صغيرة الظابط

البارت ٤

الكل عدا بيت العم ولارا... شنووو

العم... خير اكو شي ابني ناقصه شي

الاب... لا بس لارا مخطوبه

العم... مخطوبه المن وليش اني مااعرف  ترى مثل ما انته عمهه اني هم عمه

الاب... على كيفك خويه هسه احجيلك وحده وحده

لارا... كاعده اسمع واني فاتحه عيوني شنو جاي اصير كلشي ماجاي افهم شنو صار

الاب... لارا خطيبة ليث  من ابوهه بقه بلمستشفى وصى محد ياخذ لارا غير ليث

العم... ماكو هيج حجي شنو اليثبت الجاي اتكوله صحيح

ليث... عمي احترم ابوي رجاءا

العم... هو انتوا خليتوا بيه احترام

مرت العم... بس الله يدري شمسويه  والشيخ اريد يستر عليهه

ليث.... هيييي انتي شجاي تحجين

لارا... اجه علي عمو وارث وجرني حيل

العم... امشي وياي راح اسودون وجهنه

الاب... اهدء ابو مصطفى وخلينه نتفاهم لارا بابا صعدي

العم... شنتفاهم ولكم طينتوا روسنه دقيقه وحده ماابقيهه هنا أخذه واحش رجليه اذا طلعت امشششي اليوم اطيح حظج اني اعلمج.

ليث... هذا الصار كله ولارا مانطقت بحرف راد عمي ياخذهه بسرعه باوعت علي بنضرة توسل رحت سحبته من ايد عمي وخليته وراي ظل عمي اصيح وهوسته وهي مجلبه بيه... عمي هسه انته شتريد لارا مرتي من حياة ابوهه ماحجينه لان بعده صغيره مو مال زواج

العم...ماكو هيج حجي لا صغيره ولا هاي السوالف لو تروح وياي هسه لو اجيب سيد وتعقدون

الاب... روح عمار جيب سيد وتعال حتى اعرف شلون احجي وي عمك

لارا... بقيت مجلبه بليث واني ابجي اخاف من بيت عمي بس يجون اصيحون ويحجون علي شلون اذا اخذوني والله اموتوني

مرت العم... ايي حبوبه جلبي بي بعد لا حيا ولا مستحه

ليث... خليني محترمج احسن...درت على لارا بس ترجف... اششش اهدي ماكو شي بنيتي

لارا... مااريد اروح وياهم

ليث... على جثتي اطلعين منا.... ظلينه كاعدين وهم يحجون علينه شلون اني حاضنه رادت اتكوم واني لزمته... وين

لارا... توني يلا استوعبت شنو ازوج ومنو ليث والله اخاف من عنده ردت اكوم احجي وي خالتي وهو سألني همست على كيف... ليث يعني هسه انته راح اصير رجلي

ليث... اي ليش

لارا... بس اني مااريدك

ليث... لارا سكتي هسه وبعدين نتفاهم