مَـع بَعضيـنا ..♥️

ميمز

هلااو

اليوم البارت عبارة عن تفاها ومابي ولا كلمة بيها فايدة
والي يكول ليش تكتبين تفاها مو تفاهة
لان زعيرا بصراوية واهل البصرة يلفظون التاء المربوطة(ا)
فعجبتني كلمة تفاها واعتمدتها بحياتي اليومية 😂

طبعاً النت صار يومين ينكطع ويرجع وضعيف ولعب نفسي هذا البارت لو اكمله اليوم لو ما الحك لان الصورة الوحدة سنة يلا تتحمل

والنتائج لحد يسألني عنهن يم ليان وليان مختفية(جنها هذني المدرسات الي يختفن ويخلننا ميتين من الفضول)

خلي نسولف مواقف شوية

"من جنت صغيرة جنت اخاف من الابر فتمرضت افلاونزة على صخونة وابوية جان خفارة فاني بقيت للصبح ابجي الا نعست فدمرة ونمت ثاني يوم بابا من الصبح رجع واول مافات شالني دياخذني للدكتور اني جنت مطفية ما ادري شكو عبالي هيج شايلني مثل كل مرة من يرجع من الدوام ورا شوية شميت ريحة ديتول هنا صحصحت هيج صار شكلي 😲 طلعنا واصلين للصيدلية واني عبالي بعدنا بالبيت اول مافتنا جان اعيط وارافس ما اقبل افوت الصيدلاني يدور على الكطن انخبص يلزمني ويا بابا لو يحضر الابرة عاد الكطن لكاه بالخانة الاخيرة مال الجام خانة نزل دا ياخذه ومن الخبصة اول ما كام انركع راسه بالجامة وطلع دم وكوا لزموني ضربوني ابرة وطبعاً الصيدلية صايرة على الشارع العام فمن جنت ارفس نعالي طار وراح جوا السيارات 😂
وبقى ابو الصيدلية كل مايشوفني يذكرني بهاليوم المشؤوم همزين عزل قبل سنة 😂"

موقف ثاني
"اختي الي اصغر مني مرة شافت بزونة على الحايط جان تكول الله سارة بزونة خلي نصيدها ونشويها ونسوي مفاجأة لامي نعشيها دجاج مشوي 😂"

ونفسها اختي
"مرة رحنا لمدينة الالعاب وجانت اختي الثالثة(ملاك) عمرها سنة فبابا جان قبل كله يلزم اختي الثانية (توتة) من تصعد بالحصان هالمرة لا لزم ملاك وكاللها توتة خوما تخافين وحدج كالتله لابابا ترا اني سباعية ومو طفلة المهم اني جنت ما الزم الحصان عود شوفوني سباعية اول ماتحركت اللعبة توتة عاطت بصوت عالي ولج ساااارة بابا كاللها شبيج كالتله لا بس دا اكوللها تلزم زين لاتوكع 😂 وهي طول اللعبة مغمضة عيونها ما فتحتها الا وكف الحصان "

ما اعرف اذا يضحكن لو لا بس اني لان عشتهن وصارن كدامي اخرب ضحك عليهن ما اعرف انتوا ضحكتوا لو لا بس تخيلوا الموقف بلكت تضحكون 😂

هسة انتو احجولنا مواقفكم
والي تكول ما ادري لو ما اتذكر اكتلها 😂

اكثر تعليق يحصل اضحكني 😂 هو يفوز بلقب اتفه شخص بالوات

جماعة الخباثة اليوم يومكم 😂
*التاك مسموح

وهسة الفقرة الي لاحظتكم حبيتوها(الايموجيز)
بس هالمرة انتو تخلون اسم مسلسل بالايموجي والبقية ترد عليكم اكثر واحد يجاوب على التعليقات صح اخلي اسمه ببداية البارت الجاي وانطيه هدية سيارة سايبة يستغل بيها 🚕