دنيتي تغيرت

الحلقة الحادية عشر

"طلعت برا قعدت نوتي معاها وفارس وقيص مقمعزين يحكوا مع بعضهم وهيثم وعمر مع بعضهم وكريم يوم جمعه يقعد راقد لعند غداء

انا..جامع اذن
عمر..مزال عليه شويا
فارس صبى..بنعدي نوتي روحي قريب خلاص
قيص..خوذني معاك
فارس..شنو خوذني معاك هذي والدك ونسيك انا
قيص..امشي ي مسخ قصدي بنعدي معاك
فارس..بالك تبيني ندوشلك ولا نغيرلك
هيثم..تي خف عليه يا راجل وانت راكب فيه هزايب
فارس.. هههههه مهزب اصلاً
قيص..اوكِ منور شكراً ع بيعه راك تجي تشكي
فارس..بوجودك ي طيري
صبو شباب خشو جوا يوتو في اروحهم وانا وتيت صفره وخشيت جوا كسدت ع نت شويا لعند عدو شباب لجامع.

لميس..بكرا من تطلع معايا
انا..وين
لميس..لمحلات بنشري دبش
انا..انا نبي نطلع مزال ما كملت وفي حاجات نبوهن ليوم الحنه
نور..من يبي يشيلنا باه
لميس..اكيده عمر مافيش حد باله واسع كيفه
انا..اها صاح عمر باله بحر وجوه سمح في اختيار
مروه..وين بتعدن
لميس..شفت محل في شارع فنيسا دبشه حلو توا نشفوه
انا..ايه بتعدي معانا
لميس..قالتلي بنعدي كان ماتعبتش أخرى
انا..امممم

"ماريا..راسي داخ ووووو
مهاب يضحك..بلا اهبال معش تبحتي لوطه
ماريا..يهبل وادي الكوف ومنضره خيالي
مهاب..اها حلو المنضر
ماريا طلعت فونها..هيا خلينا نصورو بيش نوريهم للبنات ونقول راجلي رومانسي
مهاب..حي ع هبله
ماريا..لا لا مش اهبال بس من قبل صحباتي شفنك نهبلن عليك
مهاب..مشاءالله عارف روحي شخصيه مهمه
ماريا..تي غير فكني من ثقه ابتاعك
مهاب يضحك من جد جده..عنجد ابتاعك
ماريا حطت ايدها ع فمه..اسسسس فضحت بينا الناس يسمعو فيك
مهاب..عبيطه وحق ربي تعلمي تحكي
ماريا مدت فمها..زعلت خلاص تدويش معايا بعدين كل حد بجو يحكي فيهش شي
مهاب بصوت هادي..شن قلت انا ع حركه هذي نتعب معاها ي فرخه واخرى فيهش شي
ماريا ماسكه ضحكتها وتدوي بصوت بيبي..انت زعلتني دخلنيش بيك انا
مهاب..اركبي في سياره هيا
ماريا..عليش بنتفرج كنك سامط هكي انت
مهاب..اركبي خلاص ساد دهوره مش ديما عاد هيا
قعدت تبحت فيه كيف نفصل وفمها تقوص لانه زعلت.
ركبت في سياره وتبحت من روشن وساكته ومهاب ولع اغاني..

درس سياره في مكان فاضي معبي شجر..
مهاب..حبيبي
ماريا..تدويش معايا ي مهاب ااه
مسك ايدها وباسها
بعدها مسك وجها ويبرم فيه
مهاب..فكينا من عناد هيا خير م نسمط عليك
ماريا..تهزا ي بارد خززي
باسه خدها
وهيا بحتت فيه حول الوشاح امتاعها وقعد يبوس فيها ع رقبتها.
مهاب..تي ي غبيه جبتك هنا بيش ناخذ راحتي رايفت عليك
ماريا بصوت واطي..سامط بس كان خليتنا في وادي الكوف جو ممح غادي
مهاب..وممح اخرى
ماريا ضحكت..امممم ممح بكل
مهاب..تي ينعليا تعبي فيا ي فرخه هكي انتي
ماريا دف فيه..تي خلاص حول بلا سماطه خلينا نبرمو وبعدين جنت انا مانبوش ناكلو حاجه
مهاب..عديمه رومانسيه ازف
ماريا.. ههههههه واحد منه رومانسي كويس نحن اثنين يضر
مهاب رد مكانه..تهزي ي بارده
ماريا..توا شفت من رومانسي فينا ويقول بارده اخرى
مهاب ضحك..تي ماهو من الحب ي عسل
ماريا..عسل وماعسل نبقو في حاجه أخرى سوق سوق جعانه
مهاب..دور غير في بطنها يارا عليك طفله حصلت في امها
ماريا..املا شنو البطن قبل الوطن
مهاب..حتى امثالها زي وجها مافيهنش جو بكل
ماريا..كنه وحق تقول تقووووليش
مهاب..لا حول الله وخلاص
ماريا..كيف ماحرقت دمي نحرق دمك
مهاب..توا نوريك غير نردو للمزرعه ي ماريا "