.#جعلتني_رجلا
بقلم
#مريم_السعدي
بارت٣٨
ﺭﻭﻳﺪﻩ - ﻛﻌﺪﺕ ﺍﻟﺼﺒﺢ ﺭﻭﻭﻑ ﻣﻮ ﺑﺎﻟﻐﺮﻓﻪ ﻛﻤﺖ ﺑﺪﻟﺖ ﻭﻧﺰﻟﺖ ﺷﻔﺘﻪ ﻳﺘﺮﻳﻚ ﻭﻱ ﻧﺴﻴﺒﻪ ﻭﺍﺧﺘﻪ ﻭﺑﺎﺟﻴﺘﻲ . ﺭﻓﻊ ﺭﺍﺳﻪ ﺍﺑﺘﺴﻢ ﻛﺎﻝ
ﻫﺎ ﺷﻮﻥ ﺻﺮﺗﻲ
ﺭﻭﻋﻪ - ﻟﻴﺶ ﺷﺒﻴﻬﺎ ﺷﻨﻮ ﻣﺮﻳﻀﻪ
ﺭﻭﻳﺪﻩ - ﺑﺎﻭﻋﺘﻠﻲ ﺭﻭﻋﻪ ﺑﻘﻠﻖ ﻭﺑﺎﺟﻴﺘﻲ ﻫﻢ ﻛﺎﻟﺖ
ﻳﻤﻪ ﻫﺬﺍ ﺣﻠﻴﺐ ﺩﺍﻓﻲ ﺗﻌﺎﻱ ﺻﺎﻳﺒﺞ ﺑﺮﺩ ﻫﺎﻱ ﺟﻴﻒ ﺍﻟﻮﻃﻨﻲ ﻣﻄﻔﺖ ﺍﻟﺒﺎﺭﺣﻪ ﻭﺍﺣﻨﺎ ﻣﺘﻌﻠﻤﻴﻦ ﺗﻄﻔﻰ ﻫﻬﻬﻪ ﻣﺎﻳﻠﻮﻛﻠﻨﺎ ﻧﻌﻴﺶ ﻣﺜﻞ ﺍﻟﻌﺎﻟﻢ ﻭﺍﻟﻨﺎﺱ ﻫﻬﻬﻪ ﺩﺗﻌﺎﻱ ﺗﻌﺎﻱ ﻟﺘﻀﻠﻴﻦ ﻭﺍﻛﻔﻪ ﻭﺟﻬﺞ ﻛﺮﻛﻢ
ﺭﻭﻳﺪﻩ - ﻛﻌﺪﺕ ﻳﻤﻬﺎ ﺻﺒﺖ ﺍﻟﺤﻠﻴﺐ ﻣﻦ ﺍﻟﺪﻟﻪ ﻭﻃﺘﻨﻲ ﺷﺮﺑﺘﻪ ﻛﻠﻪ ﺑﺎﻭﻋﻠﻲ ﺭﻭﻭﻑ ﻳﺒﺘﺴﻢ ﻳﺎﺷﺮ ﻋﻠﻰ ﺷﻔﺘﻲ ﺑﻴﻬﺎ ﺣﻠﻴﺐ ﻭﻳﻨﺼﻲ ﻳﺒﺎﻭﻉ ﻟﺒﻮ ﻣﺤﻤﺪ ﻳﺨﺎﻑ ﻟﻴﻨﺘﺒﻪ ﺟﺮﻳﺖ ﻛﻠﻴﻨﻜﺲ ﻭﻣﺴﺤﺘﻪ ﺗﺪﻧﺖ ﺭﻭﻋﻪ ﻭﻗﺪﻣﺖ ﺍﻟﺠﺒﻦ ﻧﺎﻭﺷﻠﻲ ﺭﻭﻭﻑ ﺻﻤﻮﻧﻪ ﻣﻜﺴﺒﻪ ﺑﻘﻴﺖ ﺍﺑﺎﻭﻉ ﻋﺎﻟﺼﻤﻮﻧﻪ ﺷﻮﻥ ﻋﺮﻑ ﺑﻴﻪ ﺍﺣﺒﻪ ﻣﻜﺴﺐ ﺳﻮﻳﺖ ﻟﻔﻪ ﻭﻛﻌﺪﺕ ﺣﺠﻮ ﻣﻮﺍﺿﻴﻊ ﻣﺨﺘﻠﻔﻪ ﺍﻧﻲ . ﺭﻭﺣﻲ ﺗﻠﻮﺏ ﻛﻮﻩ ﺍﻟﻮﺝ ﺑﺎﻟﻠﻔﻪ ﻭﺍﺑﻠﻌﻬﺎ ﺯﺭﺩﻭﻣﻲ ﻣﺠﺮﺡ ﻣﻦ ﺍﻟﺒﺠﻲ ﺷﺎﻳﻠﻪ ﻫﻢ ﻟﺮﺟﻌﺘﻲ ﻻﻫﻠﻲ . ﻭﻟﺤﺪ ﺍﻻﻥ ﻛﻼﻡ ﺣﻴﺪﺭ ﻳﺪﻙ ﺑﺎﺫﻧﻲ . ﻗﺎﻃﻊ ﺗﻔﻜﻴﺮﻱ ﺳﻠﻴﻢ ﻛﺎﻝ
ﺭﻭﻳﺪﻩ ﻣﻦ ﻳﻤﺞ ﺍﻟﻘﻮﺭﻱ ﺻﺒﻴﻠﻲ ﺟﺎﻱ ﻓﺪﻭﻩ
ﺍﻭﻙ ﻫﻤﺴﺖ ﺻﺒﻴﺘﻠﻪ ﻭﻛﺎﻣﻮ ﻣﻦ ﺍﻟﺼﻴﻨﻴﻪ ﻭﺍﻧﻲ ﺑﻌﺪﻧﻲ ﺍﺟﺠﻴﺐ ﺍﻟﻠﻜﻤﻪ ﻣﻨﺎ ﻭﺍﻭﺩﻳﻬﺎ ﻣﻨﺎ ﺭﻭﻭﻑ ﻛﺎﻋﺪ ﻛﺪﺍﻣﻲ ﺑﻘﻪ ﻣﻜﺎﻡ . ﺑﺲ ﻣﺪﻳﺎﻛﻞ . ﻳﺸﺮﺏ ﺟﺎﻱ ﺑﻬﺪﻭﺀ ﻭﻳﺒﺎﻭﻉ ﻋﺎﻟﻠﻔﻪ ﻣﺎﻟﺘﻲ ﺷﻮﻛﺖ ﺗﺨﻠﺺ ﻣﺪﺍ . ﺍﻛﺪﺭ . ﺑﻌﺪ ﺫﺑﻴﺘﻬﺎ
ﺑﺎﻭﻋﻠﻲ ﺑﻘﻠﻖ ﻛﺎﻝ
ﻛﻤﻠﻴﻬﺎ ﻳﺎﺑﻪ
ﻣﺎﺭﻳﺪ ﺷﺒﻌﺖ ﻣﻮ ﺑﻴﺪﻱ
ﻣﻴﺨﺎﻟﻒ ﺗﺘﻘﻮﻳﻦ ﻳﻠﻪ ﻛﻤﻠﻴﻬﺎ ﺍﻟﺒﺎﺭﺣﻪ ﺍﻟﻠﻴﻞ ﻛﻠﻪ ﺗﻮﻧﻴﻦ ﻣﺼﺨﻨﻪ
ﺭﺩﻳﺖ ﺑﺘﻌﺐ ﻋﻔﻴﻪ ﺭﻭﻭﻑ ﺷﺒﻴﻚ ﺍﻧﻲ ﻣﻮ ﻣﺜﻠﻚ ﺗﻜﻌﺪ ﺍﻭﻝ ﻭﺍﺣﺪ ﻭﺗﻜﻤﻞ ﺍﺧﺮ ﺍﻟﻜﻞ ﺍﻧﻲ ﻫﺬﺍ ﺍﻛﻠﻲ ﻣﻦ ﺍﻭﻝ ﺍﺣﺠﻲ ﺑﻬﺪﻭﺀ ﺧﺎﻑ ﻳﺴﻤﻌﻮﻧﻲ ﺭﻭﻋﻪ ﺗﺮﻭﺡ ﻭﺗﺠﻲ ﺗﺒﺎﻭﻋﻠﻲ ﻣﻌﺎﺟﺒﻬﺎ ﺑﺎﻭﻋﺘﻠﻪ ﺷﻔﺘﻪ ﻣﻨﺼﻲ ﺭﺍﺳﻪ ﺟﺮﻧﻔﺲ ﺭﻓﻊ ﻋﻴﻨﻪ ﺑﺎﻭﻋﻠﻲ ﻭﻋﺪﻝ ﻧﻀﺎﺭﺗﻪ ﻛﺎﻝ
ﺗﺮﻩ ﻛﺎﻋﺪ ﻋﻠﻰ ﻣﻮﺩﺝ ﺧﺎﻑ ﺗﺨﺠﻠﻴﻦ ﺗﺒﻘﻴﻦ ﻋﺎﻻﻛﻞ
ﻛﺎﻝ ﻫﻴﺞ ﻭﻛﺎﻡ ﻣﻦ ﺍﻟﺼﻴﻨﻴﻪ ﺍﻧﻘﻬﺮﺕ ﻛﻤﺖ ﻭﺭﺍﻩ ﺷﻠﺖ ﺍﻟﺼﻴﻨﻴﻪ ﻭﻟﻤﻠﻤﺖ ﻭﺭﺗﺒﺖ ﻛﻠﺸﻲ ﻭﻏﺴﻠﺖ ﺍﻟﻤﻮﺍﻋﻴﻦ ﻭﺻﻌﺪﺕ ﺣﻤﻮﺩﻱ ﺍﺑﻦ ﺭﻭﻋﻪ ﻋﺎﻟﺪﺭﺝ ﻛﺎﻝ
ﻋﻤﻪ ﺧﺎﻟﻮ ﻛﺎﻝ ﺻﻴﺤﻬﺎ ﻭﻳﺎﻙ
ﺍﻱ ﺍﻭﻙ
ﻋﻤﻪ ﻋﺎﺩﻱ ﺍﺧﺬﺕ ﻣﻦ ﺛﻼﺟﺘﺞ ﻧﺴﺘﻠﻪ ﺧﺎﻟﻮ ﻛﻠﻲ ﻣﻴﺨﺎﻟﻒ
ﺍﺧﺬ ﺣﺒﻴﺒﻲ
ﺷﻜﺮﺍ ﻫﺴﻪ ﻣﻦ ﺑﺎﺑﺎ ﻳﺠﻴﺒﻠﻨﺎ ﺍﺟﻴﺒﻠﺞ ﺍﻧﻲ ﻫﻢ ﺑﻴﺒﺎﻱ
ﻫﻬﻪ ﺍﺑﺎﻭﻋﻠﻪ ﻧﺰﻝ ﻣﻦ ﻋﺎﻟﺪﺭﺝ ﺭﻛﺾ ﺍﻭﻝ ﻣﺮﻩ ﻳﻔﻮﺕ ﻟﻐﺮﻓﺘﻲ ﺷﺠﺎﺑﻪ ﺷﻌﺠﺐ ﻃﺒﻴﺖ ﻟﻠﻐﺮﻓﻪ ﺍﺑﺎﻭﻉ ﺭﻭﻭﻑ ﻳﺮﺑﻂ ﺣﺰﺍﻡ ﺑﻨﻄﺮﻭﻧﻪ . ﺑﺎﻭﻋﻠﻲ ﻭﻧﺼﻪ ﻛﺎﻝ
ﻫﺎ
ﺷﻨﻮ ﺍﺑﺘﺴﻢ ﻧﺼﻪ ﺩﺍﺭ ﻭﺟﻬﻪ ﻛﺎﻝ ﻋﺒﺎﻟﻲ ﺑﻌﺪﺝ ﺗﺮﺩﻳﻦ ﺗﺮﺣﻴﻦ
ﺍﻱ ﺍﻧﻲ ﺣﻀﺮﺕ ﻫﺪﻭﻣﻲ ﻟﻴﺶ ﺍﻧﺖ ﺣﺘﻄﻠﻊ ﻋﺒﺎﻟﻲ ﻣﻦ ﺑﺎﺑﺎ ﻳﻄﻠﻊ ﺗﻮﺩﻳﻨﻲ ﺑﺎﻭﻋﻠﻲ ﻣﺎﻳﺲ ﻧﺰﻝ ﺍﻳﺪﻩ ﺻﻔﻦ ﻋﻠﻴﻪ ﺟﺮ ﻧﻔﺲ ﻛﺎﻝ
ﺗﺤﻀﺮﻱ
