اسيرة قدرك

البارت 22

-تنهدت بقهر.. ريا ارجعي ترى اسر تعبان
و بمحنه هسه هو اوكفي ويا ضايع بدونج
خطيه هو صدك غلطان بس هسه هو محتاجج
كلش لا تقسين عليه..

-لا ما ارجع لا تطلبين مني هالشيء انتي بعينج
شفتي شلون ضربني و اذاني.. هي شكد
لحت عليه بس اني جنت مصره
اكالت انتي عنيدة كلش وذاك
عصبي واذا تبقون هيج ما ترتاحون وما اعرف
تالي وياكم شلون تصفه..

-كم يوم وصار موعد التسليم كلبي نار
رجلي اعرفه متهور وبسرعه يركض يفزع
وذول مستهانين عبالك لعبة مو عصابة
من خبرتني سهى كالت اسر و ارفد بس الي
رايحين يسلمون الفلوس و يجيبون ام سارة..

-خطية جانت منهارة و حالتهم حالة ارفد يصير
ابن خالتهم يشتغل بالمكافحة بقيت الوب
وادعي وكلبي يلوب كل ما اتصل ماكو خبر
لليل ماكو اختفت سهى الف فكرة تخيلت
ومحد يجاوب للصبح اني كاعدة وادعي
حتى عقلي تعب من التفكير جنت بس جسد
يم بيت خالي و روحي و فكري كلها يمهم
خايفه حيل عليه..

-الظهر دك جهازي جاوبت بلهفه بهت لوني
و كلبي اذاني من سمعت صوت مهاب يبجي..

-ريا الحكي رجلج تصوب ريا خالي مو زين
نضرب بظهره و برجله..

-جان منهار مهاب اول مرة اسمع صوت بجيته
مهاب الي معودنه على الشقه و الضحك هنا
تهسترت حسيت بالمصيبة اسمعه و اشهك
ما ادري بنفسي اعيط الى من اجوني بيت
خالي مصدومين واني اتوسل بمهاب..

-شبي عليك الله احجي الصراحة؟!..

-مثل ما كتلج ريا لحكي على خالي عوفي
الزعل..

-سديته منه و اني ابجي و اصرخ بس يردون
يعرفون شكو ما اكدر احجي ركضت على
خالي.. فدوه خالو رجعني لبيتنا اريد اروح يم امي هسه ترجعوني فدوه اروحلك..

-خالو من شافني هيج منهاره و مصره اروح
كال حضري نفسج وناخذج لامج
ودعتهم و طلعنا من وصلنا لبيت اهلي
جان اخوي عمر موجود هو شافني جايتهم
وهو تخبل.. شكو جايه كل يوم مسويتلها
زعله الحقيرة ال**** ضل يغلط و يفشر..

-مو وكتك انت شبيك عدوتك اني وهيج
تعاملني بس عار انت والله عار اكو اخ
هيج يعامل اخته عمر ليش تكرهني ليش تتخبل
من اجي عليكم..

-ولا عبالك احجي دفعني و يغلط غلطت عليه
اشو هذا ضربني راجدي بقوة.. حقيرة تغلطين عليه لسانج طولان و صايره صلفه..

-اجت امي دفعته عني وكالت لا تراددين امشي للغرفة و حجت عليه بس هو ما يفيد بي..

-قفلت الغرفة عليه و بس ابجي انتظرت ابوي
ما طلعت من الغرفة بس اجه فتحت الباب
وركضت عليه توسلت بي ياخذني لاسر
بس اريد اشوفه كلبي نار عليه
يمكن مهاب يجذب عليه يمكن كتلوه وهو ما يكلي..

-بابا من شافني هيج كلش كال امشي اخذج
و نروح عليهم بس شوفيلي بيا مستشفى هم
اتصلت على مهاب وهذا كال وين جايه
ترى ام سارة وخالي بكربلاء مو هنا..