One Night, One Lie (GLS#2)

Kabanata 29

Nag angat agad ng tingin si Brandon sa akin. Humarap siya at tuluyan ng iniwan ang ipinapakitang magazine ng organizer. Naintindihan iyon ng organizer kaya tumigil rin siya sa pangungulit. Humalukipkip si Brandon at iginala niya ang kanyang tingin mula sa aking ulo hanggang paa.

"Walk." Utos ng organizer.

Nagsimula akong maglakad kahit na nangangatog ang binti ko. Naririnig ko ang iilang palakpak nina Adrian sa likod na hindi ko na pinansin dahil sa kaba ko.

Nang nakalapit sa mesa ng mga organizer ay sinubukan kong mag pose ng dalawang beses at tumalikod ulit para maglakad at makita nila kung paano ako maglakad sa likod.

"What do you think, Brandon?" Tanong ng isang designer.

Humarap ulit ako at hinintay ang hatol ni Brandon. Halos sasabog na ang aking dibdib sa kaba kahit na tapos na akong rumampa. Nilingon ko si Brandon at kitang kita ko kung paano siya tumitig sa akin. Seryoso ang kanyang mga mata habang tinitignan ako lagpas sa aking kaluluwa.

"Don't ask me. I have a thing for her. Hindi ko siya ipapasa, I'd like to date her the whole day of your Summit instead." Tumawa si Brandon.

Umiling si Hugo. "Well, this isn't the first time you're attracted to a model. Naka ilang beses ka na ring pumorma sa mga models." Nagtaas ito ng kilay.

Ngumuso ako. This is not the first time. Then maybe, mahilig si Brandon sa mga modelo. May kaonting kirot akong naramdaman sa aking dibdib. Iniisip ko pa lang na isa ako sa mga modelong nagustuhan niya ay naiirita na ako.

"I'm sorry, Brandon. You can't date her on that day." Ngisi ng isang organizer at may nilagay sa papel.

Tumango siya sa akin at nagtawag ng susunod na pangalan. Humiyaw agad ang mga lalaking kaibigan ko sa likod. Nag dalawang isip pa ako kung lalapitan ko ba sila o didiretso na lang ako sa labas. Nilingon ko si Adrian na ngiting ngiti sa akin habang ipinapakita ang kanyang cellphone. Tumango ako at nakuha kaagad ang kanyang mensahe na ititext niya lang ako.

Dumiretso ako sa harapan at ang babaeng sumalubong ay nagbigay ng papel na may tatak na pasado ako sa mga organizers at designers at ang mga schedule sa fitting ng wardrobe at pag re-rehearsal.

"Thanks." Sabi ko at nilagay kaagad ang aking sunnies sa mga mata para makalabas na ng tuluyan doon at sa building na iyon.

"Av..." Tawag ni Brandon nang dire diretso ang labas ko, hindi ko man lang siya nilingon.

Taas noo kong pinindot ang button ng elevator para makababa na. Naririnig ko ang malalaking yapak ni Brandon na kumakain sa distansya naming dalawa.

"Bilis mo. I told you you can do it." he chuckled.

"Why don't you stay? Marami pang modelo don, you might want to be one of the judges." Sabi ko at pumasok sa elevator nang bumukas ito.

Pumasok rin siya doon. Bago ko mapindot ang Ground floor ay pumindot na siya ng basement.