منقولة
#دنيتي_تغيرت💔✨
حلقه تاسعه وعشرون🌸
فارس معصب..امسكي نسيتيه ف سياره
مسكته منه وقعدت نبحت ف عيونه وهو باين فيهن الغضب..طلع بسرعه وانا تميت نبحت في نور
نور..سمعنا والله سمعنا في عيونه قاعده
انا..حي عليا ي نور والله حيدر فيا يوم أسود
نور..خلاص هو ضر مش حيضرك لانه حامل
انا..وينهم في حوش جدي
نور..اها تعال هيا؛شن جايبه معاك
انا..بسبوسه
نور..خلاص افرديها خير مايشكو
انا..تمام
خشيت وبديت نسلم عليهم
انا..شن درتو الفطور
ع منال..نفس العاده رز وعصبان وبيتزا وشربه وسلاطات
انا..اها باه ونفس تقسيمه يعني
اعميمه..نفسها وانتي شن جايبه معاك
انا..بسبوسه قلت نشربو بيها قهوء ولا كان تبو حطوها مع حليب
ماريا..درت قطايف للحليب
نسرين..عجنت لقمه القاضي وقريب من فطور حنقليها
ايه..مشاءالله مشاءالله
اعميمه..وانتن لمن حوش جدكن ونضمن الطاوله برا
لميس..الخدامه منضمه الحوش وحتى المواعين موتيتهن
نور..انا حنقعد في مطبخ معاهن وانتن طالعن
ماريا..انا معاك وانتي ي نسرين قمعزي تريحي
نسرين..توا نطلع انا وحده من بنات نضمو الطاوله
انا..انا نطلع معاك
طلعت انا ونسرين وفتحنا الطاوله وحطينا عليها النيلو..حسيت روحي بندوخ قمعزت ع كرسي
نسرين..كنك ي ريونه شن في شن صاير معاك
هزيت راسي ب شي
قمعزت قدامي ومسكت ايديا
نسرين..عادي يصيرن المشاكل في بدايه الزواج ماتشغليش بالك
انا..ي نسرين مش مشكله عاديه اوووف
نسرين..ماتحكيش هكي حنتحل وهو يحبك حتى وكان عيط عليك وقسى عليك فارس يحبك
انا..اوووف عارفته انا عند الغلط مايتحملش
نسرين..توا تنحل ماتخافيش
انا..انشاءالله
صبيت انا وياها وقعدنا نرتبو في حاجات وطواسي لانه المغرب قريب..بعدها خشينا جوا ونسرين قعدت ادير ف لقمه القاضي وانا طلعت برا لقيت شباب كلهم برا
انا..كل سنه وانتم طيبين شباب
كلهم..وانتي طيبه
صبيت وبديت نصب ف حليب
عمر..انقني عطشان عطشه ازف
انا..خلاص قريب اصبر
خشيت جو وطلعنا بحاجات وانا مش قادره نحط عيني بعين فارس
ايه..بست مش شايل عيونه من عليك متعاركين
انا..لا مش متعاركين
إذن المغرب وجو عمامي وبابا وقمعزنا كلنا بدينا نفطرو..بدو واحد واحد يصبو يصلو وبدينا في حط العشاء وتعشينا كلنا..وبدينا ف لم المواعين انا وبنات و ماما وصبايا عمامي طلعن لصاله يهدرزن ونحن في مطبخ نلمو في حاجات
نور..ماحكيتوش
انا..لا وين بنحكي توا في حوش اكيده
نور..يستر الله وخلاص
لمينا المواعين وانا قعدت أخرى وحده نشف في مطبخ نفتح باب المطبخ لي ع جنان..برمت لقيته فارس..قعد يبحت فيا ومليان غضب يعني في اي لحظه نتوقعه ينفجر فيا..كشيت في بعضي وخرت
انا بصوت واطي..تبي حاجه
قرب مني وسكر باب المطبخ ومسك ايدي بكل قوه
انا..اييدي كنك ي فارس سيبني
فارس يتنفس بقوه..الدس امتاعك توا يفيدك ومش حنمشيها لكي بالساهل غير نروحو بس مانبيش حد يشهد علينا
انا خفت..باه اطلقني خلاص توا نحكوا ف الحوش حول توجع فيا ي فارس
فارس..صار حامل صار ونور تعرف ومن أخرى يعرررف مننن
انا..فارس في حوش الله يربحك مافيش حد يعرف غير نور فارس مانبيش فضايح
فك ايدي بقوه وطلع قعدت ماسكه مكان مسكته ونتالم فتحت الباب ورديت انشف اخرى وطلعت برا
نور..هيا كنت نراجي فيك
انا..عدو كلهم
نور..اها فارس جاك صاح
انا تنهدت..جاء انا خايفه ي نور كان معصب بكل
نور..ماتخافيش توا يهدا تعالي هيا
انا..امي رقدت
نور..اها رقدت
طلعت انا ونور عدينا لحوشنا لقينا بابا و ماما يشربو ف شاهي ف صاله
انا..بابا كيف حالك
بابا..الحمد الله كيف حالك انتي شن دايره مع فارس
انا..الحمدالله تمام
ماما..نصبلك شاهي
فنصت فيا نور
انا..لا لا مانبيش
صبيت وخشيت لمطبخ نشرب ف ميه واجد
نور..عطشانه شكلك
انا..انا بكللل مش عارفه كني
نور..من الحمل شي طبيعي هذا
انا..اسسس راه تسمعك ماما بس
نور..ماما خشت بترقد شويا؛وانا بنعدي نهدرز شويا مع عمر
انا..تمام"
