رفيق العمر

جحيم عاشق 6

الدكتور بأسي وهو بيبص لياسين بشفقة....  أسف حضرتك احنا شلنا الأجهزة خلاص من عليها اللي كان مخليها عايشه هو الجهاز بس خلاص معتش ينفع البقاء لله  ..... 

صرخت ساجدة بصدمة وحطت إيديها ع بؤها بصدمة وفضلت تهز راسها برفض  وترجع لوري لحد ما خبطت ف الحيطه وزي وقع من إيده الفون بتاعه بصدمة  ووقف متجمد مكانه وهكذا سليم أما أيهم انتفض فجأه من ع الأرض  ودموعة اتوقفت ف عنية وحس أن الدنيا بتلف بيه وفضل يبص ع باب الأوضة وبدأ يهز راسه بمعني لاء  وفجأه جري من وسطهم حاول زياد يمسكه هو وأدهم بس هو فلت من بين إيديهم وفضل يجري ودموعه بتنزل من عنيه بطريقة مرعبه خرج من المستشفي  وفضل يجري تحت البرق والرعد والدنيا بتشتي  بغزاره سيول كتيره وفي وقت متأخر من اليل حوالي الساعة 12 كدا فضل يجري يجري لحد م طلع ع السريع اللي كله عربيات بتجري بسرعة وجه يعدي ضربتة عربية  ...... 

ف المستشفي..... 
وقف ياسين قدام الدكتور زي م يكون متجمد مش موجود ف المكان بيبص  للدكتور وبس... وفجأه زق الدكتور  وفتح الباب ودخل لقي السرير بتاعها كله دم  وهدومها كلها دم  والأجهزه مفصوله  عنها وهي نايمه ع السرير لا حول بيها ولا قوة  قرب منها ببطئ  ومد إيده برعشه وحسس علي وشها وعلي عيونها وشفايفها ورجع بذاكرته لوري لما كانت بتكلمه وتقوله  ... 

فلاش بااااك...... 

سارة وهي بتقلد حركة الملك وبتقول لياسين...  يابا دا أنا الكون من غيري ما يمشيش  يحصل خلل ف التوازن البشري يازعيم  ..... 

ياسين بضحك ورفعة حاجب  ....  زعيم    !!!!!  وخلل توازني  هههههههههههههههه  دا انتي واخده حتة مقلب ف نفسك  .... 

سارة ببوز  ...  كدا طب ماشي بكرا لما اموت هتعرف ان الناس هتزعل جامد عليا وانت هتقول ولا يوم من يومك ياسارة هانم فعلاً  من غيرك حصل انقلاب في قلوب البشرية  ودمرتي احلام نص شباب مصر لأن وبكل وضوح انتي حاليا مدمرة النص التاني 🥱😎  ...  وبعدين فضلت تضحك

ياسين وهو بيبصلها بضحكة.  ...  بعد الشر عنك  .

باااااااااااااك  .... 

قعد ياسين ع ركبته جمب السرير بتاعها ومسك إيديها  ....  انتي نايمه كدا ليه؟!!  بصي هو أنا عارف ان الدكتور اللي برا دا بيكذب عشان انتي وعدتيني انك هتكوني بخير  .. طب يرضيكي توازن العالم يختل ببعدك طب يرضبكي تكوني أذي لنص شباب مصر طب يرضيكي كسرة قلبي وقهري  بصي بصي  قومي وانا مش هزعلك تاني وهعملك كل اللي نفسك فيه  مش هقدر اعيش والله من غيرك بصي هخدك وهنروح مكان بعيد عنهم  كلهم  هوديكي الغابة واعملك بيت شجرة هناك زي ما كناي بتحلمي وهعيش انا وانتي وبس هناك وبس  ....  قام حضنها وبهدوء وهو بيحضنها جامد وكأن الدنيا كلها بتصفر وعقلة بدأ يرفض الواقع   ....  سارة  ...  سارة قومي ياسارة أنا جيت انا جيت عشان اتبرعلك بالكبد وتعيشي طبعيه  ...  !!!!!! سارة  سارة قومي بقا وفتحي عينك وابتسمي ك العادة سارة بقا يالااااا  .....  بدأ يضغط عليها اكتر بدراعته وكأنه خايف حد يخدها منه  ألم بطنه هيموته  بس مش عاطي اهتمام لأي حاجة غيرها ودموعه وقفت معدتش بتنزل وبقا بيقول بهستريه....  سارة قومي بقا ساااااارة انتي وعدتيني  قومي بقاااا ومتبقيش جبانه ياسااااااااااااااارة  ....  قرب منه زي ولمسك دراعه لكن ياسين زقه بعصبية وقعه علي ضهره  ع الأرض ف الوقت دا دخل الدكتور جلال جري للأوضة وبعدين بص ع السرير بصدمة وبص لياسين وبعدين لزياد اللي واقف متنح ف أبنه وساجدة اللي قاعدة ع الأرض مصدومة وبتعيط وزي اللي واقع ع الأرض  لف جلال للدكتور بعصبية  ومسكة من قميصه وضربة بالبوكس ف وشه وقال بعصبية.     .....  مين عطاك الحق امك تشلها من ع الأجهزة دا أنا هوديك ف داهيه  يا رزق اقسم بالله لوديك ف داهيه  ...