طفلة النقيب

بارت39

نور:ها رقيه هااا ترى موتيني
رقيه: كتلج احبه شبيج
نور:خلي اعرفكم ب رقية ،،، رقيه صديقه الطفوله مالتي وبنفس الوكت اخت زوجي فه شافت مهيمن بالعرس مالتي ورجعت شافته بعرسه من فاطمه فه حابته ومن اطلك كتلكت نفسه علي ويوميه تحاجيني ،،علاقتي بيهة مو قويه من ازوجت اخوهة وهي تغيرت عليه فه اني هم تغيرت وياهة وصرت بس اريدهة تزوج وتفكني ياخه ،،،،،،،،،اما بالنسبة الاخويه عندي موقف وياه ما انساه لان قنع اهلي يزوجوني  (بعد ما اكتشف عندي علاقه ب واحد ومنعني ازوج حبيبي مع انو تقدملي بس هو رفض ) وهنا ازوجت اول زواج ومات زوجي الاول بعد فتره قصيره من زواجي منه ،،،،،،،،،،،،،وتالي ازوجت هذا فه لحد هسه حاقده على مهيمن (مدخلت بزواجه من فاطمه لان عرفتهة وكحه حيل ومتنكدر  وهو اصلا ميحبهة الفاطمه فه بوكتهة كلت انسه انتقامي ولان هم مره  صار حديث بيني وبين فاطمه وعرفت من خلاله انو هي متنكدر وهددتني بوقتهة فه عفتهة وكلت الامي تبتعد عنهة لان تخوف هاي)،،،،،،،،،فه من شفت حب مهيمن السما رجع بداخلي الانتقام لانو هو بعدني عن حبيبي اني لازم ابعده عن حبيبته  ،،،،،،،،،،،،فه طبكت عصفورين بحجر منا رقيه اريد اخلص منهة لان هنا بس كاعده واني اشتغل و هي اميره  ومنا انتقامي من مهيمن الي  يعبدهة السما،،،،،،،، شلون عرفت من كلام امي الي دائما توصلي كلشي يصير بالبيت من اول يوم دخلت بي سما للبيت الحد البارحه ،،،،،،،،،اليوم بعدهي ممخابرتني ،،، بديت بخططي من عرفت هو يحب سما وقنعت امي  وزرعت بعقلهة الشك بس كلتلي لا اني حجيت وياهة ومبينه خوش ابنيه بس من اجتي المرية وكالت سما تشتغل بملهى فادتني هل سالفه انو احش راس امي عليهة حتى مهيمن يطلكهة وياخذ هاي الغضب رقية

الاء: احجي ويه نفسي اني لازم اساعد علي يوصل السما حتى يجيبلي فلوسي بس فاطمه شلون حدخلهة بالعبه ،، لازم ادخلهة ،،،،،،، ومنو بيهم  حيكون وسيله حتى استلم فلوسي اعوف الثاني على نص الطريق ،، سالفه علي خطره شويه لان خاصه بمرت مهيمن اني صح راح اساعده بس انطي افكار ما ادخل ب اي شي لان اخاف مو كل مره اسلم من مهيمن ،،، وعلي لازم اوكف وياه همين لان اخاف يكشف مكاني المهيمن اذا رفضت اساعده يحصل على سما
فاطمه: نفس العاده كل يوم اكعد وكت فراغي واسولف ويه البنيه هي شرحتلي وضعهة وكتلهة لازم ننتقم  من كل شخص اذانه ولازم انخلي ادينه ب ادين بعض حتى ننتقم كوه قنعتهة عاد صاحوني اجهز نفسي حتى انزل للحفله رحت

علي صديق مهيمن: الليل كله افكر بيهة وبالصوره الشفتهة البنيه ولا غلطه اخخخخ لو الزمج الا انسيج ابو مهيمن،،،، لازم امشي بخطه الاء صح اتاخر هل خطه بس النتيجه مضمونه ومثل مكالت الاء اراسلهة السما بوكت دوام مهيمن حتى ميعرف
سما:كعدنه ب ٦العصر صبيتلهم جاي وكعدو يسولفون صارت الصلاه صليت وبديت بالعشه كملته ب٨ونص اتعشينه صعد مهيمن قبلي ،،،،،،،،،،،اني جنت اغسل مواعين اجتي عمتي هم رزلتني على شنو ما اعرف وغلطت شويه  مرديت عليهة راحت واني كملت وصعدت غسلت وبدلت وكويت ملابس مهيمن ،،،،،، ونوب نمت بصف مهيمن هو شغل فلم بتلفونه وباوعنه اني وياه مدري شوكت نمنه ،،، كعدنه الصبح على منبه وكلعاده نفس الروتين اول مطلعو ابويه(الي هو ابو مهيمن) ومهيمن بدت رزايل عمتي واهاينهة وكلعاده اتجاهلهة واكمل شغلي صح اتاب بس شسوي ما اريد اتصرف غلط وتشكيني المهيمن وهو يفهمني غلط كملت شغلي وصعدت غرفتي صليت وكمشت التلفون مدزوزتلي رساله قبل ساعه مكتوب بيهة الله يخليج سما لا تخلين احد يعرف اني اراسلج لا والله يقتلوني،،، جاوبتهة منو انتِ وشنو هذا كلامج