الحلقه السابعه عشر
#قلم_الحياة
#آيات_محمود_المتولي
#رفيقه_الكلمات
#الكاتبه_الصغيره
قلم الحياة: اشبه موج البحر آتي من حيث لا تحتسب واجرفك إلى حيث أريد هذا أنا القدر ...
ⓐⓨⓐⓣ🌹
__________بعنوان:________*كلمه القدر*__________
خلف الزجاج أستلقيت على ذاك السرير الذي يحتضنها بتملك ويحيط بها الاسلاك الطبيه وانبوب الاكسجين الذي يبث لها اكسير الحياة ... راقبها الجميع من خلف الزجاج والطبيب يملي علسهم التعليمات ويشرح لهم حالتها قائلا: للاسف حاله ضحى بتتاخر جدا وانتو انتظاركم ده مش هيفيدها لازم تتصرفوا للاسف حالتها صعبه يعني لو تقدروا تسفروها بره هيبقى أفضل .
زكريا: ايوه يا دكتور نقدر بس لو ممكن ترشحلنا دكتور كويس .
الطبيب: تمام هكتبلك تقرير بحالتها واسم الدكتور ومكانه وان شاء الله ربنا يشفيها المهم هي هتفضل لمده 24 في العنايه لحد ما تفوق ونحس ان حالتها مستقره .
سيف: متشكر يا دكتور .
غادر الطبيب وترك الجميع في حاله يرثى لهم ليهتف سيف بحزم: يلا روحوا كلكم بشكركم على وقفتكم معايا انا هفضل هنا مع بنتي .
زكريا: اي الي بتقوله ده يا سيف ؟ وبعدين شكر اي وبتاع اي ؟ ماشي هتفضل انت مع ضحى بس مفيش الكلام ده .
شهد: وأنا هفضل مع بنتي مش هسيبها .
عبدالله: طيب هحجزلكم اوضه هنا ترتاحو فيها لحد ما تفةق وأنا هروح الجماعه وهبقى اعدي عليكم الصبح بدري يلا يا حنين انتي ويامن والبنات ويلا يا جماعه عشان نسيبهم يرتاحوا .
غادر الجميع المشفى كل متجه الى منزله ليصل السائق بالسياره إلى قصر عبدالله ليترجل منه الجميع بهدوء وحزن وما إن دلفوا الى القصر تلفت حوله ولم يجدها فادرك أنها قد صعدت لغرفتها ليصيح فجأه: اي الكلام الي انا سمعته ده ؟ هو بجد انت موافق إن إسلام يتجوز همس ؟
جلس عبدالله بهدوء ليترقب الجميع رده ليهتف ببرود: وأي المانع ده المفروض صاحبك وترحب بالفكره .
يامن بعصبيه: مهو عشان صاحبي وعارف أنه طائش ومش ممكن أسيب اختي امانه عنده يا بابا .
عبدالله: وأنا موافق بنتي وانا حر في قراراتي .
يامن: وانا مش هخلي الزيجه دي تتم يا بابا مش ممكن .
نهض عبدالله بغضب قائلا: يبقى تنسى أنك تتجوز جنات ولا حتى تشوفها .
نظر له بصدمه فكيف يعلم والده بعشقه لجناته وقبل ان يتفوه ببنت شفه قال عبدالله كلمته الأخير: كلمتي مش هرجع فيها همس وإسلام هيتجوزوا حتى لو انت مش عايز جنات والكلام خلص لحد كده يلا كل واحد على اوضته .
أنت تقرأ
رواية قلم الحياة بقلم " رفيقه الكلمات آيات محمود "
Romanceإهداء لمن علمني ان الحياة متغيره متقلبه ومليئه بالمصاعب والمقالب ومن حذرني من الوقوع بها ..! ◇◇◇◇◇◇◇◇◇◇◇◇◇◇ ⓐⓨⓐⓣ🌹 في هذه الروايه سأترك لكم حريه الرأي في حياتنا وما يحدث من حولنا ستحكي روايتي عن حكايه قد تجمع بين الكثير من الأشياء التي تحدث لنا في...
