..اها
انا..شن صار ف نور وعمر
فارس..عمر راقيله ع اخير وم حكش شي الي يقول فيه هيا غلطانه وطلعت وم خذتش اذني بعد مشكله الي صارت بينهم هيا كلمت هيثم وهو مايبيش القصه توصل وتكبر فهمتي كيف
انا..اها عليك قصه
فارس..اها خلاص اليوم حكى معاها وم تفهمش معاها
انا..عليش
فارس..هو اصلاً راقيله منها ومن طلعتها حكى معاها بدون نيه هو بروحه م يبيش رده عارفه انا ع ساس ادير هكي بيش يادبها
انا..يييي قصه ونور مش شايله الماضي من بالها وهو مش عارفه شن مفترش معاها ربي يهديهم
فارس..انشاء الله
قعدنا ناكلو
فارس..صحه
انا..سلمك
فارس..خلاص لمي هذينا ولحقيني بنتفرج ع فيلم حلو
انا..باهي توا نجيك غير جيب فوطه مصقعه شويا
فارس ابتسم..توا ندفيك انا
انا..تي غير عدي بس
طلع فارس وانا برمت ع مطبخ وطفيت الضي وخذيت معايا شكلاطات
طلعت لصاله لقيت مطفى ضوايا ومولع الشاشه وجايب فوطه
حطيت شكلاطه ع طاوله وقمعزت وهو قمعز ورايا ولف الفوطه وحضني من لاوره وانا تكيت راسي ع صدره
انا..امتى بيبدا
باس راسي
فارس..شويا أخرى ويبدأ
انا..اها فيلم شنو
فارس..توا يبدأ وتحضري اسكتي بس
برمت بجنب ومسكت فيه وبست صدره بشويا وغمضت عيوني
فارس..تبي ترقدي
انا..لا لا
فارس..ها املا كنك مغمضه
انا..شي عادي هكي بس
حط ايده ع بطني ويمشي فيها
انا..تؤ فارس دغدغ بطل
فارس ابتسم..فرحان بحملتك
انا..عارفتك ي بيبي بس دغدغ بطل
باس خدي وانا دفنت راسي في صدره زين وتنفست بقوه
انا..راحتي ع صدرك
فارس..لانك مخلوقه من ضلعي
مسكت فيه اكثر
انا..احلى مكان هنا فيه عرم حاجات احساس حلو بكل الحظن دافي
فارس..وشن هنا عرم حاجات
انا..عرم عرم نحس فيهن من اول مره حضنتني فيها ع شط جاني احساس حلو بكل
بحتت فيه حسيت وجه تغير
انا ابتسمت..ع مهم انت حظن الدافي امتاعي انا وبس انت كلك ليا انا
فارس..ينعليا وخلاص
انا..بدا فيلم
فارس..اها
مديت ايدي ع طاوله وخذيت طرفين شكلاطه
انا..امسك
فارس..ماعنديش عليها شكلاطه انا توا ناكل معاك
انا..باه
فتحت الشكلاطه وقسمت منها ومديتله ونتفرج وناكل
وفارس حضني وحاط راسه ع كتفي ولف كرعيه عليا
انا..فيه رعب شويا الفيلم
فارس..اها كان تخافي منه نفوتو
انا..لا عادي م نخافش منه واجد
فارس..اها
قعدنا نتفرج لين نعست
انا..بننى
فارس ضحك..رقدتي
انا..بننى خلاص بنخش نرقد
فارس..مزال م كمل الفيلم
غمضت عيوني ومديت فمي
انا..تؤ فارس بنرقد خليني
طبس ع فمي وباسني
باه ارقدي حبيبي نوم عوافي
انا..بنرقد ف حضنك ارقد معايا
فارس. باه
طبس عليا وشمرني وحطني ع سرير وانا ماسكه ف رقبته حول الورغان وحطني ع سرير ورقد تلايا ورقدني ع ايده وانا خشيت ف صدره
قعد يبحت فيا ومبتسم ويلعب بشعري
فارس تنهد..ربي يخليك لقلبي"