ﺍﻭﻙ ﻟﺒﺴﺖ ﻭﻫﻮ ﻛﺎﻋﺪ ﻋﺎﻟﻘﻨﻔﻪ ﻣﺎﻝ ﻏﺮﻓﻪ ﺻﺎﻓﻦ ﻋﺎﻟﻜﻊ ﻭﻳﻬﺰ ﺭﺟﻠﻪ ﺍﺩﺭﻱ ﺑﻴﺶ ﺩﻳﺤﺴﺴﺐ ﺑﺲ ﻣﻮ ﺑﻜﺪﻱ ﺑﺲ ﻫﻲ ﺍﻳﺎﻡ ﻭﺗﻌﺪﻱ ﻭﺭﺍﺡ ﺍﺛﺒﺘﻠﻬﻢ ﺍﻧﻪ ﻣﺎﻋﻴﺪﻫﺎ ﺑﻌﺪ ﺑﺲ ﻟﻮ ﻳﻨﻄﻮﻧﻲ ﻓﺮﺻﻪ ﻭﻟﻮ ﺍﻧﻲ ﻣﺎﺍﺳﺘﺤﻖ ﻛﻤﻠﺖ ﻭﻛﻔﺖ ﻛﺪﺍﻣﻪ ﺍﻧﺪﺍﺭ ﻋﺎﻟﺠﻨﻂ ﻣﻴﺒﺎﻭﻉ ﺑﻮﺟﻬﻲ ﻛﺎﻡ ﻧﺰﻟﻬﺎ ﺧﻼﻫﺎ ﺑﺎﻟﺴﻴﺎﺭﻩ ﻛﺎﻟﺖ ﺑﺎﺟﻲ
ﺷﻨﻮ ﺭﺍﻳﺤﻪ ﻻﻫﻠﺞ
ﺍﺍﻱ ﺑﺎﺟﻲ
ﺧﻮ ﻣﺎﻛﻮ ﺷﻲ
ﺭﻭﻭﻑ - ﻳﻮﻡ ﺑﺴﺘﻬﺎ ﻣﻦ ﺭﺍﺳﻬﺎ ﻳﻮﻡ ﻓﺪﻭﻩ ﻟﻌﻴﻨﺞ ﻣﺎﺭﻳﺪ ﺍﺣﺪ ﻳﺘﺪﺧﻞ ﺑﺤﻴﺎﺗﻲ
ﻫﺎﻩ ﺷﻨﻮ ﻳﻌﻨﻲ ﻗﺼﺪﻙ
ﻳﻌﻨﻲ ﻻ ﺑﺎﻟﻄﺎﺑﻪ ﻭﺍﻟﻄﺎﻟﻌﻪ ﺗﺴﺎﻟﻴﻦ ﻫﺎ ﻭﻳﻦ ﻫﺎ ﻟﻴﻦ
ﺭﻭﻳﺪﻩ - ﺑﺎﻭﻋﺖ ﻟﺒﺎﺟﻴﺘﻲ ﻧﺼﺖ ﺭﺍﺳﻬﺎ ﻣﻘﻬﻮﺭﻩ ﺗﻘﺮﺑﺖ ﻣﻨﻬﺎ ﺑﺎﺟﻲ ﻟﺘﺰﻋﻠﻴﻦ
ﻳﻤﻪ ﺍﻧﻲ ﻣﻮﻗﺼﺪﻱ ﺷﻲ ﺍﻧﻲ ﺍﺭﻳﺪ ﺭﺍﺣﺘﻜﻢ . ﻣﻮ ﻗﺼﺪﻱ ﺍﺗﺪﺧﻞ
ﻻ ﺑﺎﺟﻲ ﻭﺍﻥ ﺗﺪﺧﻠﺘﻲ ﺍﻧﺘﻲ ﻏﻴﺮ ﺍﻣﻪ ﺑﺴﺘﻬﺎ ﻣﻦ ﺭﺍﺳﻬﺎ ﺩﻣﻌﺖ ﻋﻴﻨﻬﺎ ﻭﺍﻧﻲ ﻫﻢ ﺩﻣﻌﺖ ﺑﺎﺟﻴﺘﻲ ﺍﺑﺪ ﻣﺸﻔﺖ ﻣﻨﻬﺎ ﺷﻲ ﺣﺘﻰ ﺭﻭﻋﻪ ﺷﻜﺪ ﺗﺪﺧﻠﺖ ﻋﻠﻤﻮﺩ ﺍﺧﻮﻫﺎ ﻭﺑﺲ ﺍﺿﺤﻚ ﺑﻮﺟﻬﻪ ﺗﻨﺴﻰ ﻛﻠﺸﻲ ﺣﻨﻴﻨﻪ ﺣﻴﻞ ﻃﻠﻌﺖ ﻭﺭﺍﻩ ﻭﺍﻧﻲ ﻣﺎﺩﺭﻱ ﻭﻳﻦ ﻣﻮﺩﻳﺘﻨﻲ ﺩﻧﻴﺘﻲ ﺻﻌﺪﺕ ﺍﻟﺴﻴﺎﺭﻩ ﻭﻃﻠﻊ ﺭﻭﻭﻑ ﻣﻴﺤﺠﻲ ﺷﻲ ﻭﺻﻠﺖ ﻟﻠﺒﺎﺏ ﻣﺎﻝ ﺍﻫﻠﻲ ﺣﺴﻴﻦ ﺗﻮﻩ ﺩﻳﻄﻠﻊ ﺷﺎﻓﻨﺎ ﺍﺑﺘﺴﻢ ﺳﻠﻢ ﻋﻠﻰ ﺭﻭﻭﻑ ﻣﻦ ﺷﺎﻓﻪ ﻣﻼﻣﺢ ﻭﺟﻬﻪ ﺗﻐﻴﺮﺕ ﺑﺎﻭﻋﻠﻲ ﻭﻧﻔﺦ ﺗﺎﻓﺎﻑ ﺩﺍﺭ ﻭﺟﻬﻪ ﻋﻨﻲ ﻛﺎﻝ
ﺧﻮ ﻣﺎﻛﻮ ﺷﻲ
ﺭﻭﻭﻑ - ﻻ ﻣﺎﻛﻮ ﺷﻲ ﺑﺲ ﺩﺍﺭﻭﺡ ﻳﻢ ﺭﻓﻴﻒ ﻛﻢ ﻳﻮﻡ ﻛﺎﻟﺖ ﻭﺩﻳﻨﻲ ﻻﻫﻠﻲ ﻟﻌﺪ
ﻫﺎ ﺍﻟﺤﻤﺪ ﻟﻠﻪ . -- ﺑﻘﻴﺖ ﺍﺑﺎﻭﻋﻠﻬﺎ ﺑﺸﻚ ﻛﻠﺒﻲ ﻧﺎﻏﺰﻧﻲ ﺭﻭﻭﻑ ﻭﺍﻋﺮﻓﻪ ﻣﻦ ﻳﻨﻐﺚ ﻣﻴﺒﺘﺴﻢ ﻃﺒﺖ ﺭﻭﻳﺪﻩ ﻭﻃﺒﺐ ﺭﻭﻭﻑ ﻭﺭﺍﻫﺎ ﺍﻟﺠﻨﻄﻪ
ﺭﻭﻳﺪﻩ - ﻃﺒﻴﺖ ﺳﻠﻤﺖ ﻋﻠﻰ ﻣﺎﻣﺎ ﻭﺍﻟﺒﻨﺎﺕ ﺑﻘﻮ ﻳﺒﺎﻭﻋﻮﻟﻲ ﻣﺴﺘﻐﺮﺑﻴﻦ ﺍﻧﻬﺰﻣﺖ ﻣﻦ ﻋﻴﻮﻧﻬﻢ ﻃﺒﻴﺖ ﻟﻐﺮﻓﺘﻲ ﺫﺑﻴﺖ ﺍﻟﺠﻨﻄﻪ ﻭﺭﺟﻌﺖ ﻟﻨﻔﺲ ﺍﻟﻔﺮﺍﺵ ﻟﻨﻔﺲ ﺍﻟﻨﻮﻣﻪ ﻟﻠﺼﻔﺮ
ﻣﺎﺑﺎﻝ ﻋﻤﺮﻱ ﻻﻳﺰﻭﺭﻩ ﻃﻴﻒ ﺍﻟﻔﺮﺡ
ﻣﺎﺑﺎﻝ ﻗﻠﺒﻲ ﻻ ﻳﺤﻀﻰ ﺑﻠﻮﻥ ﻣﻦ ﺍﻟﻮﺍﻥ ﻗﻮﺱ ﺍﻟﻘﺰﺡ
ﺍﻣﻦ ﻣﺎ ﻋﻤﻠﺖ ﻳﺪﺍﻱ ﺍﻡ ﻣﻦ ﻣﺎ ﺟﻨﺎﻩ ﻗﻠﺒﻲ ﻣﻦ ﻣﻦ ﻓﻌﻠﻲ ﺍﻟﻘﺒﺢ
ﻻ ﻣﺠﺎﻝ ﻟﻠﺘﺮﺍﺟﻊ ﺍﻻﻥ ﻻﺍﺣﻼﻡ ﻻ ﻳﻘﻀﻪ ﻭﻻ ﺍﻧﻨﻲ ﻣﻦ ﻣﻦ ﻳﺴﺘﺤﻖ ﺍﻟﺼﻔﺢ
ﻛﻠﻤﺎﺕ ﺑﺒﺎﻟﻲ ﺗﺴﻄﺮﺕ ﺗﻐﻄﻴﺖ ﺣﺘﻰ ﻭﺟﻬﻲ ﻛﻮﻥ ﺍﻧﺎﻡ ﻭﻣﺎﺍﻛﻌﺪ ﺑﻌﺪ ﻃﺒﺖ ﻣﺎﻣﺎ ﻋﻠﻴﻪ ﺷﻐﻠﺖ ﺍﻟﻀﻮﻩ
ﺭﻭﻳﺪﻩ ﻣﺎﻣﺎ ﺷﺒﻴﺞ ﻣﺘﻌﺎﺭﻛﻪ
ﻣﺮﺩﻳﺖ ﻛﺸﻔﺘﻨﻲ ﺷﺎﻓﺘﻨﻲ ﻣﻴﺘﻪ ﺑﺠﻲ ﺷﻬﻜﺖ ﻛﺎﻟﺖ
ﻟﺞ ﺷﺒﻴﺞ ﺷﻤﺴﻮﻳﻪ
ﺷﻤﺴﻮﻳﻪ . --- ﺷﻤﺴﻮﻳﻪ . ﻓﻌﻼ ﻻﻥ ﻣﻦ ﻛﺜﺮﻩ ﺍﻏﻼﻃﻲ ﻣﺤﺪ ﻛﺎﻡ ﻳﻜﻮﻟﻲ ﻣﻨﻮ ﻭﻳﺎﺝ ﺑﻘﻴﺖ ﺍﺑﺎﻭﻋﻠﻬﺎ ﻭﺭﻭﺣﻲ ﻣﺴﺘﻌﺮﻩ ﻛﻠﻤﻪ ﺍﺳﻒ ﻭﺍﻋﺘﺬﺍﺭ ﻣﻴﻔﻴﺪ ﺑﻌﺪ ﺷﻬﻜﺘﻲ ﺍﺫﺗﻨﻲ ﺣﺘﻰ ﻭﺟﻊ ﺑﻜﻠﺒﻲ ﺻﺎﺭ ﺑﻘﺖ ﺻﺎﻓﻨﻪ ﻋﻠﻴﻪ ﺗﻤﻨﻴﺖ ﺗﺤﻀﻨﻨﻲ ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻛﺎﻟﺖ
ﺧﺎﺑﺮﺗﻲ ﻭﻟﺞ ﻭﺷﺎﻓﺞ ﺭﻭﻭﻑ ﺍﺣﺠﻲ ﻛﻮﻟﻴﻠﻲ ﺍﻛﻴﺪ ﻟﻜﻔﺞ . ﻭﺭﺟﻠﺞ ﻃﺮﺩﺝ ﺍﺣﺠﻴﻴﻲ
ﺧﻀﺖ ﺟﺴﻤﻲ ﺧﻆ ﻓﺰﻳﺖ ﺳﻜﺘﺖ ﻣﻦ ﺍﻟﺒﺠﻲ ﺻﺎﻓﻨﻪ ﻋﻠﻰ ﺗﻔﻜﻴﺮﻫﺎ . ﻫﺎﻟﻤﺴﺘﻮﻯ ﻭﺻﻠﺖ ﻭﻫﺎﻟﺘﻔﻜﻴﺮ ﻭﺻﻠﻮ ﺍﻫﻠﻲ ﻳﻔﻜﺮﻭﻥ ﺑﻴﻪ ﺑﻠﻌﺖ ﺭﻳﻚ ﺻﺎﻓﻨﻪ ﻋﻠﻴﻬﺎ ﻛﺎﻟﺖ
