*اخذ حق*
الجزء الثاني عشر
صدح صوت الصراخ والفرح من المتهمين و نظر سليم الي ملك بمعني لا تتحديني
نظرت وداد لهم بصدمه فاهل انتهي الموضوع حقها مش هيتجاب كده كل حاجه خلصت فاقت علي صوت سيف
سيف بحزن= وداد انتي كويسه
نطرت له وداد بحزن ثم تحدثت
وداد =انا كويسه يا سيف بس عاوزه اروح
ملك= يالا بينا
زينه =الكل يجي ياجماعه
ركب الجميع السيارات واتجهوا الي بيت ملك
في المحكمه كانوا برتدون ملابسهم وبجهزون للخروج
شهاب =والمصحف ما هسيبها البت دي
اسلام= بس انا هموت واعرف ابوك خرجنا ازاي وعمل كل ده ازاي اصلا
شهاب وهو يشير الي راسه= بده الحاجه الوحيده الي وخدها منه
علي =بس بصراحه يا رعد ملك اختك دي غريبه ازاي كانت عاوزه تحبسك
نظر له رعد ولم يتحدث ارتدي التي شرت الخاص به وخرج
اسلام باستغراب =ماله ده
شهاب بحده =تاني مره متجيبش سيره اخته علي لسانك يا علي
علي =ده من اي ده ده اخوها متحماش كده
شهاب بغضب= سمعت
علي بتوتر =خلاص
بعد مده وصلوا الي منزل ملك ونزلوا جميعا
رضا بصدمه= مريم يطلع منها كل ده
نادين= ولا علاء الكلب واسامه
دنيا =اسامه حقير تتوقعي منه اي حاجه
ملك=مش ده موضوعنا دلوقتي ونظرت الي وداد وداد انتي مش هتسكتي صح
وداد بتوهان =لا هسكت انا خلاص حقي ضاع وانتهي هما خدوا افراج وانا هفضل طول حياتي ميته
ملك بغضب =بس الموضوع منتهاش
وداد بشرود =انتهي خلاص يا ملك شكرا علي مساعدتك ليا بس خلاص كل شيء انتهي
بعد مانهت جملتها وجدت صفعه قويه تنزل علي وجهها شهق الجميع ورفعت وداد راسها بصدمه وجدتها رحمه
في شركه الحديدي كان يجلس سليم مع مهاب و والد شهاب (عادل ) ودخلت عليهم مريم
مريم =كده كل حاجه خلصت
عادل= طبعا وكل ده مكنش هيحصل لولاكي
مريم بمكر =انا في الخدمه
سليم= بس الي يشوفك ميقولش عليكي انك خاينه وحقيره اوي كده
مريم =مش كل حاجه بتبان يا سليم بيه
سليم= عندك حق ثم اخرج ظرف به اموال كثيره وحدفها عليها =تخدي دول ومشوفش وشك تاني ابدا والا
مريم بمقاطعه= من غير والا اعتبر اني اختفيت من دلوقتي اصلا عن اذنكم بس دول كتير اوي
سليم ببرود=انتي ناسيه دول حق باقي العملية الاولي الي وزعتي بيها ان وداد كانت متجوزة
ابسمت بشر= مكنتش هعمل كدة لولا رجلتك
سليم =مشوفش وشك تاني
في منزل ملك
وداد بصدمه= ماما
رحمه بحده وغضب =انا مش امك يا وداد انا مش ام البت الي واقفه قدامي وضعيفه كده اي هتسكتي خلاص هما ناس زباله وحقيره ومش بيخافوا ربنا وزورا ورق و جابوا شهود و خلوهم يشهدوا زور بس ميعرفوش ان ربنا مش هيسكت كملي مع ملك ومتسكتيش عارفه لو سكتي هيقولوا انك انتي فعلا زباله وحقيره زي ما وصلوا النهارده انتي زعلانه زعلانه علي مين صاحبه عمرك الي معاكي من وانتي صغيره طلعت زباله وخاينه عادي مش انتي الوحيده الي بيحصل معاكي كده زعلانه ان الي كنتي بتشتغلي معاه طلع واطي عادي برضو في او** من كده زعلانه عشان خطيب اختك راح واتبلي عليكي عادي في ناس بتهون عليها العشره والعيش والملح عادي ومش مع كل صدمه هتوقفي حياتك وتنهاري عارفه انا لو منك اخد كل الصدمات دي واحطها قدامي كادافع لقوتي واقف واحارب تاني وتالت ورابع لحد ماحقي يتجاب افضل اقوام واقف علي رجلي وانتي شوفي كل الي حوليكي دول هيدعموكي وهيقفوا جمبك الدنيا غداره يا وداد غداره اوي ومش عاوزه الضعيف عاوزه القوي الي يجيب حقها بايده وسنانه
