كانت تهابه دوناً عن الجميع فهو الأكبر والأكثر قساوة بين أقاربها .. ولكن من كان يدري أنه سـيكون طوق النجاة الذي سـينتشلها من بؤرة هلاكها
الجزء الاول من سلسلة نبضات بين الو
روايـة رومانسي أجتماعي ..
بقلمي: شيمـاء عصمت ..
صرخت بحقد تغلغل في وجدانها: لا معقول!! هي تستاهل الموت ألف مره لولا وجودها كان زمان شعـيب ليا , ليا أنا وبس.. ومكنتش أنا أتجوزت واحد أكبر مني ، كله بسببهم وبسبب جدي
عماد بـ أستنكار: محدش أجبرك على حاجة أنتِ اللي صممتي تتجوزي (محمد) الله يرحمه رغم أعتراض الكل وأولهم جدي ، وبردو أنتِ عارفة أن شعـيب لـ زهرة وزهرة لـ شعـيب من وهما في اللفه
أجابته بسخرية: ما شاء الله شيفاك بتدافع عنهم أووي أيه حبيتهم فجأة
هدر بأنفعال: أنتِ عارفة أني بحبهم فعلًا عشان هما أهلي وعمري ما هفكر أأذيهم أنا لحد دلوقتي مش مستوعب أنك قدرتي تأذي زهرة!! دي كانت حامل وبناتها لسه صغيرين ،
وأكمل بحقد وغل: أنا بحب عليتنا كلهم لكن شعـيب و لتيـن بكرهم بكرهم وأتمنى في يوم أقدر أأذيهم زي ما أذوني
نـورا بلا مبالاه: خلاصة الكلام أنت لو عايز ثروة العيلة كلها تكون في جيبك وتنتقم من شعـيب ولتين ، تسمع كل كلمة أقولهالك (وأكملت بتحذير) وملكش دعوة بـ شعـيب .. شعـيب خط أحمر ولو لمست شعرة منه هدفنك حي يا عمـاد
صرخ بغضب: أنتِ لسه بتدافعي عنه؟!! رغم أنك عارفة ومتأكدة أنه نهش في عرضي وشرفي وأتعدى على حرمه بيتي!!! خاني مع الـ×××××× لتيـن!! خاني معاها وهي على ذمتي!! أزاي متمسكة بيه أوي كده وأنتِ بنفسك اللي كشفتيلي خيانتهم!!! فاكره ولا أفكرك؟ فااااكرة!!!
