اسيرة قدرك

البارت 56

-ترددت بعدها دكيت عليه جاوبني ومبين
النعاس بصوته.. ها يابه خوما اكو شيء؟!..

-وين انت شنو هاي الاصوات يمك حجيتها
هو كال.. يم مهاب منجمين وذول ما يخلون
الواحد ينام و استحي اعوفهم مجلبين بيه..

-ضحكت.. واذا اخلصك منهم..

-و شلون بلا تخلصني هي كله من عنادج جان
هسه اني نايم..

-قاطعته لان بعد شيسكته من يرزلني ويذب
اللوم عليه.. تعال اخذني ترى اشتاقيتلك ما
اكدر انام..

-لا بربج حجاها مستغرب..

-والله تعال.. هو صاح تحضري نص ساعة يمج اسمع صوتهم..  وين يمعود ما سمعت رده الهم سديته ورحت احضر غراضي ماما كالت وين؟!..

-اشتاقيت لأسر باجر اجيكم هي ضحكت.. روحي يمه و باجر تعاي من وكت..

-بستها ان شاء الله.. كعدت يمها شوي واجه اسر طلعت بسرعه وصعدت بسيارة.. اشتاقيتلك..

-كرصني.. انتي فد وحدة ادبسز مو كلنا من البداية امشي ويايه لو هي عناد..

-يعني ارجع حجيتها بزعل مصطنع.. هو
صاح.. انجبي حبيبتي منو الي يخليج ترجعين..

-رجعنا للبيت وجان الوقت متأخر ردت اخذ
البنات بس هو ما قبل نجيبهم كال خطية يتبهذلن
ونايمات هسه..

-هو بقى يقفل بالبوب واني ركضت للغرفة
لبست وتعطرت مدد وفتح ايده حضني.. هسه اكدر انام الجلاب راسي سطروا شكد يسولفون
ولا عبالك وراهم هوسه العرس..

-ضحكت.. والله اني هم البنات كلهن مجتمعات
وبالي يمك ولا كدرت انام لان اشتاقيت لحضنك..

-هو باسني بقوة و تالي ما خلاني انام
الظاهر الليلة اسر اتذكر يجدد ليله عرسه
بس بشيء مختلف ما جان هو عصبي
ولا اني جنت ما متقبلته..

-كعدت من وكت حتى ارجع يم اهلي بس
ما قبل.. ابقي ويايه حبيبتي نروح سوه للزفه..

-يا اسر تحجي صدك وين ابقى تزعل
عليه نورهان..

-حاوط وجهي بين ايديه وباس خشمي.. اش محد يزعل منج اني اريدج وياي نطلع منا  للقاعة..

-سكتت شسوي بعد رحت سبحت وحضرت ملابسنا  وسويت غده على السريع حتى
ما نتأخر..

-بعدها تجهزنا للعرس لبست فستان مستور
وهو لبس قاط اسود وقميص ابيض وخليت مكياج خفيف لا نوب يحرمني حتى من العرس
اذا طوخت..

-طلعنا لبيت ام مهاب شفناهم ديتحضرون
للزفة كلها صعدت بالسيارات  شفت ايهم
جاي خطيه هو ومرته واهله تنهدت هسه
سجى تتحطم..

-رادو يصعدون ويانه بنات خاله هو صاح  بيهن محد يصعد محجوزه اليوم  سيارتي..

-يا اسر عيب شنو محجوزة؟!..