ﻭﺍﻟﻠﻪ ﺍﻟﻌﻀﻴﻢ ﺍﺫﺍ ﻫﻴﺞ ﺻﺎﻳﺮ ﻻ ﺍﻧﺘﻲ ﺑﻨﺘﻲ ﻭﻻﺍﻋﺮﻓﺞ ﻟﺞ ﻣﺨﺰﻳﺘﻨﻲ ﻛﺪﺍﻡ ﺑﻴﺖ ﻋﻤﻤﻤﻤﻤﺞ
ﻻ ﻣﺎﻣﺎ ﻫﻤﺴﺖ ﻻ ﻭﺍﻟﻠﻪ ﺑﺲ ﺷﻮﻱ ﺗﻌﺒﺎﻧﻪ
ﻣﺘﻌﺎﺭﻛﻪ ﻭﻳﺎﻩ ﺷﺒﻼﺝ ﺗﻌﺒﺎﻧﻪ ﻋﺮﻙ ﻣﻴﻄﻜﺞ
ﺯﺩﺕ ﺑﺎﻟﺒﺠﻲ ﺣﻴﺪﺭ ﻣﺎﺧﺬﺕ ﻣﻨﻚ ﺑﺲ ﺫﻟﻪ ﻭﻛﺮﺍﻫﻴﻪ ﺍﻫﻠﻲ ﻣﻦ ﻭﺭﻫﺮﺍﻟﺴﻮﻳﺘﻪ ﻋﻠﻤﻮﺩﻙ
ﻛﺎﻓﻲ ﺗﻌﻮﻳﻦ ﺧﻞ ﺍﻓﺘﻬﻢ
ﻭﺍﻟﻠﻪ ﻣﺎﻣﺎ ﻣﺎﻛﻮ ﺷﻲ ﺑﺲ ﺭﺍﺡ ﻟﺒﻴﺖ ﺍﺧﺘﻪ ﺑﻜﺮﺑﻼ ﻛﺘﻠﻪ ﻭﺩﻳﻨﻲ ﻻﻫﻠﻲ
ﻟﻴﺶ ﺗﺒﺠﻴﻦ ﻟﻌﺪ
ﻣﺎﺩﺭﻱ ﻣﺨﻨﻮﻛﻪ
ﻭﺧﻨﻜﺖ ﺍﻟﺠﻼﺏ ﺍﻟﺴﻮﺩ
ﻛﺎﻟﺘﻬﺎ ﻭﻃﻠﻌﺖ ﺟﻤﺪﺕ ﺣﺘﻰ ﺩﻣﻮﻋﻲ ﻛﻤﺖ ﺍﻋﺾ ﺑﺎﺻﺎﺑﻌﻲ . ﺍﺑﺎﻭﻉ ﻟﻠﺤﻤﺎﻡ ﺍﻃﺐ ﺍﻛﺘﻞ ﺭﻭﺣﻲ ﻭﺍﺧﻠﺺ ﻣﺎﻋﺪﻱ ﺟﺮﺍﻩ ﺟﺒﺎﻧﻪ ﻭﺣﻘﻴﺮﻩ ﻭﺗﺤﺒﻴﻦ ﺫﻟﻠﻠﻠﻠﻪ ﻛﻤﺖ ﺍﻣﻠﺦ ﺑﺸﻌﺮﻱ ﺭﺟﻌﺖ ﻟﻠﻔﺮﺍﺵ ﻭﺍﺩﻋﻲ
ﺭﺑﻲ ﻏﻔﻮﻩ ﻃﻮﻳﻠﻪ ﻭﺧﻠﺺ ﺍﻫﻠﻲ ﻣﻨﻲ ﺭﺑﻲ ﻣﺎﺍﺗﺤﻤﻞ ﺑﻌﺪ ﺍﺩﺭﻱ ﻏﻠﻄﺖ ﻭﺧﺮﺑﻄﺖ ﺑﺲ ﺍﻟﺘﻮﺑﻪ ﻳﺎﺻﺎﺣﺐ ﺍﻟﺴﻤﺎ ﺍﻟﻤﻔﺘﻮﺣﻪ ﻧﻤﺖ ﻣﺎﺍﻋﺮﻑ ﺷﻮﻥ ﻟﻠﻀﻬﺮ ﺣﺴﻴﺖ ﺍﻳﺪ ﻋﻠﻰ ﻛﺘﻔﻲ ﻓﺰﻳﺖ ﺑﺎﻭﻋﺖ
ﺳﺮﻯ
ﺷﺒﻴﺞ ﺭﻭﻳﺪﻩ ﻣﻨﻮ ﻭﻳﺎﺝ
ﺑﻘﻴﺖ ﺍﺑﺎﻭﻉ ﺑﻌﻴﻨﻬﺎ . ﻣﺎﻛﻮ ﺷﻲ
ﻟﻴﺶ ﻫﻠﻜﺪ ﺑﺎﺟﻴﻪ ﻟﻌﺪ
ﻫﻴﺞ
ﺷﻨﻮ ﺷﺘﺎﻗﻴﺘﻴﻠﻪ .
ﻻﻻ ﻭﺍﻟﻠﻪ ﻛﺎﺭﻫﺘﻪ
ﺣﻘﺞ ﻭﺍﻟﻠﻪ ﺍﻟﻴﻌﺮﻑ ﺭﻭﻭﻑ ﻳﻜﺮﻩ ﻛﻞ ﺍﻟﺮﻳﺎﺟﻴﻞ ﻏﻴﺮﻩ ﻋﺎﻟﺤﻨﻴﻪ ﺍﻟﺸﺎﻳﻠﻬﺎ ﺍﻟﻠﻪ ﻻﻳﺤﺮﻣﺞ ﻣﻨﻪ ﻟﻌﺪ ﺷﺒﻴﺞ ﺣﺒﻴﺒﺘﻲ ﻟﻴﺶ ﺗﺒﺠﻴﻦ
ﻫﻴﺞ ﺿﺎﻳﺠﻪ
ﻣﻴﺨﺎﻟﻒ ﺗﻘﺮﺑﺖ ﻣﻨﻬﺎ ﺣﻀﻨﺘﻬﺎ ﻣﻴﺨﺎﻟﻒ ﺗﻨﺴﻴﻦ ﻭﺗﺼﻴﺮ ﺳﻮﺍﻟﻒ ﻣﻦ ﻳﺼﻴﺮ ﻋﺪﺝ ﻧﻮﻧﻮ
ﺑﺲ ﺫﻛﺮﺕ ﺍﺳﻢ ﺍﻟﻄﻔﻞ ﺗﺬﻛﺮﺕ ﻣﻦ ﻛﻠﻲ ﺟﻬﺎﻟﻲ ﻣﺤﺘﺎﺟﻴﻨﻲ ﺭﺟﻌﺖ ﺍﺑﺠﻲ ﺑﺤﺮﻛﻪ ﻛﺎﺗﻤﻪ ﺍﻟﺸﻬﻜﻪ ﺑﺼﺪﺭﻱ ﻣﺴﺤﺖ . ﺳﺮﻯ ﺩﻣﻮﻋﻲ ﻭﻃﻠﻌﺖ ﺭﺟﻌﺖ ﻟﻠﻔﺮﺍﺵ ﺑﺠﻴﺖ ﻟﺤﺪ ﻣﺎﺗﻌﺒﺖ ﺭﺟﻌﺖ ﻧﻤﺖ ﺣﺴﻴﺖ ﻋﻠﻰ ﺻﻮﺕ ﺑﺎﺑﺎ ﻳﺤﺠﻲ ﻭﻳﻀﺤﻚ . ﺣﻴﻞ ﺻﺎﺭ ﺷﻜﺪ ﻣﺴﺎﻣﻌﻪ ﺻﻮﺕ ﺿﺤﻜﺘﻪ ﺗﺬﻛﺮﺕ ﺍﺧﺮ ﻓﺘﺮﻩ ﻣﻦ ﺟﻨﺖ ﻋﺪﻫﻢ ﺑﺲ ﻣﺘﻤﺮﺽ ﻭﻣﻴﺤﺠﻲ ﺣﺎﺑﺲ ﺭﻭﺣﻪ ﺑﻐﺮﻓﺘﻪ ﺻﺎﺣﺖ ﻣﺎﻣﺎ
ﻫﺪﻳﺮ ﻛﻌﺪﻱ ﺍﺧﺘﺞ ﻭﺻﻴﺤﻲ ﺳﺮﻯ ﻭﺗﻌﺎﻟﻮ ﺗﻐﺪﻭ
ﺍﺑﻮ ﺣﺴﻴﻦ - ﺷﻨﻮ ﻣﺮﻭﻩ ﻋﺪﻧﺎ
ﻻ ﺭﻭﻳﺪﻩ
ﺷﻨﻮ ﺭﻭﻳﺪﻩ ﺷﻮﻛﺖ ﺟﺘﻲ
ﻫﻴﺞ ﺍﻟﺼﺒﺢ ﺭﻭﻑ ﺫﺑﻬﺎ ﻭﺭﺍﺡ
ﻳﺎﺳﺘﺎﺭ ﺷﻜﻮ ﺻﺎﻳﺮ ﺷﻲ ﻭﻛﻔﺖ ﺍﺭﻭﺡ ﻟﻐﺮﻓﺘﻬﺎ
ﺍﻛﻌﺪ ﻋﻤﺎﺭ ﻫﺎﻱ ﺷﺒﻴﻚ
ﺑﺘﺞ ﻣﺴﻮﻳﻪ ﺷﻴﻲ
ﻻ ﺗﻜﻮﻝ ﺿﺎﻳﺠﻪ
ﺭﻭﻳﺪﻩ - ﺍﺳﻤﻊ ﻭﺭﻭﺣﻲ ﻣﻔﺮﻓﺤﻪ ﻫﻴﺞ ﻃﺒﺘﻲ ﺻﺎﺭﺕ ﺗﺸﻴﻠﻬﻢ ﻫﻢ ﻏﺴﻠﺖ ﻭﺟﻬﻲ ﻻﺯﻡ ﺍﻗﺎﻭﻡ ﻻﺯﻡ ﺍﻋﻴﺶ ﻫﻤﻪ ﺍﻫﻠﻲ ﺑﺲ ﻛﻮﻥ ﻳﺘﺤﻤﻠﻮﻧﻲ ﻃﻠﻌﺖ ﺑﺎﻭﻋﻠﻲ ﺑﺎﺑﺎ ﻋﻜﺪ ﺣﺎﺣﺒﻪ ﺣﺘﻰ ﻣﺴﻠﻠﻢ ﻛﺎﻝ
ﺷﺒﻴﺞ ﺑﺎﺑﺎ ﺻﺎﻳﺮ ﺷﻲ ﺑﻴﻨﺞ ﻭﺑﻴﻦ ﺍﺑﻦ ﻋﻤﺞ
ﺍﺣﻢ ﻻﺑﺎﺑﺎ ﺭﺍﺡ ﻟﻜﺮﺑﻼ ﻳﻢ ﺭﻓﻴﻒ
ﻭﺷﺒﻴﺞ ﻫﻠﻜﺪ ﺑﺎﺟﻴﻪ
ﻣﺎﺩﺭﻱ ﺷﻮﻱ ﺿﺎﻳﺠﻪ
ﻫﺎ ﺍﻛﻴﺪ ﺭﻭﻳﺪﻩ ﻟﻮ ﺍﺧﺎﺑﺮ ﺭﻭﻭﻑ
ﺑﻘﻴﺖ ﺍﺑﺎﻭﻉ ﺑﻮﺟﻬﻪ ﻧﺼﻴﺖ ﺭﺍﺳﻲ ﺟﺮ ﻧﻔﺲ ﻭﻛﺎﻝ ﺑﺼﻴﺎﺡ
ﺍﺳﺘﻐﻔﺮ ﺍﻟﻠﻠﻠﻠﻠﻪ
ﻃﺐ ﻟﻠﻐﺮﻓﻪ ﻭﺭﻛﻊ ﺍﻟﺒﺎﺏ ﺑﺎﻭﻋﺘﻠﻲ ﻣﺎﻣﺎ ﺑﻌﺘﺐ ﻃﺒﺖ ﻭﺭﺍﻩ ﻛﺎﻡ ﻳﺼﻴﺢ ﻣﺎﺭﻳﺪ ﺯﻗﻨﺒﻮﺕ ﺑﺘﺞ ﺍﺫﺍ ﻣﺮﺍﺡ ﺗﺠﺮ ﻋﺪﻝ ﺣﺘﻤﻮﺗﻨﻴﻴﻴﻴﻲ .
