اسيرة قدرك

البارت 35

-درت وجهي وهو الي ثبت ماما من سمعت صرختها و شلون متأذيه التفتت عليها و دموعي
تصب اسر باسها براسها..

-سلامتج يوم عدت ان شاء الله وهاي راح
ترجعين تنورين بيتج من جديد..

-خلولها مسند و طلعنا اباوعلها مبينه مقهورة
وما الومها تستحي من اسر وزوج اختي وهم
خطية دفعوا كل التكاليف و يتشاقون وياها..

وصلت للبيت ذبحوا ذبيحه جوه رجلها لسلامتها
دخلت و انصدم بابن خالي الي من زعلت
من اسر كتله لو ما خذته احس من الخوف
صارت عيني متنقله نضره عليه ونضره
على اسر هو اجه عليه و اكلني اكل بالسلام
هو طبيعته كلش يرحب وانطلق واني ابلع
بريكي و ارد عليه السلام عيني على اسر والله
يمكن شوي و يركع راس براس نوب كملها اخوه الي بالمتوسطه ركض سلم عليه و بوسني و اسر خزرني احس عيونه صارت بكصته بس والله شسوي هو متعلم هيج يسلم علينا وهم هو صغير..

-همس.. ريا للمطبخ كبل وما تطلعين لحد
ما يروحون..

-امي شلون اعوفها شعليه بيهم اني بس
يمها اكعد..

-سحبني عليه و خلاني بصفه.. هنا ابقي يمي..

-طول اليوم هو عينه عليهم طلعت روحي
اخر شيء كمت ويه البنات نجهز الاكل
هو اتصل عليه.. طلعي من المطبخ بسرعة
شعنده هذا لاحكجن فلا ارتاحيتله..

-رجعت كعدت يم ماما ما تحركت من مكاني
خفت لا تصير سالفة و يرجع اسر
القديم و يضربني..

-صبينه عشه وماما ما كدرت تاكل غير بس
الشوربة دمعت عيني عليها والله اصعب ايام
عشناها بمرضها حتى شهيتي نسدت وكلتها
و كمت مدري احير بيها مدري بفارس
الي رغم هو شاب و جبير بس جان منهار
عليها رحت عليه حضنته.. كوم اكل اطلع
كول الحمد لله عدت على خير كوم يوم وتكوم
على حيلها ان شاء الله كوم يا عيني لا تزيد همي..

-اصبر بي واني حالي اتعس من حاله طلعت
على صوت عمامي يردون يتفاهمون علمود
الولد الي نضربت سيارة سرى بسيارته
اسمعهم شلون يحجون و انقهر شلون عمام
دومهم يكرهونه وهسه بس يردون يخسرون
بابا علمود الفصل و الي يقهر اكثر بابا
دوم يسمع كلامهم..

-اجتمعوا و صاحوا على سرى خطيه صارلها
كم يوم تحمس بروحها وخايفه هي كعدت و حجه
عمو.. عمي ترى ابنهم مكسر و يمشي على
العكازات و رجله كلش متأذيه بعدج شيطلبون
انطوهم ما نريد مشاكل..

-اسر رد عليه هوب عمي هوب انت وياهم
عليهم وبيت اخوك لعد ما متضررين هاي
مو الحجية انتهت والله باوعلها و لطف بحالكم
اذا هم ابنهم انتم اثنين مو واحد اذا تبقى هذا
حجيك عوفوا السالفة اني احلها..

-اباوعله بفخر وكفته هاي تسوى عمامي
ابد ما خلاهم يستغلونه ما انطاهم مجال يحجون و نظراتهم غضب عليه خوالي و ولدهم ايدوا و حتى مهاب هم حجه عليهم تالي عمامي ضاجوا و طلعوا..