نظرت وداد لامها بشكر فاهيا اعطتها شحنه كبيره من الامل والشجاعه نظرت وداد حولها وجدتهم جميعا حولها نظرت الي ملك
وداد بثقه= هعمل اي
ملك بمكر =مش هما بيلعبوا من تحت لتحت جيه دورنا احنا كمان
رحمه بتحذير= مش عاوزه غش ولا عاوزه كدب مش عاوزين نكون زيهم هاتوا حقكم بس بالحق
في فيلا اسلام السيوفي عاد اسلام الي المنزل مع والده وجد تسنيم و الدها يجلسون
ووقفوا عندما اتي
تسنيم بدموع =اسلام
اسلام= اهدي يا حبيبتي انا كويس
تسنيم= اسلام انت معملتش كده صح
اسلام =مغتصبتهاش يا تسنيم دي كدابه
تسنيم بفرح =كنت واثقه يا حبيبي انك عمرك ماتعمل كده
السيوفي =يالا يا اسلام اطلع اوضتك وارتاح
اسلام =عن اذنكم
في منزل ملك غادر الجميع معادا رضا ونادين ظلو معهم وسوف يقعدوا معهم لمده اسبوع كامل
ملك =اتفضلوا الاوض جاهزه
رضا =تعبانكم معانا
ملك= تعبك راحه
زينه= بقولكو اي ماتيجو نخرج من مود الهم ده
دنيا= ازاي
زينه =نقعد قعده بنات
وداد =ودي اي
زينه =يابت يعني انتم مقعدتوش قعده بنات قبل كده
رضا =قصدك ننم علي الناس وكل واحده تحكي مشكلتها والي حصل معاها وكده
زينه =عليكي نور
نادين بحماس= اشطا اوي
وداد بتعب =انا هروح انام
ملك =بت بت اترزعي وانتي ساكته القعده عشانك اصلاا
وداد =حقيقي مش قادره
دنيا= الاول مش هتخدي علي الجو بعدين هتخشي معانا علي طول
رضا= بصراحه يا ملك انا البلكونه طالعه من عيني فا ممكن نقعد فيها
ملك بضحك =طبعا روحوا جهزوا الكراسي وكده وانا هروح اجيب العصاير
زينه =كراسي اي كله هيقعد علي الارض
ملك= براحتكم
اتجهت ملك ورضا ونادين الي المطبخ وقامت ملك بكب العصير و قامت بوضع مقرمشات واعدت الفشار خرجوا وجدو دنيا وزينه و وداد يجلسوا علي الارض وقاموا بتشغيل احدي الاغاني الشعبيه
ملك بمرح= كده مبقتش قاعده بنات كده بقت شقه دعاره
زينه بضحك =لا ياست استغفر الله
قاموا بالجلوس وبداءو في تناول المقرمشات
زينه =اي القعده ناشفه كده ليه
نادين بضحك =تحبي نجيبلك رقاصه ولا اي
زينه= لا مش قصدي قصدي يعني اتكلموا احكوا قصه حياتكم
قامت ملك باخراج احدي علب السجاير واخرجت منها واحده وولعتها
رضا= انتي بتشربي سجاير
ملك= اه
نادين= بس دي غلط هدمر صحتك
ملك بالامبالاه =مش فارقه ويالا بقي حد فيكم يتكلم
زينه= انا هلف الازازه والي يجي عليه الدور يبدا حصل معاه اي ويحكي كل حاجه عنه تمام
كلهم= تمام
قامت زينه بجلب زجاجه وقامت بلفها ووقفت عند نادين
زينه= يالا يا نادين احكي
نادين =
يتبع..)
ياتري اي قصه البنات دول!
في مفاجاه الحلقه الجايه!!
#loka
VOUS LISEZ
اخذ حق (قيد التعديل)
Actionاعتقدت انها النهاية ولكن لم تكن سوا البداية لانتقام جديد وحياة اخري دفع الثمن الكثير من الاشخاص لكي احصل علي تلك البداية ولكن اكثرهم كان هو ....
