انس:اختبار ايه دي
زين:لو هو فعلا بيحبها هيحب يكون كل حاچه منيه هو وهيرفض مساعدة اي حد وخصوصا انا
انس:جصدك انك هتعرض عليه فلوس يعني
زين:ايوه
انس:وبعدين
زين:هنعرف نيته ايه ووجتها ربك يسهل
انس بصله بشك
زين:انا معنديش اغلي من اخواتي البنات واللي هيتجوز واحده لازم يشيلها چوا عنيه
شيرين نايمه وصحيت علي صوت حد بيصحيها
شيرين فتحت عنيها بكسل: في ايه
سعاده: جومي ياضاكتوره بسرعه
شيرين: في اي
سعاده بتضحك... شوقي الكلاف تحت
شيرين قعدت علي سرير وبصتلها بتعجب....ايوه يعني مين دا
سعاده بصتلها وتنحت ومش بتتكلم
شيرين:سععااااده
سعاده بانتباه:ها بتجولي حاجه
شيرين:روحتي فين انا بكلمك
سعاده:كيف دي عاد كيف عنيكي لونها مختلف اكده
شيرين ضحكت:خلقه ربنا المهم مين دا
سعاده:كيف يعني سبحان الله بس انتي عنيكي لون واحد بجيت كيف اكده
شيرين قامت من علي سرير...عشان محدش يفضل يسالني كتير كدا بلبس لانسيز المهم احكيلي مين شوقي دا
سعاده:ادخلي اتسبحي لاول عجبال ماجهزلك الوكل وهحكيلك
شيرين:ماشي
شيرين دخلت الحمام وبعد مده خرجت كانت سعاده جهزت الفطار وحطته ليها
شيرين بتاكل:ها مين دا بقي
سعاده:دي بني ادم بس من معاملته مع البهايم بجي كيفهم
شيرين بتعجب:اذاي يعني
سعاده:هتعرفي اما تنزلي المهام اتحددتي معاه براحه عشان يفهمك
شيرين:طيب
شيرين نزلت كان فيه شاب طويل وضخم وليه شنب كبير وشكله خوف شيرين
شيرين بقلق:اافندم اقدر اساعد حضرتك اذاي
شوقي بصوت غليظ وعالي :نموسيتك كحلي ياضاكتوره البجره حدايا تعبانه اتفضلي جدامي دي لو حرالها حاچه انا هخرب بيتك بسبب تاخيرك دي عاد
شيرين بصاله بخوف من مجرد كلامه بس خافت منه ف هزت رتسها بسرعه.....اااتفضل اتفضل
شوقي مشي وهي مشيت وراه واخدها للمكان اللي في البقره وكشفت عليها كانت تعبانه اوي وواضح عليها تعب
البارت 37
Magsimula sa umpisa