كانت تهابه دوناً عن الجميع فهو الأكبر والأكثر قساوة بين أقاربها .. ولكن من كان يدري أنه سـيكون طوق النجاة الذي سـينتشلها من بؤرة هلاكها
الجزء الاول من سلسلة نبضات بين الو
روايـة رومانسي أجتماعي ..
بقلمي: شيمـاء عصمت ..
شعـيب (نبضات بين الوجدان) 🦋الفصل الثاني عشر بقلمي شيماء عصمت🦋
صلوا على خير البرية ♥️♥️♥️ أستغفر الله العظيم واتوب اليه عدد خلقه ورضا نفسه وزنة عرشه ومداد كلماته
الغلاف ده اتعمل في خمس دقايق فتلقوه مش قد كده 😂💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صُدِمَ شعـيب من مظهر لتيـن المرعب. كانت تقف أمام مرآة المرحاض جاحظة العينين ويقبع أسفل قدميها خصلات شعرها المبتورة بقسوة
ابتلع ريقه بصعوبة ثم اقترب منها بحذر قائلًا بخفوت: لتيـن!
لم يرمش لها جفن وكأنها لم تسمعه من الأساس .. وضع كفه على ذراعيها فـأبعدته بعنف ثم صرخت بهسترية: متلمسنيش أبدًا.. ابعد عني .. أنت ازاي تعمل اللي عملته ازااااااي .. ازاي أنا وافقتك على كده؟!.. أنا أخت مراتك.. أخت زهرة!! أنت خاين خاين يا شعـيب وأنا كمان خاينة .. خاينة خاينة خاينة
أخذت تكررها بأنهيار وهي تلطم وجهها بوحشية حتى أدمته
صمتت برعب تلهث بعنف وهي تلاحظ تبدل ملامحه الهادئة إلى أخرى شرسه. عنيفة
أكمل شعـيب بشراسه: الجنان اللي بتعمليه ده توقفيه حالًا بناتي نايمين بره اتحملي مسؤولية اللي عملتيه أنا ما أجبرتكيش على حاجة اللي حصل كان برضاكي واللي حصل مش خيانة .. أنتِ مراتي على سنه الله ورسوله أنتِ أرتبطي بيا بموافقتك محدش أجبرك ولو نيجي للحقيقة فـأنا اللي أتجبرت عليكي
اتسعت عيناها بصدمة ودموعها تغرق وجنتيها فهدر بـانفعال يتجاهل شعوره بالشفقه نحوها: أيوه أتجبرت عليكِ.. بس تقبلتك ورضيت بالأمر الواقع صبرت عليكِ كتير وحاولت أفهمك بس أنتِ جبانة .. جبانة من زمان أوي من وقت ما صبرتي على واحد ×××× كان مطلع عينك ومعيشك في سواد وفضلتي على ذمته أربع سنين!! جبانة عشان يوم ما قررتي تنهي علاقتك المسمومة بيه ما واجهتيش الكل للأخر .. جبانة عشان قررتي تنتحري .. وقنطي من رحمة ربنا .. جبانة عشان لحد دلوقتي مش قادرة تحاربي خوفك اللي عشش جوه قلبك .. بقيتي تخافي من مجرد ما تشوفي وشه!!! بتخافي لو أنا بس قربت منك! لمستك!!! وأنا جوزك! ودلوقتي لما بقيتي مراتي ومشينا خطوة كبيرة في علاقتنا برضاكي رجعتي لجبنك وخوفتي من تاني .. أنتِ مريضة ولازم تتعالجي..
