Sweet Vittoria Reigns

KABANATA - 5

Nanlaki ang mga mata niya. Nakaginhawa ako ng maluwag ng wala akong nakitang pandidiri at pamamaliit sa mga mata niya. Hindi katulad ng kay Lucas.

Fuck him. I just hate him for accusing me for a whore and his Lolo for a cheater when he's the one doing all the deeds. Araw-araw iba-iba ang flavor niya sa babae. Parang damit lang kung magpalit.

"I-ikaw?" Hindi ko alam kung namamangha ba o nagulat si Maria habang bumabaa ang tingin sa paa ko at balik ulit sa mukha.

Tumango ako. "Bilang isang waiter,"

Kumunot ang noo niya. "Totoo?"

"Oo nga,"

"Torry wala naman akong problema sa mga prostitute dahil may kilala akong ganyan din ang work. Pero bilang waitress ka lang ba talaga? Sabihin mo na hindi naman ako manghuhusga,"

Natawa ako. "Totoo nga! Halos hindi ko na nga masikmura ang pagiging waiter sa lugar na iyon, pagiging bayaran pa kaya," pag-amin ko. Hindi ko alam kung naniniwala ba sa akin si Maria pero hindi naman nanghuhusga ang mata niya. At ang sarap sa pakiramdam na kahit papano ay may mapagsasabihan na ako.

"Malaki naman ang kita ko mula doon. Sa mga tip pa lang ng mga foreigners na dollars ay sapat na para sa pangangailangan namin araw-araw." Tumango siya sa sinabi ko. "At baka patayin ako ni Lolita pag ginawa ko iyon," malungkot akong napangiti.

Miss na miss ko na si Lolita.

"Bilang waiter lang ba talaga? Grabe naman. Sa ganda mong 'yan?" hindi niya makapaniwalang saad. "Sa green eyes mong 'yan kahit bilang pole dancer na lang?!"

Humalkhak ako. "Sobrang rami ngang nag-alok pero hindi ko talaga kaya. Madami din doong mas magaganda sa akin at magaling sa kama kaya hindi din ako kawalan,"

Sandali akong pinakatitigan ni Maria. Punong-puno ng kuryusidad ang mga mata niya pero sa huli ay bumuntong-hininga na lang siya.

Pumasok ang isang-kasambahay sa kusina na may dalang isang bote ng wine. Sunod na pumasok ang Mayordoma.

"Belinda kumuha ka pa ng isang bote ng wine doon sa wine cellar. 'Yung katulad din nito dahil baka madaling maubos nila iyon at magpakuha na naman ulit," utos ng Mayor Doma.

"Sige po. Pero ihahatid ko na muna ito—"

"Ipasa mo na 'yan kay Maria at siya na ang maghahatid sa pool," putol niya sa hinaing ni Belinda.

Kinakabahan na tumawa iyong si Belinda. "A-ah hindi ko po alam kasi ang pangalan ng wine na kukunin ko, eh,"

"Ilang buwan ka ng nagtatrabaho dito pero hindi mo pa rin ang alam ang mga paborito ng mga amo mo?" pagalit at nang-iinsulto niyang sabi kay Belinda.

Tumingin siya sa amin sa mga halatang naiirita na mga mata. "Maria samahan mo si Belinda ng may matutunan naman ang isang ito,"

"Sino po maghahatid wine at mga kopita sa likod?" inosengting tanong ni Belinda.

Tinapunan ako ng Mayordoma ng tingin. "Si Vittoria na lang muna. Sigurado namang walang mangyayaring masama kung siya ang gagawa,"

Bumagsak ang balikat ko. Sinasabi ko na nga ba.

"Diba, Vittoria?"

Binigyan ko ng pagkatamis-tamis na pekeng ngiti ang Mayordoma bago tumango. "Oo naman po,"

"Mabuti naman kung ganoon,"

Kinuha ko na ang mga dadalihin at pumunta na sa likod. Bahagya akong napahinto ng makitang marami pala sila. Si Lucas, isang lalaki na ngayong ko lang nakita at isa, dalawa, tatlo...napahigpit ang hawak ko sa kopita. Akalain mo may limang babae!