اسيرة قدرك

البارت العاشر

-طلعني عليك الله بس طلعني منا راح اموت..

-اخذ البنات وداهن يمهم ورجع عليه
صعدنا بالسيارة ابتعدنا شوي صرت احسن
والله حتى صرت اخجل منه هسه عباله
اجذب عليه يسوق وكل شوي يباوعلي بقلق..

-ها حبيبتي شلون صرتي؟!.. كتله احسن لا تخاف هي خنكه تجي و تروح انتبه للطريق..

-خمس ايام هذا الوضع استمر وياي هو يجي
الليل واني الوب الوب البيت ما اطيقه
احس حبل و يلفونه على ركبتي
وهو ياخذني يفرني اشم هوا ونرجع..

-سانده راسي على الباب وعيني عليه
نزل يجيب عشه بهاي وكعتي صايره
اميل اله احب وجوده بقربي تجذبني كلش
حنيته من يدخل للبيت افرح
لاول مرة احس اكو من يهتم بيه ويخاف عليه
اي اني لمحت الخوف بعيونه بهاي الخمس
ايام الي وكعت بيهن خايفه بيه شيء
وتالي اخسر حتى صحتي رغم الطبيب طمنا
وكال ماكو شيء بس اني اخاف من هاي الخنكه
الي تقفص صدري و تكطع عني الهوا..

-فزيت على صوته.. يلا انزلي هنا نكعد..

-نزلت دنيا ليل وناس قليلة فتح باب السيارة
وكعدنا على الرصيف..

-اكلت وهو صافن عليه كلما اكوله كافي
يصيح بيه بعد شوفي شصاير بيج
كملت ورجعنا للسيارة اخذ ايدي باسها
اصبري عليه بس افرغ اخذج لطبيب والله بالي
يمج بس ما عندي وقت فراغ..

-خلص الطريق كله يشاقيني و يضحكني
رجعنا و تلكتني عمتي بالصياح وحمواتي
وياها..

-ال**** هلكت الولد يجي تعبان من دوامه
و هي تبدي تمثيليتها اشو بالنهار كل شيء
ما بيج لو بس من يجي تطلع العيارة مالتج
جذابه كل يوم مسويه روحها واكعه وتعال
يا اسر افتر بيها بالشوارع..

اسر.. كافي كافي الخاطر الله حتى المريض
ما ترحمونا شنو انتن بس اريد اعرف شنو
كفرت خوما كفرت هي هاي هم عايشه مثل
البشر هم طالعه اشو بس تكرب ليل نهار..

-لاول مره اشوفه هيج يصيح بيهن بحيث سكتهن عفته يصيح عليهن و دخلت للغرفة
نقهرت كلش لا ترحمني و لا تخلي رحمة ربي
تنزل عليه شلون تونست اليوم طلعته من خشمي..

-هو دخل عصبي و الوجه احمر كمت يمه..

-اسر والله ما اجذب اصلا ما ادري شبيه
كل يوم اختنك والله ما امثل مثل ما هن يكولن..

-لزم وجهي باثنين اديه و باسني بقوة..

-اش اعرف والله اعرف بيج و مقهور عليج
معليج بيهن اصلا الجذاب مبين من عيونه
وانتي هاي عيونج الحلوة ما تجذب..

-ابتسمت و تنهدت براحة الحمد لله ما صدكهن..

-من صاح عليهن وحجه وياهن هيج زاد
حقدهن عليه الشغل زاد و الحجي ما خلصت
منه حاربني بكل شيء الاكل حتى بالكنتور
صار ينضم والله اجتي ايام انتهي من الجوع
اروح للمطبخ اطلع طرشانه يابسه واكلها..