يوم جعل حياتي جحيم

♡ 19 ♡

شوف يأموري شوف اخيتك شصاير بحالهة ليش عفتوني ورحتوا بقيت عند المايخافون الله
ضليت اوونن وابچي ون الفاگدة... التمن عليه كلهن بوگت واحد...ماگدرت أنام اليله فراگ شلون أنامهة واني فگدت كل اهلي اشلون انام واني بعد ما اشوف امي وابوي واختي وأخوي راحوا مني ناموا جوه التراب وعافوني لحد ماتعبت ونمت والدمعه بعيني
بس بقيت كل شويه أفز بليل مناا خايفه و الفاره لو تعضني من رجلي لو تمشي عليه والدود صعد ؏ جسمي گرصني ماأدري بروحي من التعب غفيت

فزيت ؏ دفره بصدري گعدت مخنوگه خليت ايدي ؏صدري شفت عمتي سماح واگفه وتحچي عليه گالت:

-ولججج يله گومي نايمه بفندق خريجة السجون لو جايه تنامين يمي يله اگعدي نضفي طر الفجر

- اني بس صافنه عليهة واگول بگلبي حسبي الله ونعم الوكيل عليج... هيه طلعت واني گمت رحت للبيت وراهة... گوه اسحل بروحي دايخه عندي هبوط لأن بدون اكل من البارحه بس ابچي وعيوني مورمات من البچي
گعدت بديت اكنس وانضف البيت كلش وسخ والريحه البي ابد مو طيبه... ضليت انضف بي هواي وبس دموعي تجري رغم وجع جسمي بس وجع گلبي اقوة ولحد الأن مامصدگه اگول بلكت حلم وأصحه منه.... شويه حسيت عيوني غوشت ودخت رحت للمطبخ لگيت ملح حطيت شويه بحلگي انوبه كملت الشغل وهيه واكفه ع راسي وتتأمر عليه... واني بيا حال البيه كافيني...رحت للمطبخ حطيت القوري سلگت البيض لگيت خبز محطوط بالثلاجه طلعته
اكلتلي شويه خبزه لأن جسمي گام يرجف بعد ما اگدر اوگف ؏ حيلي.. هيه راحت نامت اني خلصت الريوك وخليته بالصينيه همه گعدوا أجت عمتي سماح شافتني گالت:

- أذا خلصتي شغلج روحي شوفي البنات شنو محتاجات... وروحي انطمي بگبرج ماريد اشوفج

أحمد :سماح هاي النگسه منوو گاللهة تسويلنه اكل..؟

- أني گتلهة وأدري بيهة نگسه بس خليهة تخدم اهناا لعد شتريد اني لو بناتي انگوم چا المن جبتهة يمي

_ أخدمن عليهة يطبهة مرض الأدبسز..

أبتهال : بويه اني تلعب نفسي من هاي ويععع ما أكل من أكلهة لو أمووت هاي خريجة سجون تعودت ؏ الوسخ هناك..
و روحي اغسلي ايدج بالصابون حيل وعندي ملابس بالغرفه اغسليهن وحضريلي ملابس المدرسه اريد اروح للدوام...

مهاا : اكتفيت بهز راسي بعد ماعندي طاقه للحچي ولله تمنيت كون بيه حيل واعرف شنو أرد عليهم بس أني نكسرت خسرت اهلي بعد عليمن خايفه ؏ هاي الروح. اني هسه الي يحط طلقه براسي أگله رحم الله والديك.. بس أريد اخلص من دنيااااي ....

رحت لميت ملابسهن سله كامله فرغتهة بالغساله
ورحت طلعت الهة ملابس المدرسه.... ذني بنات عمي أحمد ابتهال بالمدرسه عمرهة ١٦س وأيات مبطله كملت الثالث متوسط وبطلت عمرهة ٢٤س بعدهة مامزوجه ونرجس الچبيره مزوجه عمرهة ٢٩
وغيث الزغير عمره ١١ س رحت للحمام اغسل بالملابس أجت أيات عليه حچت بأستهزاء گالت: