اسيرة قدرك

البارت 37

-اصلا هي جبيرة مو اني الي اكبرها يرضاها
هو واحد هيج يسوي باخته مهاب اني ما احجي
وما اشكي والله هواي اشياء اني اتغاضيت
عنها بس خالك كل مرة يرجع نفس الشيء
و يصدك خالاتك و اني الي اصير ضحية بينهم..

-والله ما راضي على طلعتج ولا راضي عليهن
خوية.. ما راح نتهنى ما دام سماح ورانا..

-هو تنهد.. شلون يعني ما نخلص منها تموت
على المشاكل..

-وصلنا قبل لا انزل هو كال.. ما اوصيج
بعد اخوج خليج محضر خير ولا تدخلون سالفتي
و تخلطونها سوه..

-اريد ارد عليه اشو هذا فتح الباب ونزل و عيونه
مفتوحه بصدمه..

-نزلت وراه و اشوف عينه على نورهان
الي طلعت من بيت جيرانه تتمضحك هي وصديقتها وابنهم وما جانت تدري بالي واكف يباوع عليها وعيونه صارت بكصته وكفت يمه..

-مهاب ترى هذول احنا عشرة عمر وياهم
نعتبر اهل لا تسوي مشكلة فدوه..

-هو صك على سنونه.. ريا بسرعة صيحيها
لا ارتكب جريمه بيها ماخذه راحتها كلش..

-صحت عليها هي انتبهت علينا خطية احس
حتى مشيتها تخربطت من القلق اجتي علينا
هو خزرها وهمس.. خوش نورهان ماخذة راحتج
على الاخر و الضحك و طلعة بدون ما اعرف..

-لا والله مو هيج بس جنت يم صديقتي على
كيفك ما صار شيء..

-هو اتقرب منها وهي خطيه واكفه ومبين عليها
الخوف كرصها كلش قوي من زندها ولوه جف ايدها..  طبي حسابج بعدين مو هسه..

-هي بسرعة دخلت ضجت كلش منه.. مابيها داعي تضربها مهاب ترى نورهان فطيرة واتصرفت على نياتها ما اقبل ترى تمد ايدك
عليها وهاي بعدها ما صارت حلالك وهيج تعاملها لعد شلون من تجي يمك ما الك اي
حق تمد ايدك عليها وهي بعدها
ما صارت باسمك..

-احجي ويا اشو هذا بعده نار من العصبية.. ريا اكسر راسها لو طلعت انتي شفتيها شلون تتمضحك..

-سكتت عنه و حجيت بكلبي خالك منو اكيد تطلع مخبل عليه ما يفيد وياكم حجي سلم وراح
واني دخلت..

-ماما اتلكتني شكو و شجاكم مو قبل شويه رحتي
شبسرعة لحكن على المشاكل اني  رجعت حجيت الهم وضليت اغلط عليهم وكلبي مفرفح من معاملتهم هي خطية انقهرت و وخواتي كالو ذوله شنو من بشر لا ونوب يردون نورهان
حتى خوش يكملونها وياها..

- اني ماكدرت احجي بخصوص مهاب لان انطيت كلمة لمهاب ما اخرب خطوبتهم وهو خطية هواي وصاني ومبين يحبها صدك..