وتيني

المقدمة

وتيني 💕🎵
الكاتبة / حنين العمر

المقدمة
العيلة كلهم مجتمعين في البيت الكبير إلي خلاه ليهم جدهم حسين وسليمان مقعمزين في جهة يهدرزوا  
حسين /  الشغل ماشاء الله ماشي وعقدت صفقة جديدة مع شركة ألمانية فهاليومين انسقوا لاجتماع ان شاء الله
سليمان / ماشاء الله ماشاء الله 😊 ربي يوفقك من يومك راجل ينشد بيه الظهر وعمي الله يرحمه كان متأكد إنك حتمشي الشغل كويس وتحافظ على ثروة العيلة ☺
حسين / تسلم بارك الله فيك يانسيب 😊

حميدة / هيا تفضلوا الشاهي 😍
حسين / صحيتي ☺
سليمان / صحيتي بارك الله فيك
حميدة قعمزت معاهم وجت خديجة حتى هيا قعمزت معاهم
حميدة / شن كنتوا تهدرزوا 😉 شادين جهة وقاعدين بروحكم
سليمان / حسين يبي يتزوج وحدة 😂 ويبيني نمشي معاه نطلبها له 😂😂
حميدة / 🤨🤨 ومن هذي إلي بياخذها عليا 😏
خديجة / 😂😂😂 حسين خوي ميت عليك ومستحيل يفكر يتزوج عليك 😉
حميدة / 😚😚 تحشمت
حسين / 😉😉 شوفوا وجها كيف تغير 😂😂 وخذوذها حمروا 😍
كلهم قعدوا يضحكوا
جت عليهم فايزة 🙄 ماشاء الله صوت ضحكم واصل للشارع ضحكونا معاكم
خديجة / اهلين بمرت خوي الغالي 😊 تفضلي
فايزة / قعمزت وحطت رجل على رجل ورافعه خشمها كالعادة ومش عاجبها شيء 🤨
خذيجة / هذا حسين خوي يبصر على مرته 😁 وقاللها نبي نتزوج عليك وحميدة صدقت 😂😂
فايزة / شن المشكلة مازال شباب ماشاء الله  وألف وحدة تتمناه 🙂 😁
حميدة / 😮😡 وحتى إنتي شباب ماشاء الله علاش ماتزوجتي بعد سلفي الله يرحمه 🤨
حسين / 😳😳
فايزة / تعقدت 🤨😠 ولدي ماشاء الله عليه كم سنة ويبدأ راجل ويشد مكان بوه 🙄 لو نبي نتزوج من زمان تزوجت
سليمان / احم وبدأ يلطف فالجو لانه تكهرب 😂 ايه شن بتغذونا اليوم جعنا 😁
حسين / حميدة ووخيتي سعجلولنا في الغذاء بالله كان هذا سليمان بعد شوي ياكلنا 😂
خذيجة / 😂😂😂
حميدة / 😂😂 هيا شوية ويجهز ان شاء الله 

💓💓 وتيني 💓💓

العويلة يلعبوا بره في الجنان
ثريا / ترسم وملبزة ايديها وملابسها بالألوان 👩‍🎨
يوسف / شن ترسمي ☺ ويشبح فيها ببراءة
ثريا / بعد نكلمها تشوفها 😚
يوسف / نبي نعرف مانقدرش نصبر لعند تكمليها 😊
ثريا / لأ ٠٠ اصبر بعد تكمل نوريها لك
أدم / مقعمز بعيد ويشوف فيهم 😏😒
يوسف / تحبي الشعر ☺
ثريا / نحب الرسم وبس 😍
يوسف / الأبلة متاع النشاط اختارتني في مسابقة الشعر ☺
ثريا / اها ٠٠ شفتك مبدري في المدرسة واقف بحدا الإدارة
يوسف / ايه نستنى في الابلة
خذا منها الألوان وحطلها على وجها 😂😂 وقعد يضحك عليها
ثريا / 😠 وخذت حتى هيا الألوان ولبزتله وجها وملابسه
😁😁😁
وقعدوا يجرو وراء بعض بالألوان ويضحكوا
ثريا من كثر الجري رافعه الألوان وطاح منها على أدم 😠
ثريا / 😮😮
أدم / عمياء إنتي ماتشوفي 😠
ثريا / مش بقصدي 😐
أدم / 😠😠😡 افتحي عيونك مرة ثانية ودفها
ثريا / تبكي 😥
يوسف / علاش دفيتها 😠 مش بقصدها اطيح عليك الألوان كنا نلعبوا
ومسك ثريا من ايدها خلاص اسكتي 😐  وقعد يشوف في ادم 😠
أدم / 😠🤨 وإنت شن ذخلك امشي العب بعيد
يوسف / مانيش ماشي وبنلعبوا هنا 😠
أدم / 😠😠 عناد هو ومسك يوسف وطيحه عالأرض
وقعدوا يتعاركوا
ثريا / 😥😥خلاص بعدوا عن بعض