علابالك وين راهي ؟ ياسمين
قالت ملاك بعد ثواني طوال ، وهو سهى عجنب كأنه يتفكر وقالها ..
- شفتها مرة وحدة بعدما خطفها محمد ..
- بابا ..
قاطعاتو ملاك وهو تلفت فيها ، وهي قاتلو ..
- احكيلي كامل واش تعرف على هاد القصة ، لازم تخبرني باش نجم نعاونك .
بقى يشوف فيها شوي اومبعد بدا يهدر ..
- روزالينا ، اللي هي زهرة كانت تابعة لموساد من كانت صغيرة بسك باباها كان الرئيس ، هي طبيبة .. دخلت للدزاير بأوراق مزورة باش تقتل نصر الدين يوم عرسه مع أمنية .
- علاه ؟
- كانت تحبو .
قال وسكت شوي اومبعد كمل ..
- حبستها أنا وخذيتها لمراد اللي كان مزال مأعلنش التمرد تاعو ، بعد تهديدات قدر أنه يضبطها وخلاها هنا فالبلاد لسنوات .. بعدما كلشي تقلب ، كانت أمنية ناشطة بزاف فالمجال وضيقت الخناق على موساد فقرروا يهددوها .
- كيما عملو معاك ..
هي قالت وهو هز راسو ايه ، هبط عينيه وكمل ..
- قدرت نمحي كامل آثار الاختطاف وتهريب مراد من السجن ، وبالطبع العمليتين لزوج عملهم محمد . لما خذا ياسمين للمقر ، دخلت روزالينا عندها بالدرقة باش تقتلها مي حكمها محمد وسلكها وتما تلاقو . بعدها أنا دخلت للسجن بتهمة التعاون فالتهريب والخطف وبعدها هربت وغيرت لقبي ..
- لقبك الحقيقي ؟
- هيه ، عبد المجيد لقب محمد برك .
- كيفاش ؟
قالت مستغربة وهو قال يوضح ..
- محمد خويا من يما برك ، هو لقبو عبد المجيد وأنا لقبي عبد الله ..
- عبد الله ؟
- هه مجرد تشابه .
قال وهبط عينيه وهي بقات تشوف فيه ، اومبعد قاتلو ..
- اهيه ، واش صرا بعدها !
- بعدها ، خذا مراد ياسمين بحكم أنو حاب يخليها قدام عينو حتى تكمل المفاوضات مع أمنية ، اومبعد خذا مراد ياسمين وانغلقت القضية . مشفتهاش أنا كامل . كأنو ماكانش يوثق فيا مخلانيش نعرف وين راهي ولا واش صرالها .
بقات تسمع ملاك وساكتة ، اومبعد قاتلو ..
- لوكان لقيت فرصة ترجعها ليماها بابا ؟
طلع عينيه فيها ، بقى يشوف فعينيها وجاوبها ..
- حرقة الأولاد واعرة ، الكبدة آبنتي . أمنية فقدت كامل الناس اللي قراب ليها من خوها الكبير حتى ليماها وزملائها وبنتها ، وخيانة أصدقائها ليها كانت أكبر .
سكت سمير وهبط عينيه ، تلفت قدامو تعدل .. تنهد وكمل ..
- كنا أصدقاء مقربين بزاف ، نتشاركو كل شي ، ولكن السوسة اللي دخلت بيناتنا هدمت كلشي ، قد اللي كان في قلبها محبة ليا رجع كره . ولكنها انسان عقلاني هي مكرهتكمش بسبابي ولهذا السبب كان واجب عليا نحمي أمير وياسمين ، ولكني فشلت .
بقات ملاك تبع فيه واش يهدر ، غرغرو عينيها بالدموع وهي تسمعلو .. دقايق ووقف قالها ..
- نوضي ملاك خلي نروحو ؟
- وين ؟
طلعت عينيها فيه وقاتلو .. وهو رد
- نتأكدو من وجود ياسمين .
وقف مام هي وقالت تتسائل ..
- عند من ؟
- عند مراد طبعا ، أكيد راهي معاه ، ماراحش يخليها بعيدة عليه .
- نروحو عند مراد وفهاد الوضع ؟ مستحيل بابا راح يقتلنا .
- لا ، موش راح يعمل شي . هيا نروحو .
هو قال وهي عوجت شفافها كأنها موش متأكدة من صحة واش يقول ، مي هزت راسها ايه ورفدت حوايجها ولبست الفاست وراحت وراه ..
دخلت للكاراج خرجت الطوموبيل ، وسمير راح عند أسيل ..
- أسيل راح نخرجو أنا وملاك ، ابقاي هنا متخرجيش ومتفتحيش الباب لحتى واحد حتى نجو . صحا ؟
هزت راسها ايه وردت ..
- صحا بابا .
لبس الفاست تاعو ، هز عصاه وخرج ..
ركب فالطوموبيل وعطى لملاك العنوان وهي راحت تسوق ..
.
.
YOU ARE READING
بَكـمَـآء || Dumb
Romance• ~ هناک خير في كل شـر ~ • تربى وسط عائلته كالأمير ، تلقى معاملة أمير ، نضج وأصبح رجلا يحمل ملامح مَلِک أسيبقى الأمير على عرشه ! • ~ المجروح من عائلته لا يُشفى أبدا ~ • فتاة متعجرفة ، انطوائية وابنة رجل غني .. أميرة لا يعجبها العجب أعند من الحجر أ...
