-رغم مرضي بس فرحانه بي بس كون
يبقى هيج والله كل شيء ما اريد بعد
حتى لو اشتغل ليل نهار بس كون هو
يبقى هيج وسند الي ولبناتي..-رجع للغرفة مدد بصفي و اخذني
لحضنه حضني قوي و ايده تمسح على
راسي..-اسر ليش تعاند كوم فدوه لا تنعدي..
-اش ما عليه شيء لا تخافين انتي ارتاحي..
-ما قبل يكوم بقيت نايمه بحضنه بس ما
غفيت ما كدرت من الم راسي
نص الليل واحس ببروده على وجهي
و حلكي يابس.. بارده..-مشتعلة نار يا عيني..
-للصبح محد من عدنا غفت عينه
كل شوي و يشوف حرارتي حلكي طكك
طلع جاب ريوك حليب و بيض
جبرني و صياح يلا اكلت شوي اخذ المواعين كال خلي اغسلهن وارجع..-عوفهن اني بس شوي راسي يصير
زين اكوم..-ما قبل غسلهن ورجع كال البنات يخافن
ينعدن ما خليتهن يغسلنهن..-اجتي نور نضفت الغرفة انقهرت كلش
من كالت.. تعاركت وياهن واجيت
عبالهن بيج سل ويخافن منج
حتى المواعين مخليات المسكين هو
يغسلهن يكلون بيها سل نخاف منو يكول
تيفوئيد..-كمت كوه كلت خلي اسبح بلكي ارتاح
واكوم ذني ما عدهن رحمه عاد اكوم
لنفسي لباتي ولا منية احد عليه..-نور حضرتلي ملابس وطلعت كمت
سبحت و طلعت رجعت تمددت
نزلت دمعتي على مهرة تريدني اشيلها
و تبجي اسر شالها كالها يلا بوسه لماما
من بعيد..-وهي خطية عبالها نلعب وياها تبوس
ايدها و تشمرها واني نسيت حالي واسوي
مثلها والله كلبي طاك عليهن اخذها
واجاني يضحك ادري بنتج زعطوطة
انتي شكو..-غير مشتاقة الهن والله كلبي طاك عليهن..
-وابوهن لعد؟!..
-فدوه اروحله ابوهن والله ما قصرت
وياي الله يخليك النه..-لا لا اليوم زينه ما دام هيج تحجين..
-هو فعلا ما قصر وياي ابد اهتم بيه
مثل الام الي تهتم بطفلها..-مرت كم يوم و بديت اسمع كلام من عيالي
و كلش ضاجوا لان بس نايمه واسر
مهتم بيه عبالهن امثل حتى اخلص من
الشغل واني والله شفت الموت بعيوني
بهاي وكعتي..-اليوم تخلص اجازته من بعد اسبوع
خلصه وياي عيني عليه وهو يحضر بنفسه
ضجت كلش كمل اجه عليه..-كل شيء تسمعين غلسي و لا تنقهرين وديري بالج
على نفسج بعد اني لازم اروح باسني
وطلع..-للعشرة كعدت كمت دخلت للمطبخ
تريكت و غسلت مواعيني من طلعت
عمتي جانت كاعدة بس شافتني صاحت..-ولج امشي رجعي و جفينه شرج
ما عايزنه امراض هو ابني هم عنده حظ
حضه عاثر يوم الي تورط بوحدة مثلج
بلا هو شنو شايف بيج يوميه مرض
و واكعه علينه..
YOU ARE READING
اسيرة قدرك
Romanceكان ياما كان في سالف العصر و الزمان حيث لا يوجد فارس ولا حصان حيث ذبحوا كل الاحلام غصبوني لـ أتخبط في متاهات الزمان والعيش تحت سقف الذل و الحرمان و حقارة البشر و مكائد الأخوان.. ولكن.. عزيزي ادم احذر حواء اذا نهضت من تحت الرخام فسوف تندم بلا م...
البارت الثاني عشر
Start from the beginning