ﺑﻘﻴﺖ ﺍﺳﻤﻊ ﻋﻴﻮﻥ ﻫﺪﻳﺮ ﻭﺳﺮﻯ ﻋﻠﻴﻪ ﺭﺟﻌﺖ ﻃﺒﻴﺖ ﻟﻠﻐﺮﻓﻪ ﺷﻮﻱ ﻭﻫﺪﻳﺮ ﺟﺎﺑﺘﻠﻲ ﺻﻴﻨﻴﻪ ﺻﻐﻴﺮﻩ ﻛﺎﻟﺖ
ﺍﻛﻠﻲ
ﻣﺎﺭﻳﺪ ﻋﻔﻴﻪ ﺍﺧﺬﻳﻬﺎ ﻭﺭﻭﺣﻲ
ﻛﻴﻔﺞ
ﺭﻭﻳﺪﻩ - ﺗﺎﻟﻲ ﺷﻮﻥ ﺗﺎﻟﻲ ﺣﺘﻌﺪﻱ ﻛﻮﻥ ﺍﻟﻠﻪ ﻳﺎﺧﺬ ﺍﻣﺎﻧﺘﻪ ﻭﺍﺧﻠﺺ ﻣﺪﺍﺍﻛﺪﺭ ﺍﺳﻤﻊ ﺑﻌﺪ ﺗﻤﺪﺩﺕ ﺭﺟﻌﺖ ﻧﻤﺖ ﻣﺪﺭﻱ ﺷﺒﻴﻪ ﻭﺑﺲ ﺍﻧﺎﻡ
ﺳﺮﻯ - ﺑﻘﺖ ﺭﻭﻳﺪﻩ ﻋﺪﻧﺎ ﺑﺎﺑﺎ ﺭﺟﻊ ﻟﺤﺎﻟﺘﻪ ﻳﺨﺎﺑﺮ ﺭﻭﻭﻑ ﺗﻠﻔﻮﻧﻪ ﻣﻐﻠﻖ ﺧﺎﺑﺮ ﺳﻠﻴﻢ ﻛﻠﻪ ﻋﺎﻳﻔﻪ ﺑﺒﻴﺘﻨﺎ ﻭﺭﺍﻳﺢ ﺑﻴﺖ ﺭﻓﻴﻒ ﻧﺴﺎﻝ ﺭﻭﻳﺪﻩ ﺑﺲ ﺳﺎﻛﺘﻪ ﻭﻋﻴﻮﻧﻬﺎ ﺗﺠﺮﻱ ﺑﺎﺑﺎ ﺑﺎﻟﻄﺎﺑﻪ ﻭﺍﻟﻄﺎﻟﻌﻪ ﻳﺴﻤﻌﻬﺎ ﺣﺠﻲ ﻛﺎﻣﺖ ﻣﺘﻄﻠﻊ ﻣﻦ ﺍﻟﻐﺮﻓﻪ ﻭﻛﻠﺸﻲ ﻣﺘﺎﻛﻞ ﻛﻮﻩ ﺣﻠﻴﺐ ﻟﻮ ﻟﺒﻦ . ﺑﺲ ﻣﺘﻤﺪﺩﻩ ﺣﺎﻭﻟﺖ ﻣﺎﻣﺎ ﺗﻔﺘﻬﻢ ﻣﺘﺤﺠﻲ ﺣﺴﻴﻦ ﻃﺐ ﻳﺤﺎﺣﻴﻬﺎ ﺳﻮﺕ ﺭﻭﺣﻬﺎ ﻧﺎﻳﻤﻪ ﻃﻠﻊ ---- ﻣﺮﺕ 4 ﺍﻳﺎﻡ ﻭﺑﺎﺑﺎ . ﺭﺟﻊ ﻟﻠﺒﻴﺖ ﻓﺎﻳﺮ ﻃﺐ ﻋﻠﻴﻬﺎ ﻟﻠﻐﺮﻓﻪ ﻳﺼﻴﺢ
ﺭﻭﻳﺪﻩ
ﻧﻌﻢ ﺑﺎﺑﺎ
ﺷﻨﻮ ﻣﺨﺎﺑﺮﻩ ﺍﻟﻌﺎﺭ ﺍﻧﺘﻲ
ﻟﻼ ﻭﺍﻟﻠﻪ
ﻟﻌﺪ ﺷﻨﻮ ﺭﻭﻭﻑ ﻭﻳﻦ ﺍﺑﻦ ﺍﺧﻮﻳﻬﻪ ﻣﻴﻄﻠﻊ ﺑﺮﻩ ﺑﻴﺘﻪ ﻫﻠﻜﺪ ﺷﻤﺴﻮﻳﻪ ﺑﻲ ﺍﺣﺠﻴﻴﻴﻴﻲ ﺍﻧﺘﻲ ﺍﻟﺮﺩﺗﻲ ﻟﻮ ﻻ ﺍﺣﺠﻴﻴﻲ
ﻳﺤﺠﻲ ﻭﻳﺎﺷﺮ ﻭﺍﻧﻲ ﻋﺎﻟﺤﺮﺑﺎﻳﻪ ﻛﺎﻋﺪ ﻩ . ﺧﻮﺍﺗﻲ ﻣﺤﺪ ﻃﺐ ﻟﻠﻐﺮﻓﻪ ﺧﺎﻓﻮ ﺣﺘﻰ ﻣﺎﻣﺎ ﺧﺎﻓﺖ ﻣﻦ ﺻﻴﺎﺣﻪ . ﻛﺎﻝ
ﻣﻮ ﺍﻧﺘﻲ ﺍﻟﺮﺩﺗﻲ
ﺑﺎﺑﺎ ﻣﺎﻛﻮ ﺷﻲ ﺣﺠﻴﺘﻬﺎ ﻭﺑﺠﻴﺖ ﻣﻦ ﺧﻮﻓﻲ
ﺷﻮﻥ ﻣﺎﻛﻮ ﺷﻲ ﺷﻮﻭﻭﻥ ﺍﻭﻝ ﺗﺎﻟﻲ ﺍﺧﺎﺑﺮ ﺭﻓﻴﻒ ﺗﻜﻮﻟﻲ ﻧﺎﻳﻤﻤﻢ ﻟﺞ ﺷﻤﺴﻮﻳﻪ ﺑﺎﻟﻮﻟﺪﺩ
ﻣﺴﻮﻳﺖ ﺷﻲ ﻛﻤﺖ ﺍﺷﻬﻚ ﺗﻘﺮﺏ ﺟﺮ ﺷﻌﺮﻱ ﻗﻮﻱ
ﻭﺍﻟﻠﻪ ﻭﺍﻟﻠﻪ ﺍﺫﺍ ﻋﺮﻓﺖ ﻣﺨﺰﻳﺘﻨﻲ ﻳﺎﺭﻭﻳﺪﻩ ﻻ ﺍﻧﺘﻲ ﺑﻨﺘﻲ ﻭﻻﺍﻋﺮﻓﺞ
ﺑﻘﻴﺖ ﺳﺎﻛﺘﻪ . ﻣﻐﻤﻀﻪ ﻗﻮﻱ ﺗﺮﻙ ﺷﻌﺮﻱ ﻭﻃﻠﻊ ﻃﺐ ﺑﻐﺮﻓﺘﻪ ﻭﺭﻛﻊ ﺍﻟﺒﺎﺏ ﻟﺰﻣﺖ ﺷﻌﺮﻱ ﺍﻋﺪﻟﻪ . ﻧﺼﻪ ﺍﺟﻪ ﺑﻴﺪﻱ ﻭﻛﻊ ﻫﻮﺍﻱ ﻳﻤﻜﻦ ﻻﻥ ﻣﺪﺍﺍﻛﻞ ﻭﻫﻮ . ﺟﺮﻩ . ﻭﺍﻧﻲ ﻛﻤﺖ ﺍﻣﻠﺦ ﺑﻲ ﻓﻘﺪﺕ ﻛﺮﻫﺖ ﺍﻫﻠﻲ ﻛﺮﻫﺘﻬﻢ ﻋﺮﻓﺖ ﺍﻧﻪ ﺍﻧﻲ ﻣﺮﺍﺡ ﺍﻛﺪﺭ ﺍﻋﻴﺶ ﻭﻳﺎﻫﻢ ﺑﻌﺪ ﻭﻛﻔﺖ ﺍﺭﻳﺪ ﺍﺧﺎﺑﺮ ﺭﻭﻭﻑ ﺭﺩﺕ ﺍﻭﻛﻒ ﻣﻜﺪﺭﺕ ﻃﺒﺖ ﻫﺪﻳﺮ ﻋﻠﻰ ﻛﻴﻔﻬﺎ ﺗﺒﺎﻭﻋﻠﻲ ﻭﺗﺪﻳﺮ ﻭﺟﻬﻪ
ﻫﺪﻳﺮ ﻓﺪﻭﻩ
ﻫﺎ
ﻋﻔﻴﻪ ﺗﻠﻔﻮﻧﺞ ﺧﺎﺑﺮﻳﻠﻲ ﺭﻓﻴﻒ
ﺍﻧﻲ ﻣﻌﻠﻴﻪ ﺭﻭﻳﺪﻩ ﻋﻔﻴﻪ
ﻛﻤﻠﺖ ﺣﺠﺎﻳﺘﻬﺎ ﺣﻴﻞ ﻟﻠﺒﺠﻲ ﻣﺒﻘﻪ ﺑﻴﻪ ﺑﺲ ﺍﺷﻬﻚ ﺑﻠﻪ ﺩﻣﻮﻉ ﺷﻮﻱ ﻭﻃﺒﺖ ﺳﺮﻯ
ﻛﺎﻟﺖ
ﻫﺎ ﺭﻭﻳﺪﻩ ﺷﺒﻴﺞ
ﺧﺎﺑﺮﻳﻠﻲ ﺭﻓﻴﻒ ﺍﺭﻳﺪ ﺍﺭﺟﻊ ﻟﺒﻴﺘﻲ
ﺑﻘﺖ ﺗﺒﺎﻭﻉ ﺑﻌﻴﻨﻲ ﻣﻘﻬﻮﺭﻩ ﻋﻠﻴﻪ ﺟﺮﺕ ﻧﻔﺲ ﻛﺎﻟﺖ
ﺣﺴﻴﻦ ﻛﺎﻝ ﺑﺎﺟﺮ ﻳﺠﻲ ﺭﻭﻭﻑ ﻣﺨﺎﺑﺮﻩ ﺳﻠﻴﻢ
ﺍﻭﻙ ﺗﻤﺪﺩﺕ ﻣﻘﺮﺭﻩ ﻫﺎﻫﻲ ﺑﻌﺪ ﺍﺭﺟﻊ ﻟﺒﻴﺘﻲ ﺑﻌﺪ ﺍﻧﺠﺐ ﻭﺍﺳﻜﺖ . ﺭﻭﻭﻑ ﻣﻮ ﺭﻭﻭﻑ ﺍﻱ ﺍﺣﺪ ﺑﺲ ﺍﺧﻠﺺ ﻣﻦ ﻋﺪﻫﻢ ﻭﺍﻟﻘﺮﺍﻥ ﺑﻌﺪ ﻣﺎﻓﻮﺕ ﻟﺒﻴﺖ ﺍﻫﻠﻲ ﺍﺩﺭﻱ ﺍﻧﻲ ﻫﻮﺍﻱ ﺍﺫﻳﺘﻬﻢ ﺑﺲ ﺍﺑﻘﻰ ﺑﻨﺘﻬﻢ . ﺑﺲ ﺭﺩﺕ ﺭﻭﻭﻑ ﻳﺠﻲ ﻭﺍﺭﺟﻊ ﻭﻳﺎﻩ
ﻣﺮﺕ ﻳﻮﻣﻴﻦ ﻛﻮﻩ ﻣﺮﺕ ﺑﻘﻴﺖ ﻋﺎﻟﻠﺒﻦ ﻭﺍﻟﺤﻠﻴﺐ ﻭﻣﻦ ﺍﻟﻐﺮﻓﻪ ﻣﺎﺍﻃﻠﻊ ﺑﺎﺑﺎ ﻣﻮﺟﻮﺩ ﻟﻮ ﻣﻤﻮﺟﻮﺩ . ﻛﺮﻫﺖ ﺍﻟﺒﻴﺖ ﻛﻠﻪ ﻭﺣﺘﻰ ﺍﻫﻠﻲ ﻭﺍﺭﺟﻊ ﻭﺍﻛﻮﻝ ﻣﻦ ﺍﻳﺪﻱ ﺑﺲ ﻣﺘﺤﻤﻠﺖ ﺍﻟﺒﻴﺖ ﻫﺎﺩﻱﺀ ﺣﻴﻞ ﻭﻣﺒﻲ ﺣﻴﺎﻩ ﻣﺎﻣﺎ ﻣﺘﻄﺒﻠﻲ ﻛﺎﻣﺖ ﺑﺲ ﻛﻠﺴﺎ ﺩﺍﺯﻩ ﺷﻲ ﺑﻴﺪ ﺍﻟﺒﻨﺎﺕ ﻭﺍﻧﻲ ﺍﺭﺟﻌﻪ ﻏﻴﺮ ﺑﺲ ﺍﻟﺤﻠﻴﺐ ﺍﻟﺼﺒﺢ ﻭﺍﻟﻠﺒﻦ ﺑﺎﻟﻠﻴﻞ . ﺭﺍﺳﻲ ﺍﻟﻮﺟﻊ ﻣﺪﻳﻔﻚ ﻣﻨﻲ ﻭﺟﺴﻤﻲ ﻳﺮﺟﻒ .
