اصحااب ياسر قاعدين في مطعم بياكلو جات رانيا طبعا كلهم اتخلعو لمن شافوها
رانيا:كنتا عارفه اني حالقاكم هناا 😢 معقولاا قلبكم يرضيكم تخلووني كداا انا مش صحبتكم ديك كانت مجرد لعبه وسؤال خطر في بالي معقولاا تقاطعوني كلكم بسببو 😢
نذار:ما مقاطعنك نحنا يا رانيا بس براك بقيتي ما بتقعدي معاانا
رانيا:يعني حسي لو قعدتا معاكم ما عندكم مشكله
علا:طبعاا ما عندناا انتي صحبتناا اقعدي يلاا😻
طوالي قعدت معاهم وهي مبسوطه ♥️
💜💜💜💜💜💜💜💜💜💜💜💜💜💜💜💜💜💜💜💜
البنات لفو مع حميدو ومشو مول عفراء واتصورو سيلفيهات كتييره🤤♥️ بعدين رجعو البيت حميدو ختا صورتو براهو في حالتو وتاني ختا معاهم الثلاثه وتاني ختا صورتو مع سارة وكاتب سيلفي مع مرت الاخ💛 ونسى يستثني ابوهو 😹
كمال:ماشااءالله والله من اول يوم صاايع 😒
حميدو:يا حاج حبيت احوم شويه قبل ما انزل الجامعه وانضغط في القرايه😅
كمال:ما شاايف معاك اولااد كلهم بنات🙂
حميدو:دي سارة وصحباتها😅
كمال:ساارة العايزها ياسر
حميدو:اي ياها
كمال:خلي بالك في قرايتك ساامع وبطل الامور الفارغه
حميدو:طيب حااضر
🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡
نذار ضرب لياسر سلم علليهو
ياسر:اها احكي لي الجديد شنو 🌚
نذار:انت عاملني زي نساوين الجبنات كل يوم لازم اجيب ليك شمار جديد😒
ياسر:ما كداا يااخ😹بس انت الوحيد المابتكذب علي مهما حصل
نذار:رانيا رجعت للشله
ياسر:هي كان طلعت منها يعني
نذار:لا بس من يوم توتي بعدت مننا
ياسر:ايواا يعني اتفاهمتو وحليتو سوء التفاهم بيناتكم 🙂
نذار:بيناتنا؟ ليه مش انت برضو زعلان منها
ياسر:ابداا هي منو عشان ازعل منها🤷🏻♂️ما بتعني لي شي
نذار:لالا ظاابط اها ما ممكن تبكر في جيتك 😕
ياسر:اشتقتاا لي😄
نذار:لا سارة الاشتاقت ليك😒
ياسر:لا ان شاااءالله بحاول اجي بدري😹
نذار:طيب
💛💛💛💛💛💛💛💛💛💛💛💛💛💛💛💛💛💛💛💛
نسيبه في البيت
صفاء:نسيبه يابت تعالي مرسلاك السوق امشي جيبي المواد التموينيه
نسيبه:ليه انا نادر ورامي وين😭
صفاء:واحد عامل فيها قعد يقرا والتاني قال مشغول امشي حيمشي معااك سااجد 😒
نسيبه:المشوار بعيد ولفة السوق
صفااء:يابت دي بداية شهر امشي من حسي اخيرر
نسيبه مشت لبست ليها عبايه وهي زهجانه وشايله هم لفة السوق طلعت لقت ساجد منتظرها بره صرت ليهو ابتسم ليها
ساجد:لمن اقول ليك منفسنه بتغالطيني😹يلا ارح
وطلعو ركبو ليهم ركشه ومشو على السوق
💚💚💚💚💚💚💚💚💚💚💚💚💚💚💚💚💚💚💚💚
سارة قاعده في بيتهم بتتراسل مع يااسر سمعت بابهم بدق لبست ليها توب ومشت تفتحو (للمعلومه انا ما بعرف البس تياااب نهاائي🌚💔) فتحت الباب لقتهاا عبييير 😻😻
ساارة:عبيييري يااخ😻💜احلى مفاااجااءه ادخلي
عبير:قاعده ماله في البيت قلتاا اجيكك كلمتا ابوي وهو طالع وصلني ليك 💜
ساارة:ما قصصر والله ارح معاي المطبخ اعمل ليك عصيير
مشت معاها وبقو يتوونسو 🤤وعبير حكت لسارة عن النمر الوردي الدخل ليها
سارة:الاسم دا ما غريب علي حاسه بعرفو 😕
عبير:دقيقه اوريك صفحتوو
عبير فتحت ليها الفيس وورتها صفحتو وطبعا هو ما بنزل صورو بس منشورات
سارة:دا عمران يااخ 😻
عبير:عمران صاحب يااسر 🌚
ساارة:ااي بكون عايز يتعرف عليك 😹
عبير:اوماالو بتعوولق كداا ما يقول انا عمران 😹
ساارة:نتصل عليهو نشاكلوو ليك 🌚
عبير:اي خليني اردح ليهو 😌💪
💙💙💙💙💙💙💙💙💙💙💙💙💙💙💙💙💙💙💙💙
ياسر في الواتس شاف حالة حميدو
ياسر:طالع مشوار مع مرتي يا كلب اصبرر علي لمن اصل الخرطوم بقطعكك 😒😒💔
حميدو ما كان داخل وشويه جات رسالة لياسر من رقم غريب سلاام
ياسر:وعليكم السلام
المجهول:ياسر صح؟
ياسر:ايواا صح
المجهول:كيف حالك وامورك طبعا مشيا وخليت لينا الخرطوم مملله شدييد وما بتنقعد
ياسر:والله انا بخير الحمدلله انت/ي كيف راجع قريب ان شااءالله
المجهول:الحمدلله
ياسر:ما عرفتك معاي منو؟
المجهول:ما تستعجل حتعرفني قريب بس لازم تعرف انو انا بعرفك كوويس جداا
يتبع..
