اسيرة قدرك

البارت 50

-الحمدلله خاله بخير كلهم.. ولج الحمدلله من عمتج رضت عليج ترى  كلبها فطير بس بناتها يغيرنها
خبيثات وانتي هم اكسبيها حتى لا تردين لذيج
الايام الصعبة..

-لا خطيه زينه ويايه وأسر ما مقصر وياها
ولا ويانا شفتها فرحانه حجيتلها شلون اسر اخذها تزور وشلون هو وام مهاب حجوا وياها و غيروا
نظرتها عني وهي خطية فرحت كالت..

-معدل هل اسر وحنين الله يفتحها بوجهكم  الا هالبنيات ما ادري على منو طالعات هيج اخبث من ابليس..

-عمتج جانت تموت على الحجي 
و جانت لو زعل  منها تفرفح عليه الا ترضي
بس تالي راح وهو ما راضي عليهن كسرنه وبسببهن صارت كلمته محد يسمعها تالي
يلا تندمن من راح..

-جنت صافنه عليها شلون تحجي عنهم قبل
كعدت عمتي يمنه.. شجاي تكركن؟!..

-جاوبتها مرت خالهم.. هاي مرت ابنج تنحب وسوالفها حلوه تعاي ليه كالو اسر جايبلج محيبس بعدج تحبين الذهب وتصرصرين بي حجتها
بضحكة..

-ضحكت ام اسر..  وروح عزيز كلبي هو جابه انه لا كتله ولا ابد حسه كافي عندي بالدنيا
هسه ورا الغده سماح تطلعه  ضامته ويا ذهيباتهن كالت لها سميحه عود طلعي لمحيبس اشوفه لمرت خالج سماح ضحكت كالتلها اي يمه..

-كمت اخذت ملابس من غرفتي ورحت للحمام
سبحت وره مده ندك الباب واسمع سرور.. فتحي
ولج لطشتي انتي مو دبكنه..

-ضحكت على كلامها وهي
مستمرة تدك بالباب لبست دشداشة قصيرة
و فتحت الباب هي دخلت تغسل رجليها جانت
مسويتلها شيره سمر و تصيح عليه.. شدعوه لطشتي ورجليه دبكن من وراج طلعت و عفتها و هي التفتت عليه.. ولج شنو هالجسم شنو هالبياض
لو اني من اسر ما اطلع من الغرفة يا دوام
يا دنيا..

-عزا هاي البنية كلش.. ولي لج شكد فاسدة
انتي.. هي تضحك وتهز بيدها اي عيني
احنا فاسدين و ذاك تتغزلين بي..

-طلعت منها واضحك كارثة هاي البنية
لا تعرف عيب لا تخجل طك بطك تحجي
بس مرحه وروحها حلوة..

-بعدها رحنا للمطبخ اني وياها و سمر نطبخ الغدة وجانت ام مهاب يمنا سوينه برياني و  دولمة و سمك جنه مندمجين
ونشتغل دخل  ارفد هذا خطية احسه يدور لاسر هو كله ويا متعلم حتى من راح اسر علمود عمته يدفع فلوس ويخلصها هو جان ويا..

-شنو هاي الندارة خويه اريد منكم مره معدلات انتن ويني عنجن من زمان..

-تستاهل كل خير خويه انت بس اشر ننطيك
سرور سمر بكيفك بعد هو ضحك وبقى يشاقه ويا ام مهاب واحنا كملنا الغدة..

-شوي وكمل الغدة و كلها تجمعت بعدما
خلينه السفرة هنا سماح كالت خلي اخدر
جاي واجي..

-هي كامت وما جان على بالي تليفوني الا
من سمعت طكطكه  بالمطبخ طفرت من اتذكرت
موبايلي عفته هناك كمت اخذته من رجعت
نصدمت بيها طالعة من غرفتنا باوعت عليه
بنظرات غريبة وراحت..