ﺍﻟﻴﻮﻡ ﺑﻠﻴﻞ ﺩﺍﺍﻃﻠﻊ ﺭﺩﺕ ﺑﺲ ﺍﺷﺘﻢ ﻫﻮﺍ ﻟﻠﻄﺮﻣﻪ ﻃﻠﻌﺖ ﻣﻦ ﺑﺎﺏ ﻏﺮﻓﺘﻲ ﺳﻤﻌﺖ ﻣﺎﻣﺎ ﺗﻬﻤﺲ ﻭﻱ ﺑﺎﺑﺎ
ﺍﺑﻮ ﺣﺴﻴﻦ ﻭﻛﻞ ﺍﻟﻠﻪ ﻟﺘﻀﻞ ﻏﺎﺙ ﺭﻭﺣﻚ ﻫﺎﻙ . ﺷﻮﻑ . ﺿﻐﻄﻚ 18 ﻣﺪﻳﻨﺰﻝ
ﺍﻧﻲ ﻣﻦ ﺍﺷﻮﻑ ﺑﻨﺘﺞ ﻛﻠﺒﻲ ﻳﻨﻜﺮﺏ ﻣﺎﺍﺗﺤﻤﻞ ﻛﺮﻫﺘﻬﺎ ﻭﺍﻱ ﺛﻘﻪ ﻣﺎﻋﺪﻱ ﺑﻴﻬﺎ ﺗﺼﺪﻛﻴﻦ ﺧﺎﻳﻒ ﻣﻦ ﺑﺎﺟﺮ ﻣﻦ ﻳﺠﻲ ﺭﻭﻭﻑ ﺷﻴﻜﻮﻟﻲ ﻋﻨﻬﺎ ﺧﺎﻳﻒ ﻻ ﻳﻜﻮﻟﻲ ﺧﺎﻧﺘﻨﻲ ﻳﻌﻨﻲ ﻭﻛﻌﺖ ﻣﻦ ﻋﻴﻨﻲ ﺣﻴﻴﻴﻞ ﻫﺎﻱ ﻫﺪﻳﺮ ﺍﺛﻖ ﺑﻴﻬﺎ ﻭﺍﺻﺪﻛﻬﺎ ﻭﻫﺎﻱ ﻣﺎ ﺍﺻﺪﻛﻬﺎ ﺍﺫﺍ ﻛﺎﻟﺖ ﻋﺎﻻﺳﻮﺩ ﺍﺳﻮﺩ ﺍﻛﻮﻝ . ﻻ ﺍﺑﻴﺾ ﻣﻮ ﺑﻌﻴﺪﻩ ﺗﻜﻮﻥ ﻣﺴﺘﺼﻐﺮﺗﻪ ﻭﺗﺘﺨﺎﺑﺮ ﻭﻱ ﺫﺍﻙ ﺍﻟﻌﺎﺭ ﻛﻠﺸﻲ ﺍﺗﻮﻗﻊ ﻣﻨﻬﺎﺍﺍ ﻛﻠﺸﻲ
ﺳﻤﻌﺘﻪ ﺍﺧﺘﻨﻜﺖ ﺣﻴﻞ ﻫﺎﻟﻤﺮﻩ ﺍﻛﺜﺮ ﻣﻦ ﻛﻞ ﻣﺮﻩ ﻛﻠﺒﻲ ﺍﻧﻌﺼﺮ ﻛﻠﺶ ﺩﻣﻮﻉ ﻣﻀﻠﺖ ﻋﺪﻱ ﻟﻠﺼﺒﺢ ﻟﻠﺼﺒﺢ ﺍﻧﻲ ﻣﻨﻤﺖ ﺟﺎﻥ ﻳﻮﻡ ﺟﻤﻌﻪ ﺑﻘﻴﺖ ﺑﻔﺮﺍﺷﻲ ﺳﻤﻌﺖ ﺻﻮﺕ ﺑﺎﺑﺎ ﺻﺎﺡ ﻋﻠﻰ ﺳﺮﻯ ﻭﻫﺪﻳﺮ ﻳﺎﻛﻠﻮﻥ . ﺑﻬﻴﺞ ﻳﻮﻡ ﺑﺎﺑﺎ ﻳﺠﻴﺐ ﻛﺎﻫﻲ ﻭﻛﻴﻤﺮ ﺷﻮﻱ ﻭﻃﺒﺖ ﺳﺮﻯ ﺑﻴﺪﻫﺎ ﺻﻴﻨﻴﻪ ﺑﺎﻭﻋﺘﻠﻬﺎ ﺑﺤﻘﺪ ﻛﺎﻟﺖ
ﺑﺎﺑﺎ ﺩﺯﻫﺎ
ﺭﺟﻌﻴﻬﺎ ﻣﺎﺭﻳﺪ ﻧﺘﺮﺕ ﻭﺭﻩ ﺷﻮﻱ ﻣﺎﻣﺎ ﺟﺎﺑﺖ ﺍﻟﺤﻠﻴﺐ ﺑﺎﻭﻋﺘﻠﻲ ﻛﺎﻟﺖ
ﻛﻮﻣﻲ ﺑﺮﻩ ﻭﻱ ﺍﺑﻮﺝ ﺩﻧﺘﺮﻳﻚ
ﻣﺎﺭﻳﺪ ﺍﺷﻮﻓﻜﻢ ﻧﺘﺮﺕ ﺑﻴﻬﻢ ﻭﻏﻄﻴﺖ ﻭﺟﻬﻲ . ﻛﺎﻟﺖ ﻣﺎﻣﺎ
ﻳﻄﺒﺞ ﻃﻮﺏ ----- ﺗﺎﺫﻳﺖ ﺣﻴﻞ ﺣﺮﻛﻪ ﺑﻜﻠﺒﻲ ﺻﺎﺭﺕ ﺍﻟﺘﻔﺘﺖ ﺍﻟﺤﻠﻴﺐ ﻣﺨﻠﻴﺘﻪ ﻋﺎﻟﻤﻴﺰ ﺷﺮﺑﺘﻪ ﻭﺭﺟﻌﺖ . ﺗﻤﺪﺩﺕ ﺷﻮﻱ ﻭﻃﺐ ﺣﺴﻴﻦ ﻭﺳﻠﻴﻢ ﻟﻠﺒﻴﺖ ﺻﻌﺪﻭ ﻭﺍﻟﻀﺤﻚ ﻣﺎﻟﺘﻬﻢ ﻭﻱ ﺍﻟﺒﻨﺎﺕ ﺑﻘﻴﺖ ﺍﺳﻤﻊ ﺩﻳﺴﻮﻭﻥ ﺍﻟﺤﻤﺎﻡ ﺍﻟﻔﻮﻙ ﺑﺎﺑﺎ ﺻﻌﺪ ﻭﻳﺎﻫﻢ ﺳﻤﻌﺘﻪ ﻭﻳﺤﺠﻮﻥ ﻋﺎﻟﺒﻮﺍﺭﻱ ﻭﺍﻟﻤﻲ ﺍﻟﺤﺎﺭ ﻛﻤﺖ ﺍﺭﻛﺰ ﺑﻜﻞ ﻛﻠﻤﻪ ﻓﺠﺎﻩ ﺍﻧﺪﻙ ﺍﻟﺠﺮﺹ ﻓﺰﻳﺖ ﻛﻌﺪﺕ ﻋﺪﻝ ﺻﺎﺣﺖ ﻣﺎﻣﺎ
ﻋﻤﺎﺍﺭ ﻫﺬﺍ ﺭﻭﻭﻑ ﺍﺟﻪ
ﻛﻠﺒﻲ ﺭﺟﻒ ﻛﻤﺰﺕ ﺑﺪﻟﺖ ﻫﺪﻭﻣﻲ . ﻧﺰﻝ ﺑﺎﺑﺎ ﻭﻭﺭﺍﻩ ﺳﻠﻴﻢ ﻭﺣﺴﻴﻦ . ﻳﻀﺤﻜﻮﻥ ﻭﺣﺴﻴﻦ ﻳﺼﻴﺢ
ﻭﻟﻚ ﺩﺑﻪ ﺟﺒﺘﻠﻲ ﺣﻼﻭﻩ ﺩﻫﻴﻨﻪ ﻟﻮ ﻛﻤﻠﺘﻬﺎ ﺑﺎﻟﻄﺮﻳﻖ
ﻛﻤﻠﺖ ﻟﺒﺲ ﻋﺪﻟﺖ ﺷﻌﺮﻱ ﺑﺎﺑﺎ ﻛﺎﻋﺪ ﻳﻤﻪ ﺑﺎﻟﺼﺎﻟﻪ ﻭﻛﻔﺖ ﺍﻣﺸﻲ ﻟﻠﺤﻤﺎﻡ ﺍﻓﺮﺵ ﺍﺳﻨﺎﻧﻲ ﺩﺧﺖ ﻛﻌﺪﺕ ﻭﺍﺭﻳﺪ ﺍﻟﺤﻚ ﺧﺎﻑ ﻳﺤﺠﻲ ﺷﻲ ﺿﻐﻄﺖ ﻋﻠﻰ ﺭﻭﺣﻲ ﻏﺴﻠﺖ ﺷﻮﻥ ﻣﺠﺎﻥ ﻭﻃﻠﻌﺖ ﺍﺳﺘﻨﺪ ﺑﺎﻟﺤﺎﻳﻂ ﺑﺎﻭﻋﺘﻠﻲ ﻣﺎﻣﺎ ﻛﺎﻟﺖ
ﻫﺎ ﺗﻄﺒﻴﻦ ﺗﺮﻩ ﺳﻠﻴﻢ ﺟﻮﻩ
ﻣﺪﺭﺗﻠﻬﺎ ﺑﺎﻝ ﺍﺧﺬﺕ ﻣﻦ ﺳﺮﻯ ﺍﻟﺮﺑﻄﻪ ﻣﻦ ﺭﺍﺳﻬﺎ ﺗﺒﺎﻭﻋﻠﻲ ﻣﺴﺘﻐﺮﺑﻪ ﻫﻲ ﻭﻫﺪﻳﺮ ﻭﻣﺎﻣﺎ ﻃﺒﻴﺖ ﻟﻠﺼﺎﻟﻪ ﻟﻜﻴﺖ ﺭﻭﻭﻑ ﺩﻳﺤﺠﻲ ﻣﻨﺘﺒﻪ ﺑﺎﺏ ﺍﻟﺼﺎﻟﻪ ﺻﺎﻳﺮﻩ ﺻﻔﺢ ﺗﻮﻩ ﺩﻳﻜﻮﻝ
ﺍﻋﺬﺭﻧﻲ ﻋﻤﻲ ﺍﻧﻲ ﺍﺩﺭﻱ ﻫﺎﻱ ﺍﺧﺮ ---
ﻗﺎﻃﻌﺖ ﻛﻼﻣﻪ . ﻫﻤﺴﺖ ﻛﻮﻩ ﻃﻠﻊ ﺻﻮﺗﻲ ﻣﺒﺤﻮﺡ
ﺍﺣﻢ . ﺭﻭﻭﻑ ﻓﺰ ﺑﺎﻭﻋﻠﻲ ﻭﻛﻒ ﻣﺘﻌﺠﺐ . ﻣﺴﺘﻨﺪﻩ ﻋﺎﻟﺤﺎﻳﻂ ﻋﻜﺪ ﺣﺎﺣﺒﻪ ﺑﺎﻭﻋﻠﻲ ﺑﺎﺑﺎ ﻭﺑﺎﻭﻋﻠﻪ
ﺭﻭﻭﻑ ﻣﻦ ﺗﺮﻳﺪ ﺗﺮﻭﺡ ﺩﺯ ﻫﺪﻳﺮ ﺣﺘﻰ ﺍﺗﺤﻀﺮ ﺑﻘﻪ ﺻﺎﻓﻦ ﺑﻮﺟﻬﻲ ﻓﺎﻙ ﺣﻠﻜﻪ ﻫﺰ . ﺭﺍﺳﻪ ﺑﻬﺪﻭﺀ ﻃﻠﻌﺖ ﺑﺎﻟﻜﻮﻩ ﻭﺳﺪﻳﺖ ﺍﻟﺒﺎﺏ ﺭﺟﻌﺖ ﻟﻠﻐﺮﻓﻪ ﻛﻮﻩ ﻭﺻﻠﺖ ﺟﺘﻲ ﻫﺪﻳﺮ ﻛﺎﻟﺖ
ﺷﺒﻴﺞ ﺗﺮﺩﻳﻦ ﺷﻲ
ﻛﻠﺸﻲ ﻣﺎﺭﻳﺪ ﻧﺘﺮﺕ ﻛﻤﺖ ﺍﻟﻤﻠﻢ ﺑﺎﻟﻐﺮﺍﺽ ﻭﺍﺧﻠﻲ ﺑﺎﻟﺠﻨﻄﻪ ﺑﺎﻟﻜﻮﻩ ﺍﻣﺸﻲ ﺍﻟﺪﻭﺧﻪ ﻻﺯﻣﺘﻨﻲ ﺷﻮﻱ ﻭﻃﺒﺖ ﺳﺮﻯ ﻛﺎﻟﺖ
