اسيرة قدرك

البارت 24

-شبيها حبيبتي منو وياها ليش احسج ضايجة..

-محد بس ضجت لان اشتاقيتلك ارجع عاد كافي..

-هو ضحك.. هانت فترة وارجع وهم نتعارك
وتطلعين من البيت واركض وراج والله يا
ريا عجزت الكه حل لاعصابي و لعنادج..

-ضحكت شنو لازم ناوي تتعارك كول يالله..

-لا يابه لا كلبي طاك عليج منين طلعوا
ذول ال****..

-حجينا هواي و بعدها سديته.. مرت الايام
و نورهان بقت اسبوع ورجعت ماما كالت
كافي عيب تبقى اكثر يمج ضجت هي كالت
قبل لا يرجع رجلج ادزها الج تساعدج..

-اسر كل يوم يتصل عليه عمليته اول ايام
جانت كلش مأذيته حتى كوه يحجي بس هاي
الايام صار احسن الحمد لله قبل لا يجي بكم
يوم سويت حملة على البيت كله نظفته
و ثاني يوم اخذتني ام مهاب للصالون كالت
حفي رتبي وجهج بعد رجلج و راح يرجع
و عدت بخير عمليته عليمن مكدره و مهمومه
اخذتني و هي وياي وهاي كوه طلعت اسر
يخابر بس يوصي بينا ما نطلع ومتشدد من يوم
الي نخطفت عمته وهو ما مرتاح ابد..

-اتصل مهاب على امه و هي استبشرت
بفرح من خلصت المكالمة باوعتلي بفرح..

-يومين و يرجعلج رجلج حبيبه.. حجتها
واني الابتسامة نرسمت على وجهي..

-مرن هاليومين بتعب خلصناها شغل و سمر
وياي ونورهان اليوم جيتهم اهله كلهم اجوي
و حتى نور شكد جنت مشتاقتلها بس علاقتنا
خربت كلش هي ما تحجي وياي من ذاك الموقف
و حتى وجهه ثكيل عليه اني هم تركتها المن
ابرر لو تحجي و هي تعرف كلش زين اني
السالفة كلها جنت ما اعرفها اصلا و نظلمت
من اختها..

-كملت شغلي و بدلت للبنات ابوهن مشتاقلهن
كلش و بقينا ننتظر ساعة تقريبا و سمعنا الهورن
طلعنا و اشوف تلاث سيارات طبكن بالباب
نزل مهاب و فتح الباب و نزل وراه اسر
فز كلبي و رغم فرحتي بشوفته انقهرت واني اشوف ضعفان كلش و الوجه ذبلان و يمشي
على كعازة ما تحملت بجيت امه ركضت عليه
و تبوس بي و خواته هو فتحلي ايده ركضت
عليه و نسيت كل الي موجودين شبكته و ابوس
بي وهو يبوس براسي و يهمس..

-اويلي يابه شكد مشتاقلج..

-بعدها ذبحوا ذبيحتين لسلامته جابوهن اهله
هو قبل لا يطب صاح على اخوته كالهم
الذبيحة لا تطبخون منها شيء وزوعها لوجه
الله كلها لا تبقون منها..

-عمتي ما قبلت.. ليش يمه خطار راح يجون
و نطبخ الهم منها هو كالها يمه صدك تحجين
تمنعين الفقير علمود الخطار يمه تعرفين شنو
دفعة بلاء لو لا تعرفين يعني شنو طلعنا
من الموت..

-ضجت منها نفسيتها كلش و هاي اول ما طب
صار اعصاب مهاب تدخل.. خالي فوت ارتاح
و لا تهتهم يتوزع كله كافي بيبي ما تشوفينه
مريض هسه هاي سالفة..