اسيرة قدرك

البارت 28

-دخلت بالافرع و هذا اختفى تنهدت براحة
و من فرع لفرع وصلت لبيت ندى اني
دخلت واني شبعت بجي ركضت عليه
نورهان وشبكتني  و اني بس ابجي..

-غبيه اني غبيه شسويت بروحي اذا ذول
خلصت منهم اسر شراح يخلصني منه
اليوم والله يموتني حذرني و حجه بس ما ادري
هيج راح يصير..

-ندى كالت.. لج ريا شراح يخلصج من رجلج
شلون بيج بهذا راسج اليابس شجاج خابرتني
امي تكول اسر مخابرها و صاير بارود
و بس يسب بيج ويكلها بس خلي ارجع و اشوفها
شنو يعني العناد..

-عادي خلي يرجع هو اني اريد حجه اخلص
منه هو يطلع عصبيته بس عليه اي بس
عليه و هناك يم اهله ضحك هي كومتني كومي
ام لسان لا تمثلين القوة اليوم شيخلصج منه
شلون تطلعين وانتي تدرين بالخطر الي عليكم..

-ما قبلت نطلع كالت خلي فارس يجي عليجن
معزايات جان رحتن بيها اليوم اجتي بنتها
انطتها جهازها يدك رفعته بوجهي شوفي
هذا رجلج هيج احسنلج..

-عفيه خفت انتي جاوبي ما اريد اني احجي ويا
بس فتحت خط واسمع الرعيد مالته شمرته
عليه.. هاج هذا متخبل..

-بس جاوبته هو عاط بيه.. لج **** عبالج
اعديها الج باجر جاي واني اعلمج شلون
تكسرين كلمتي و تطلعين غلط  هواي وعصبي
حسيت الموبايل راح ينفجر من صوته وعصبيته
سده بوجهي واني ضليت الوب شراح يسوي
باجر بيه هذا متحلف امداني شسويت بروحي..

-اجه فارس علينا رجعنا واني ضايعه احس
بروحي خايفه كلش ركضت على ماما
الحكيلي اسر متحلف بيه..

-وين اضمج يمه كله من ايدج خبلتي الرجال
عليج..

-بهذا اليوم تعبت نفسيتي كلش الليل كله
ما كدرت انام بس افكر وخايفه و كلبي يوجعني شنو اجاوبه  لو شنو راح يسوي بيه و شراح يخلصني منه..

-للظهر و ندك بابنا لا مو ندك تفلش تفلش
اجتي اختي كالت هذا اسر اني بس سمعت
باسمه ركضت للغرفة و قفلت الباب رجليه
ترجف من الخوف وكفه ما اكدر اوكف
اتذكرت شلون جان يضربني قبل وبدون سبب
شلون هسه واني معاندته والله يمكن ينهيني..

-دخل للبيت واسمع صوته عالي و صوت
امي تحجي ويا وتهدي بي.. على كيفك
اني اخذتهن ما طلعن وحدهن اذكر الله
وهو ماكو بس يصيح وينها هاي اليوم اعلمها
شلون تكسر كلمتي و تطلع..

-فزيت من دك باب الغرفة بقوة ما فتحته وهو
يصيح و يدك تالي صاح بكل صوته..

-ريا اتجفي الشر والعباس و روح ابويه
و داعت بناتي يا ريا اذا ما فتحتي
الباب هسه اجيب السيد واطلكج وحتى بناتج
تحلمين تشوفينهن..