ﺭﻭﻭﻑ ﻳﻜﻮﻝ ﺧﻞ ﺗﺘﺤﻀﺮ
ﻣﺒﺎﻭﻋﺘﻠﻬﺎ ﻛﻤﻠﺖ ﺗﺤﻀﻴﺮ ﺍﻟﺠﻨﻄﻪ ﻭﻟﺒﺴﺖ ﺣﺠﺎﺑﻲ ﻭﺍﻟﺠﺒﻪ ﺍﺑﺎﻭﻉ ﻭﺟﻬﻲ ﻳﺨﻮﻑ ﻃﻠﻌﺖ ﻟﺰﻣﺖ ﺍﻟﺤﺎﻳﻂ ﺷﻔﺘﻪ ﺑﺎﻟﻤﻤﺮ ﻳﺒﺎﻭﻋﻠﻲ ﻋﺎﻛﺪ ﺣﺎﺟﺒﻪ ﻭﺣﺴﻴﻦ ﻳﻤﻪ ﺳﻠﻴﻢ ﺭﺍﻓﻊ ﺗﻚ ﺣﺎﺟﺐ ﻳﺒﺎﻭﻋﻠﻨﺎ --- ﺑﺲ ﺷﻔﺘﻪ . ﻟﺮﻭﻭﻑ ﺑﺮﻃﻤﺖ ﻭﻋﻴﻮﻧﻲ ﺩﻣﻌﺖ ﻧﺼﻴﺖ ﺗﻘﺪﻡ ﻋﻠﻴﻪ ﻋﺮﻑ ﻣﻤﺘﻮﺍﺯﻧﻪ ﻫﻤﺲ
ﻣﺮﻳﻀﻪ ﺭﻭﻳﺪﻩ؟
ﻭﺩﻳﻨﻲ ﺑﻴﺘﻨﺎ ﻛﻠﺘﻬﺎ ﻣﻨﺼﻴﻪ ﻭﻧﺰﻟﺖ ﺩﻣﻮﻋﻲ
ﻫﺰ ﺭﺍﺳﻪ ﻃﺐ ﺟﺮ ﺍﻟﺤﻨﻄﻪ ﻭﺳﻠﻢ ﻋﻠﻰ ﺑﺎﺑﺎ ﻭﻟﺰﻡ ﺍﻳﺪﻱ ﻭﻃﻠﻊ ﻛﻠﺴﺎ ﻳﺒﺎﻭﻋﻠﻲ ﺑﻘﻠﻖ ﻭﺍﻧﻲ ﻣﻨﺼﻴﻪ ﻣﺴﻠﻤﺖ ﻋﻠﻰ ﺍﻫﻠﻲ ﻛﻠﻬﻢ ﻃﻠﻌﻮ ﻭﺭﺍﻳﻪ ﻣﺴﺘﻐﺮﺑﻴﻦ ﺣﺎﻟﺘﻲ ﺻﻌﺪﺕ ﺑﺎﻟﺴﻴﺎﺭﻩ ﻣﺒﺎﻭﻋﺘﻠﻬﻢ ﺳﻠﻴﻢ ﺻﻌﺪ ﻟﻴﻮﺭﻩ ﺍﻟﺘﻔﺘﺖ ﻋﻠﻴﻪ
ﺟﺎﻥ ﻛﻌﺪﺕ ﻟﻴﻜﺪﺍﻡ
ﻋﺎﺩﻱ ﻳﺎﺑﻪ . ﻣﺼﺎﺭ ﺷﻲ ﺷﻨﻮ ﻣﺮﻳﻀﻪ
ﺷﻮﻱ ﻫﻤﺴﺖ ﺭﻭﻭﻑ ﻳﺒﺎﻭﻋﻠﻲ ﺑﻘﻠﻖ ﻛﻠﺴﺎ ﻭﺻﻠﻨﺎ ﻟﺒﻴﺘﻬﻢ ﻧﺰﻝ ﺍﻟﺠﻨﻄﻪ ﻧﺰﻟﺖ ﻃﻠﻌﺖ ﺑﺎﺟﻴﺘﻲ ﺗﺒﺘﺴﻢ ﺑﻮﺳﺘﻨﻲ . ﻫﻲ ﻭﺭﻭﻋﻪ ﺍﺑﺘﺴﻢ ﺍﻟﻬﻢ ﺑﺎﻟﻜﻮﻩ
ﺭﻭﻋﻪ - ﻳﻮﻟﻲ ﻣﺮﻳﻀﻪ ﺷﻮ ﻭﺟﻬﺞ ﺗﻌﺒﺎﻥ ﺣﻴﻞ ﺭﻭﻭﻑ ﺍﺧﺬﻫﺎ ﻃﺒﻴﺐ ﺗﺮﻩ ﻳﻤﻜﻦ ﻣﺸﻜﻞ ﻋﺪﻫﺎ ﻓﻘﺮ ﺩﻡ
ﺭﻭﻳﺪﻩ - ﺟﻨﺖ ﻣﻨﺼﻴﻪ ﺭﺍﺳﻲ ﺭﻭﻭﻑ ﻣﺴﻤﻌﺖ ﺣﺴﻪ ﺻﻌﺪ ﺍﻟﺠﻨﻄﻪ ﻓﻮﻙ ﻭﻧﺰﻝ ﺻﻌﺪﺕ ﻭﺻﻌﺪ ﻭﺭﺍﻳﻪ ﺍﻳﺪﻩ ﻋﻠﻰ ﺿﻬﺮﻱ ﻳﺒﺎﻭﻋﻠﻲ ﺑﻘﻠﻖ ﻭﺍﻧﻲ ﺍﺧﺠﻞ ﺍﺭﻓﻊ ﺭﺍﺳﻲ ﻭﺻﻠﺖ ﻟﻠﻐﺮﻓﻪ ﻃﺒﻴﺖ ﺳﺪ ﺍﻟﺒﺎﺏ ﺟﺮﻧﻲ ﺑﻬﺪﻭﺀﻛﻌﺪﻧﻲ ﻋﺎﻟﺠﺮﺑﺎﻳﻪ
ﺑﻘﻪ ﻳﺒﺎﻭﻉ ﺑﻌﻴﻨﻲ ﺑﻘﻠﻖ ﻭﺍﻧﻲ ﻣﻨﺼﻴﻪ ﺍﺭﻳﺪ ﺍﺣﺠﻴﻠﻪ ﻣﺎﺑﻴﻪ ﺣﻴﻞ ﻋﺪﺕ ﺩﻗﺎﻳﻖ ﻫﻤﺲ
ﺭﻭﻳﺪﻩ
ﺑﺠﻴﺖ ﺑﻘﻬﺮ ﻃﻠﻌﺖ ﻗﻬﺮﻱ ﻛﻠﻪ ﺑﺲ ﺑﺠﻴﺘﻲ ﺑﺮﺍﺣﻪ ﻛﺎﻡ ﻭﻛﻒ ﻣﺨﺮﻭﻉ ﻭﻳﻤﺴﺢ ﺑﺪﻣﻮﻋﻲ ﺍﻧﻲ ﻛﺎﻋﺪﻩ ﻭﻫﻮ ﻭﺍﻛﻒ ﻣﻨﺼﻲ
ﺷﺒﻴﺞ ﻳﺎﺑﻪ ﺷﺒﻴﺞ ﻣﻨﻮ ﻭﻳﺎﺝ ﻟﺘﺒﺠﻴﻦ ﻛﺎﻓﻲ ﺑﺲ ﺍﺑﻮﻳﻪ ﺍﻧﺘﻲ ﻣﻨﻮ ﻣﺤﺎﺟﻴﺞ
ﻟﺘﻌﻮﻓﻨﻲ ﺑﻌﺪ
ﻣﺎﻋﻮﻓﺞ ﻫﺎﻫﻲ ﻟﺘﺒﺠﻴﻦ ﻋﻴﻨﻲ ﺟﺮﻳﺘﻬﺎ ﻟﺤﻀﻨﻲ . ﺭﺍﺳﻬﺎ ﻭﺻﻞ ﻟﻨﻬﺎﻳﻪ ﺻﺪﺭﻱ ﻧﺰﻋﺖ ﺍﻟﺤﺠﺎﺏ ﺑﺎﻳﺪﻫﺎ . ﺷﻤﺮﺗﻪ ﺑﻘﺴﻮﻩ ﻛﻤﺖ ﺍﻣﺴﺪ ﺑﺸﻌﺮﻫﺎ ﺍﺑﺘﻌﺪﺕ ﻣﻦ ﺣﻀﻨﻲ ﺑﻬﺪﻭﺀ ﻣﻨﺼﻴﻪ
ﺍﺣﺠﻴﻠﻲ ﻣﻦ . ﺍﻟﺤﺎﺟﺎﺝ
ﻣﺎﺭﻳﺪ ﺍﻫﻠﻲ ﺑﻌﺪ ﻣﺎﺭﻳﺪ ﺍﺭﻭﺡ ﻫﻨﺎﻙ
ﻣﻴﺨﺎﻟﻒ ﻫﺎﻫﻲ ﺍﻫﺪﻱ
ﺭﻭﻭﻑ ﻳﻜﺮﻫﻮﻧﻲ ﻛﻠﻬﻢ ﻳﻜﺮﻫﻮﻧﻲ
ﺭﻓﻌﺖ ﺣﻨﻜﻬﺎ ﺑﻴﺪﻱ ﻛﺎﻓﻲ ﺗﺤﺮﻛﻴﻦ ﺑﺪﻣﺞ ﺻﻮﺗﺞ ﺭﺍﻳﺢ
ﺭﻭﻭﻑ ﻣﺎﺭﻳﺪ ﺍﺭﻭﺡ ﻻﻫﻠﻲ ﺍﺑﻘﻰ ﻫﻨﺎ ﺍﻧﺖ ﻣﻮ ﻣﺘﺰﻭﺟﻨﻲ ﻣﻮ ﺭﺟﻠﻲ
ﻫﺎﻫﻲ ﺍﻟﺘﺮﺩﻱ ﻳﺼﻴﺮ ﺷﺘﺮﻳﺪﻥ ﺻﺎﻳﺮ ﻭﻻﻳﻬﻤﺞ ﺑﺲ ﻟﺘﻨﺰﻝ ﺩﻣﻌﻪ ﻋﻠﻰ ﺧﺪﺝ ﺍﻟﺴﻮﻳﺘﻪ ﻛﻠﻪ ﺣﺘﻰ ﻣﺎﺷﻮﻑ ﺩﻣﻌﻪ ﺑﻌﻴﻨﺞ ﺍﺣﺠﻲ ﻭﻳﺎﻫﺎ ﻭﺍﺻﺒﺮ ﻭﺍﻣﺴﺢ ﺑﺪﻣﻮﻋﻬﺎ ﺳﻜﺘﺖ ﺗﻬﺰ ﺭﺍﺳﻬﺎ ﻛﺎﻟﺖ ﺑﺎﻭﻋﺘﻠﻲ ﻣﺪﻣﻌﻪ ﻣﺒﺮﻃﻤﻪ
ﻋﺒﺎﻟﻚ ﻣﻮ ﺍﻫﻠﻲ
ﻻ ﺍﺑﺘﺴﻤﺖ ﺟﺞ ﻻ ﻫﺎﻱ ﻻﻥ ﺷﻮﻱ ﻋﻤﻲ ﻣﺎﻟﻪ ﺧﻠﻚ
ﻻ ﻭﺍﻟﻠﻪ ﺍﻧﺖ ﻣﺴﻤﻌﺖ
ﻫﺴﻪ ﻣﻴﺨﺎﻟﻒ ﺍﺭﺗﺎﺣﻲ ﺑﻌﺪﻳﻦ ﺷﻮﻱ ﺷﻮﻱ ﻧﺴﻮﻟﻒ ﺧﻮﺵ ﺑﺲ ﻟﺘﺒﺠﻴﻦ ﻣﻮﺯﻳﻦ ﻋﻠﻴﺞ
ﻫﺰﻳﺖ ﺭﺍﺳﻲ ﻣﻨﺼﻴﻪ ﻭﻛﻔﺖ
ﻫﺎ ﻭﻳﻦ
ﻋﻄﺸﺎﻧﻪ ﻣﻲ
ﻣﺎﻛﻮ ﺍﻟﺜﻼﺟﻪ ﻓﺎﺭﻏﻪ ﻣﺤﻤﺪ ﻣﻄﻴﺮ ﺣﺘﻰ ﺍﻟﻤﻲ ﺍﻟﻤﻠﻌﻮﻥ ﻫﺴﻪ ﺍﺗﺴﻮﻙ ﻭﺍﺟﻲ ﻣﺎﺍﺗﺎﺧﺮ ﻃﻠﻌﺖ ﺷﻠﺖ ﺍﻟﺴﻮﻳﺞ ﺻﺎﺣﺖ
