اسيرة قدرك

البارت 55

-رحت للغرفة ابدل اجه هو ركضت شبكته..

-افضالك صارت هواي عليه باهلي شلون
اجازيك يا راحتي وحبيبي انت..

-كرصني من خشمي.. اش هل حجي ما اسمعه كتلج وياج اني لحد ما تغمض عيني وما أتخلى عن احد انتي تحبي لا تعيدينها..

-مبين فارس مرتاح هنا الله يوفقك ولا يحرمني
منك حجيتها وهو كال ما اخلي يروح لأي مكان يبقى هنا خلي تتعدل نفسيته ويبتعد عن الشلة
الطايح حضها واني جبتكم هنا حتى هم
ترتاحين انتي بعيد عن المشاكل وهم اخوج
ياخذ راحته..

-رفعت نفسي وبوسته.. احبك هواي ترى.. هو
ضحك.. ادري..

-طلعت وسويتلهم اكل وفرحانه بيهم وفارس
مخلي البنات يمه ويبوس بيهن..

-بهاي الفترة فرحتين عندي عرس نونه  وفارس يمي ممتنه لاسر هواي الي فرحني من احتوى
فارس وحتى ما قبل احجي ويا شيء كال
تعبان لا تضغطين عليه ويضوج ويطلع منا
وتالي يرجع على نفس الطريق..

-بدينا نجهز لعرس مهاب اشتريت ملابس للحنه فستان ابيض واسر تخبل عليه من شافه
ياخذني على اهله  بس ما احجي ويا سماح وام دنو سماح رجعت على كد الحفله وترجع
للنجف بين ما تصير خطبتها رغم نظراتها
تجاهلت كل شيء لعيون اسر لان ما اريده
ينغث على شيء تافهه..

نورهان..

-من بعد الي سواه وياي مهاب و الخوف الي
دخله لكلبي اعتذر مني و ضل يبوس بيه
وبحجه انو نتعود على بعض وما عنده
غير نيه وياي غير بس انو نتعود على بعض
قبل العرس..

-طلعت منهم واخذني كملنا النواقص و بعدها
نزل جاب بيتزا كعدنا ناكل بالسيارة فرحانه
بي اكثر شيء احبه بمهاب هو انو ثبت حبه
بالافعال مو بالكلام جانت افعاله اكثر ما طول
علاقتنا و لا خله احد يحجي علينا وحاليا
العرس نفس الشيء قرر يصير باقرب
فرصة حتى لا تصير مشاكل بينه وبين عمر..

-من كملنا كتله خلي نرجع هسه يقلقون عليه
و تالي اترزل ما يقبلون اتاخر..

-سهله كم يوم و تصيرين مرتي شرعا و قانون
و اخليج بيتي وخلي اشوف بعد منو الي يفتح حلكه وياي حسرة عليه اطلع اذا ما كلتي ماما عمر
اهلي..

-وصلنا من نزلت هو ضل يوصي بيه
و شنو تحتاجين تطلبين مني ممنوع من احد
غيري بسته بالهوا ونزلت..هو كال انزل
وياج اخاف احد يغثج احجي وياهم..

-لا حبيبي ما يحتاج نزل فتحلي الباب دخلت
وهو راح..

-من طبيت جان البيت هدوء هو اتصل.. خوما احد حجه وياج..

-لا اصلا البيت هدوء.. حجيتها هو كال
حرامات..

-استغربت.. ليش؟!..

-ضحك شوف الفطيرة.. جان هسه شابع
بوس منج بس حرامات راحت عليك يمهاب..

-ضحكت منحرف ما يجوز من سوالفه..