ﺭﻭﻭﻑ
ﻧﻌﻢ -- ﺍﺑﺎﻭﻋﻠﻬﺎ ﺑﺮﻃﻤﺖ ﻣﺮﻩ ﻟﺦ ﻭﻋﻴﻮﻧﻬﺎ ﻏﺮﻛﺖ ﺑﺎﻟﺪﻣﻊ
ﺑﺲ ﺍﻧﺖ ﺗﺨﺎﻑ ﻋﻠﻴﻪ ﻭﺍﻟﻠﻪ
ﺍﺑﺘﺴﻤﺖ ﻫﺰﻳﺖ ﺭﺍﺳﻲ ﻣﻴﺨﺎﻟﻒ ﻭﻻ ﻳﻬﻤﺞ ﻃﻠﻌﺖ ﺭﺟﻌﺖ ﻣﺪﻳﺖ ﺭﺍﺳﻲ ﺗﻤﺪﺩﻱ ﻫﺴﻪ ﺍﺟﻴﺐ ﻣﺴﻮﺍﻙ ﻭﺍﺟﻴﺞ
ﺍﻭﻙ
ﻃﻠﻌﺖ ﺭﻭﺣﻲ ﺗﻠﻮﺏ ﺷﺼﺎﻳﺮ ﺑﻴﻬﺎ ﺻﺪﻙ ﻳﺤﺠﻮﻥ ﻭﺍﻟﻠﻪ ﺍﺫﺍ ﻋﺮﻓﺖ ﺣﺴﻴﻦ ﻟﻮ ﻋﻤﻲ ﺿﺎﺭﺑﻬﺎ ﻻ ﺍﻛﻠﺐ ﺍﻟﺪﻧﻴﺎ . ﺯﻳﻦ ﺷﻨﻮ ﺣﺠﺘﻠﻬﻢ ﻻ ﻣﻤﻌﻘﻮﻟﻪ ﺟﺎﻥ ﻋﻤﻲ ﻛﻠﻲ ﺍﺳﺘﻐﻔﺮ ﺍﻟﻠﻪ ﻣﺠﺒﻮﺭﻩ ﺗﺮﺟﻊ ﻻﻥ ﺍﻫﻠﻬﺎ ﻏﺜﻮﻫﺎ ﺑﺎﻟﺤﺠﻲ ﻣﺠﺒﻮﺭﻩ ﺣﺘﻌﻴﺶ ﻭﻳﺎﻳﻪ ﻫﻴﺞ ﻋﻴﺸﻪ ﻫﻢ ﻣﺘﻨﺮﺍﺩ ﻣﺎﺷﻲ ﺍﻟﻤﻬﻢ ﻣﺎﻗﺼﺮ ﻭﻳﺎﻫﺎ ﺍﺷﻮﻑ ﻟﻴﻮﻳﻦ ﺗﺎﻟﻴﺘﻬﺎ ﻭﺍﻟﻠﻪ ﻛﺮﻳﻢ ﺗﺴﻮﻛﺖ ﻭﺣﺘﻰ ﻗﺸﻄﻪ ﻭﺟﺒﻦ ﺷﺘﺮﻳﺖ ﻧﺴﺎﺗﻞ ﻭﻓﺎﻛﻬﻪ ﻭﻟﺒﻦ ﻭﺣﻠﻴﺐ ﺍﻟﺘﺤﺒﻪ ﻫﻲ ﻭﺍﺧﺮ ﺷﻲ ﺍﺷﺘﺮﻳﺖ ﺑﺮﺍﺩ ﺻﻐﻴﺮ ﺍﺧﻠﻴﻲ . ﺑﺎﻟﻐﺮﻓﻪ ﻭﺍﺧﻠﺺ ﻭﻫﺬﺍ ﺍﻟﺤﻴﻮﺍﻥ ﺑﻌﺪ ﻣﺎﻳﻮﺻﻞ ﻟﻐﺮﻓﺘﻲ ﻃﺒﻴﺖ ﻟﻔﺮﻋﻨﺎ ﺑﺮﺍﺱ ﺍﻟﻔﺮﻉ ﺍﺑﻮ ﺍﻟﺪﺟﺎﺝ ﺍﻟﺸﻮﻱ ﻫﻲ ﺗﺤﺒﻪ ﺑﺎﻟﺘﻨﻮﺭ ﺍﺧﺬﺕ ﻭﻳﺎﻩ ﺗﻤﻦ ﻭﻃﺒﻴﺖ ﻟﻠﺒﻴﺖ ﻣﺤﻤﻞ ﺍﻣﻲ ﻓﺮﺩﺕ ﻭﺟﻬﻪ ﻛﺎﻟﺖ
ﻳﻤﻪ ﻧﻮﺭ ﻭﺟﻬﻚ ﻣﻦ ﺟﺘﻲ ﺭﻭﻳﺪﺗﻚ
ﺍﺑﺘﺴﻤﺘﻠﻬﺎ ﺑﺴﺘﻬﺎ ﻣﻦ ﺭﺍﺳﻬﺎ ﻳﻤﻪ ﺍﺩﻋﻴﻠﻲ ﻓﺪﻭﻩ
ﺍﻟﻠﻪ ﻳﻬﺪﻳﻜﻢ ﻳﻮﻡ
ﺻﻌﺪﺕ ﺍﺭﺗﺐ ﺍﻟﻐﺮﺍﺽ ﻣﺠﺎﻧﺖ ﺑﺎﻟﻐﺮﻓﻪ ﺳﻤﻌﺖ ﺻﻮﺕ ﺍﻟﺪﻭﺵ ﺩﺗﺴﺒﺢ ﺭﺟﻌﺖ ﻛﻠﺸﻲ ﻭﻓﺮﺷﺖ ﺍﻟﻄﺒﻠﻪ ﺧﻠﻴﺖ ﺍﻟﻠﺒﻦ ﻭﺍﻟﺪﺟﺎﺝ ﺍﻟﻤﺤﺸﻲ ﻃﻠﻌﺖ ﺗﻨﺸﻒ ﺑﺸﻌﺮﻫﺎ ﺍﻟﺤﻤﺪ ﻟﻠﻪ ﻭﺟﻬﻪ ﺍﺣﺴﻦ ﺑﺎﻭﻋﺖ ﻋﺎﻟﻤﻴﺰ ﺍﺑﺘﺴﻤﺖ ﻛﺎﻟﺖ
ﻣﻴﺘﻪ ﺟﻮﻉ
ﺭﻭﺣﻲ ﻃﺎﺭﺕ ﻣﻦ ﻓﺮﺣﺖ ---- ﻛﺎﻟﺖ
ﺑﺲ ﺍﻣﺸﻂ ﻭﺍﺟﻲ
ﺍﻧﺘﻀﺮ ﺑﻴﻨﻤﺎ ﺗﺒﺮﺩ ﺑﻘﻴﺖ ﺍﺑﺎﻭﻋﻠﻬﺎ ﺗﺴﺮﺡ ﺑﺸﻌﺮﻫﺎ ﻃﺒﻴﺖ ﺧﻀﻴﺖ ﺟﺴﻤﻲ ﻭﺑﺪﻟﺖ ﻻﻥ ﻗﺒﻞ ﻻﺍﺟﻴﻬﻢ ﺳﺎﺑﺢ ﺑﺲ ﻣﻦ ﺗﺴﻮﻛﺖ ﻫﻢ ﻋﺮﻛﺖ . ﻃﻠﻌﺖ ﺷﻔﺘﻬﺎ ﺗﻀﻔﺮ ﺷﻌﺮﻫﺎ ﺑﺎﻭﻋﺖ ﻋﺎﻟﻤﻴﺰ ﺷﻌﺮﻫﺎ ﻛﻮﻣﻪ ﻭﺍﻛﻊ
ﻫﺎﻱ ﺷﻨﻮﻭ
ﺓ . ﺷﻌﺮﻱ
ﺑﺮﻃﻤﺖ ﺍﻱ ﺣﻴﺨﻠﺺ
ﺭﻭﻳﺪﻩ ﻟﺘﻀﻠﻴﻦ ﻛﻠﺴﺎ ﻣﺒﺮﻃﻤﻪ ﻳﺎﺑﻪ ﺻﻴﺮﻱ ﻗﻮﻳﻪ ﻭﺳﺒﻌﻪ
ﺑﺎﻭﻋﺖ ﺑﻌﻴﻨﻪ ﻫﺰﻳﺖ ﺭﺍﺳﻲ ﺍﻭﻙ ﻛﺎﻝ
ﻳﻠﻪ ﺗﻌﺎﻱ ﺍﺩﺭﻱ ﺑﻴﺞ ﺗﺤﺒﻲ ﻭﻛﺘﻠﻪ ﺯﻳﺪ ﺣﻤﻮﺿﻪ
ﺍﺑﺘﺴﻤﺖ ﻫﺰﻳﺖ ﺭﺍﺳﻲ ﻗﺮﺏ ﺍﻟﻤﻴﺰ ﻭﻛﺎﻡ ﻳﻔﻠﺲ ﻭﻳﺎﻛﻞ ﻭﻳﺨﻠﻲ ﻳﻤﻲ ﻭﺍﻧﻲ ﺍﻛﻞ ﺑﻨﻬﻢ ﺑﻘﻪ ﻳﺒﺎﻭﻉ ﻋﻠﻴﻪ ﻣﺒﺘﺴﻢ ﺍﻛﻠﺖ ﺍﻟﻠﺒﻦ ﺷﻜﺪ ﻃﻴﺐ ﺣﺴﻴﺘﻪ ﺑﻘﻴﻨﺎ ﻧﺎﻛﻞ . ﻟﺤﺪ ﻣﺎ ﻛﻤﻠﺖ ﻛﻞ ﺍﻟﺪﺟﺎﺟﻪ ﻭﺍﻟﺘﻤﻦ ﻟﻤﻠﻤﺖ ﺍﻟﻬﻮﺳﻪ ﺻﺮﺕ ﻧﺸﻴﻄﻪ ﺳﺎﻋﺪﻧﻲ ﻭﻳﺒﺎﻭﻋﻠﻲ ﻣﺒﺘﺴﻢ ﻳﺎﺑﻪ ﺷﻜﺪ ﺍﺭﺗﺎﺡ
ﻣﻦ ﺍﺷﻮﻓﻪ ﻳﺒﺘﺴﻠﻤﻠﻲ ﺍﺣﺲ ﺩﻳﺸﻮﻑ ﺩﺍﺧﻞ ﻛﻠﺒﻲ ﺷﻜﻮ ﻭﻣﺼﺪﻛﻨﻲ ﻏﺴﻠﻨﺎ ﻭﻛﻌﺪﻧﺎ ﻛﻴﻔﺖ ﺑﺎﻟﺒﺮﺍﺩ ﻣﻦ ﺟﺎﺑﻪ ﻛﺎﻝ
ﺭﻭﻳﺪﻩ ﺑﻌﺪ 40 ﻳﻮﻡ ﺍﻟﺪﻭﺍﻡ
ﺍﻱ ﺑﺎﻭﻋﺘﻠﻪ ﻣﻨﺼﻲ ﻭﻳﺤﺠﻲ ﻛﺎﻝ
ﺷﻨﻮ ﺭﺍﻳﺞ ﺗﻤﺘﺤﻨﻴﻦ ﺧﺎﺭﺟﻲ
ﺑﻘﻴﺖ ﺻﺎﻓﻨﻪ ﻋﻠﻴﻪ ﻛﻤﻞ ﻛﻼﻡ
ﺍﻧﺘﻲ ﺗﺮﻛﺘﻲ ﺳﻨﻪ ﻭﺭﺍﺳﺒﻪ ﺳﻨﻪ ﻭﺑﻄﻠﺘﻲ ﺗﺮﻫﻢ ﺗﻘﺪﻣﻴﻦ ﻭﺍﺫﺍ ﻣﺼﺎﺭﺕ ﺑﺎﻟﻮﺍﺳﻄﻪ ﻛﻠﺸﻲ ﻳﺼﻴﺮ
ﻣﺎﺍﻋﺮﻑ ﺻﻌﺒﻪ ﻋﻠﻴﻪ
ﺍﻧﻲ ﻣﻮ ﻳﺠﻮﻥ ﻃﻼﺏ ﻭﺍﺩﺭﺳﻬﻢ ﻛﻌﺪﻱ ﻭﻳﺎﻫﻢ ﻣﺘﺮﻭﺡ ﻋﻠﻴﺞ ﻫﺎﻟﺴﻨﻪ
ﻫﺰﻳﺖ ﺭﺍﺳﻲ ﺍﻭﻙ
ﺗﺸﻮﻓﻴﻦ ﻧﻔﺴﺞ ﺟﺎﻫﺰﻩ ﻟﻮ
ﻻﻻ ﺍﺭﻳﺪ ﺍﺩﺭﺱ
ﻫﺎﻫﻲ ﻧﺒﻠﺶ ﻣﻼﺯﻡ ﻭﻛﺘﺐ ﺍﻧﻲ ﻋﺪﻱ ﻣﻼﺯﻡ ﻣﺎﻝ ﻛﻴﻤﻴﺎ ﻭﻓﻴﺰﻳﺎ ﻭﺭﻳﺎﺿﻴﺎﺕ ﺍﻧﻲ ﻣﺴﻮﻳﻬﺎ ﺑﻴﺪﻱ ﺗﺒﻘﻰ ﺍﻻﻧﻜﻠﻴﺰﻱ ﻭﺍﻟﺒﻘﻴﻪ ﺍﺫﺍ ﺍﺳﺘﻮﺟﺐ ﺍﺧﻠﻴﻠﺞ ﻣﺪﺭﺱ
ﺍﺑﺘﺴﻤﺖ ﺷﻜﺮﺍ ﺭﻭﻭﻑ
ﻛﺮﺻﺘﻬﺎ . ﻣﻦ ﺧﺪﻫﺎ ﻭﻻﺗﺰﻋﻠﻴﻦ ﻭﻻﻳﻬﻤﺞ
ﻫﺰﻳﺖ ﺭﺍﺳﻲ ﻧﺼﻴﺖ
ﺧﻮ ﺣﺴﻴﻦ ﻣﻤﺪ ﺍﻳﺪﻩ
ﻻ ﺍﺑﺪ ﻫﻤﺴﺖ ﻣﻨﺼﻴﻪ
ﻭﻋﻤﻲ
ﺣﺘﻰ ﺑﺎﺑﺎ
ﻟﻌﺪ ﻟﻴﺶ ﻫﻠﻜﺪ ﺗﻌﺒﺎﻧﻪ ﺗﺪﺭﻳﻦ ﺟﻨﺖ ﺗﻮﻧﻲ ﺩﺍﺍﺣﺠﻲ ﻭﺍﻟﻠﻪ ﺳﺘﺮ ﻃﺒﻴﺘﻲ
ﺳﻤﻌﺘﻚ ﻛﻠﺘﻬﺎ ﻣﻨﺼﻴﻪ ﻛﺎﻝ
ﺍﺣﺠﻴﻠﻲ
ﺭﻭﻭﻑ ﺷﺤﺠﻲ ﺩﺍﺍﺣﺠﻲ ﺭﻓﻌﺖ ﺭﺍﺳﻲ ﺑﺠﻴﺖ
ﻫﺎ ﻫﻢ ﺣﺘﺒﺠﻴﻦ ﻣﺎﺭﻳﺪ ﺍﺳﻤﻊ ﺑﻄﻠﺖ
ﻣﻴﺤﺒﻮﻧﻲ ﻛﺎﺭﻫﻴﻨﻲ ﺑﺎﺑﺎ ﻣﻦ ﻋﺮﻑ ﺑﻴﻪ ﺟﺎﻳﻪ ﻛﺎﻡ ﻳﺼﻴﺢ ﺣﺘﻰ ﻣﻨﻄﺎﻧﻲ ﻓﺮﺻﻪ ﺍﺣﺠﻲ
ﺗﺤﺠﻲ ﻭﺍﻫﺰ ﺭﺍﺳﻲ ﻣﺴﺘﻤﻊ ﺗﺤﺠﻲ ﺑﻘﻬﺮ ﻭﺻﻮﺗﻬﺎ ﻣﺨﻨﻮﻙ ﺳﻜﺘﺖ ﺟﺮﻳﺖ ﻧﻔﺲ ﺭﺑﺘﺖ ﻋﻠﻰ ﺍﻳﺪﻫﺎ
ﺑﺪﻟﻲ ﺩﻧﻄﻠﻊ
ﻭﻳﻦ ﻧﺮﻭﺡ ﺑﺎﻭﻋﺘﻠﻪ ﻣﺴﺘﻐﺮﺑﻪ
ﺍﻱ ﻣﻜﺎﻥ ﺭﻭﺣﻲ ﻃﺎﻛﻪ ﺍﻧﻲ ﻛﻮﻣﻲ ﻧﻐﻴﺮ ﺟﻮ
ﺍﻟﻌﺼﺮ ﻣﻮ ﻫﺴﻪ
ﺍﻭﻝ ﻧﺰﻭﺭ ﺍﻻﻋﻀﻤﻴﻪ ﻟﻠﻌﺼﺮ ﻧﻔﺘﺮ ﺑﺎﻟﻤﻮﻝ ﺍﻟﻘﺮﻳﺐ ﻋﻠﻴﻨﺎ
ﺍﻭﻙ ﺍﺑﺘﺴﻤﺖ ﻛﺎﻡ ﻓﺘﺢ ﻛﻨﺘﻮﺭﻩ ﻭﺍﻧﻲ ﻓﺘﺤﺖ ﻛﻨﺘﻮﺭﻱ ﻃﻠﻊ ﻗﻤﻴﺺ ﻋﺮﻳﺾ ﻛﻠﺶ ﻭﺑﻨﻄﺮﻭﻥ ﺍﺳﻮﺩ ﻟﻮﻧﻪ ﺻﺎﻳﺮ ﺟﻮﺯﻱ ﺑﺎﻭﻋﺘﻠﻪ
ﺣﺘﻠﺒﺲ ﻫﺬﺍ
ﺍﻱ ﻏﺎﺳﻠﺘﻪ ﻣﻮ ﺟﺎﻥ ﻣﻌﻠﻚ
ﺍﻱ ﻭﻛﻮﻳﺘﻪ ﻫﻢ ﺑﺲ ﻫﻮ ﺍﺑﻠﻚ
ﺷﺴﻮﻳﻠﻪ ﻟﺒﺴﺖ ﻣﻬﺘﻤﻴﺖ ﺍﻧﺘﺒﻬﺖ ﺿﺎﺟﺖ ﻏﻠﺴﺖ ﻟﺒﺴﺖ ﺟﺒﺘﻬﺎ . ﻭﺍﻟﺤﺠﺎﺏ ﺑﻘﻴﺖ ﺍﺑﺎﻭﻋﻠﻬﺎ ﺷﻔﺘﻬﺎ ﻓﺘﺤﺖ ﺍﻟﻤﺠﺮ ﻃﻠﻌﺖ ﺣﻠﻘﺘﻲ ﻟﺒﺴﺘﻬﺎ ﺍﻧﺼﺪﻣﺖ ﻣﻦ ﺣﺮﻛﺘﻬﺎ ﺑﺎﻭﻋﻠﻲ ﺑﺎﻟﻤﺮﺍﻳﻪ ﻋﺪﻟﺖ ﺍﻟﺮﺑﻄﻪ ﺗﻠﺒﺲ ﺭﺑﻄﺎﺕ ﺗﺮﻛﻲ ﻣﻦ ﻫﺎﻱ ﺍﻟﺼﻐﺎﺭ ﻭﺟﻮﺍﻫﺎ ﻛﺐ ﻭﻭﺟﻬﻪ ﻣﺪﻭﺭ ﻫﻠﻜﺪ
ﺗﻠﻮﻛﻠﻬﺎ ﻭﺍﻟﺠﺒﻪ ﻣﺨﺼﺮﻩ ﻣﻦ ﻓﻮﻙ ﻭﻣﻦ ﺟﻮﻩ ﻛﻠﻮﺵ ﺍﻣﻮﺕ ﻋﻠﻰ ﻟﺒﺴﻬﺎ ﻳﻌﺠﺒﻨﻲ ﺣﺘﻰ ﻟﺒﺲ ﺳﺮﻯ ﻭﻣﺮﻭﻩ ﻭﻫﺪﻳﺮ ﻛﻠﺶ ﺍﺣﺘﺮﻣﻪ
ﻭﺍﺣﺒﻪ ﺭﺍﻗﻲ ﺑﺒﺴﺎﻃﻪ ﻭﻣﺴﺘﺮ ﻃﻠﻌﺖ ﻛﺪﺍﻣﻲ ﻭﺳﺪﻳﺖ ﺍﻟﺒﺎﺏ ﻗﻔﻠﺘﻬﺎ ﻭﺭﺍﻧﺎ ﻧﺰﻟﻨﺎ ﺑﺎﻭﻋﺘﻠﻨﺎ ﺍﻣﻲ ﺍﺑﺘﺴﻤﺖ ﻭﻧﺼﺖ ﺑﻌﺪ ﺭﻭﺣﻲ ﻣﻦ ﻏﺜﻴﺘﻬﺎ ﺑﻌﺪ ﻣﺎﺗﺪﺧﻠﺖ ﻃﻠﻌﺖ ﺭﻭﻋﻪ ﻣﻦ ﻏﺮﻓﻪ ﻓﺮﺍﺕ ﺍﻟﻤﺴﺘﺤﻠﺘﻬﺎ ﺣﺎﻟﻴﺎ ﺑﺎﻭﻋﺘﻠﻨﺎ ﺍﺑﺘﺴﻤﺖ ﻛﺎﻟﺖ
ﺷﻨﻮ ﻭﻳﻦ ﺭﺍﻳﺤﻴﻦ
ﻃﺎﻟﻌﻴﻦ ﻧﻔﺘﺮ ﺷﻮ ﺿﺎﻳﺠﻴﻦ ﻳﻠﻪ ﻳﻮﻡ ﺗﺮﺩﻳﻦ ﺷﻲ ﻣﻦ ﺑﺮﻩ
ﻻ ﻳﻤﻪ ﺭﺣﺘﻠﻚ ﻓﺪﻭﻩ ﺑﺲ ﺧﺎﺑﺮ ﺳﻠﻴﻢ ﻳﺠﻴﺒﻠﻲ ﻛﺎﺭﻱ ﺧﻠﺼﺖ
ﻳﻤﻪ ﺳﺎﻋﻪ 4 ﺳﻠﻴﻢ ﺑﺎﻟﻄﺮﻳﻖ ﻫﺴﻪ
ﻳﻠﻪ ﻟﻌﺪ ﻋﻠﻰ ﺑﺎﺟﺮ
ﺍﺟﻴﺒﻠﺞ ﻭﻳﺎﻳﻪ
ﻻﻳﻤﻪ ﺍﺭﻳﺪ ﻣﻦ ﺍﺧﻮﻙ ﻃﺎﺯﻩ
ﺭﻭﻳﺪﻩ - ﺍﺣﺠﻲ ﻭﻱ ﺭﻭﺣﻲ ﻭﺍﺑﺎﻭﻋﻠﻪ ﺍﺭﺿﻰ ﻣﺎﺍﺭﺿﻰ ﻻﺯﻡ ﺍﺗﺎﺍﻟﻒ ﻭﻳﺎﻙ ﻣﺤﺪ ﺭﺍﺣﻤﻨﻲ ﻏﻴﺮﻙ ﻃﻠﻌﻨﺎ ﺭﺣﻨﺎ ﺍﻻﻋﻀﻤﻴﻪ ﺯﺭﻧﺎ ﻭﻃﻠﻌﻨﺎ ﺍﻓﺘﺮﻳﻨﺎ ﺷﻮﻱ ﺍﺷﻮﻑ ﺍﻟﻨﺎﺱ ﺗﺒﺎﻭﻋﻠﻨﺎ ﻋﺎﻟﻔﺎﺭﻕ ﺍﻟﺒﻴﻨﻨﺎ ﺍﻧﻲ ﻛﻤﺖ ﻣﺎﺍﻫﺘﻢ ﺍﺑﺪ ﻻﻥ ﻛﻞ ﺍﻟﻌﺎﻟﻢ ﺍﻟﻬﺎ ﺍﻟﻀﺎﻫﺮ ﺟﺮﺑﺖ . ﻫﺎﻟﺸﻲ
ﺑﻨﻔﺴﻲ ﺑﺲ ﺍﺭﻳﺪ ﺍﺭﺗﺎﺡ ﻭﺭﻭﻭﻑ ﻋﻄﻮﻑ ﻋﻠﻴﻪ ﻣﺎﺭﻳﺪ ﻏﻴﺮ ﺷﻲ ﺭﺟﻌﻨﺎ ﻣﻦ ﺍﻻﻋﻀﻤﻴﻪ ﻟﻤﻮ ﻝ ﻣﻨﻄﻘﺘﻨﺎ ﺩﻧﻔﺘﺮ ﺭﺩﻧﺎ ﻧﺼﻌﺪ . ﻃﺎﺑﻖ ﺍﻟﺜﺎﻧﻲ ﻃﺒﻴﻨﺎ ﺍﻟﻤﺼﻌﺪ ﻭﺍﻧﺼﺪﻡ ﺑﺎﻟﻠﻲ ﺻﺎﺩﻓﺘﻪ ﺑﺎﻟﻤﺼﻌﺪ ﻟﻜﻮﻧﻬﻢ ﺑﻨﻔﺲ ﻣﻨﻄﻘﺘﻨﺎ ﻋﺎﻳﺸﻴﻦ ﺍﻛﻴﺪ ﺭﺍﺡ ﻳﺠﻲ ﻳﻮﻡ ﻭﻧﺸﻮﻓﻬﻢ
ﻳﺎﺳﻪ ﻭﺭﺑﺎﺏ ﺑﺲ ﺷﺎﻓﻮﻧﻲ ﻓﺘﺤﻮ حلكهم.
يتبع
