رواية النور و الكابوس «قيد التعديل»

الفصل السابع و العشرون..

نكمل روايتنا(النور و الكابوس)بقلم سلسبيل كوبك..
الفصل ال27..
اخر حاجة وقفنا عندها في الفصل ال26..
وجد كانت نايمة بعمق في سريرها و فجأة قامت مفزوعة من نومها...
وجد شافت خيال حد في بلكونتها و اتصدمت...
وجد قامت و مشيت ناحية البلكونة ببطء فتحتها ملقتش حد رجعت قعدت علي السرير تاني..
وجد:اوف بقي..
وجد حطت رأسها علي المخدة ببطء و بدأت تنام بعمق...
_في الصباح الباكر...
وجد صحيت علي صوت سيف..
سيف:بت يا وجد يلا قومي..انتي يا بت..
وجد:يا عم يا عم حسسني اني في باريس شوية..
سيف(بضحك):يا بنتي كنت مشتاق اتكلم مع حد عربي اخيرا جيتي في ملعبي..
وجد:يالهوي اروح انتحر طيب..
سيف:بعد الشر...يلا يا حبيبتي قومي علشان الشركة...
وجد:هي ماما كلمتك او حاجة؟!
سيف:لا..
وجد(بحزن مش ملحوظ):طيب يا حبيبي هدخل اغير هدومي..
وجد قامت دخلت الحمام خدت دوش و خرجت بدأت تغير هدومها..
"وجد لبست بنطلون اسود و فوقه تي شيرت بكم اسود قصير لغاية الخصر و لبست كوتشي ابيض عالي و سيبت شعرها علي ضهرها و حطت مكياچ خفيف و حطت البرفيوم بتاعها"..
وجد خرجت بره اوضتها لقت سيف باسته علي خده..
وجد:حبيبي هنمشي امتي!؟
سيف:هنأكل و بعدها هتيجي معاياا الشركة و هترجعي علشان الدكتورة..
وجد:طيب يا حبيبي..
وجد قعدت مع سيف و بدأت تأكل و هي شاردة..
سيف:يلا يا حبيبتي..
وجد:طيب..
سيف و وجد خرجوا بره البيت و ركبوا عربية سيف و راحوا ناحية الشركة و وراهم عربيات حراسة...
بعد فترة سيف وقف العربية قدام الشركة و لؤي كان واقف مستنيهم راح فتح الباب ل وجد..
لؤي:يالهوي هو في جمال كدة يا اما؟!
وجد ضحكت جامد علي اسلوب لؤي في الكلام..
لؤي:طب و ربي عسل و لهفتة جشطة(حتة قشطة)..
سيف ضرب لؤي علي قفاه و بص ل وجد..
سيف:بفكر اقتله..
لؤي(بفزع):تقتل مين بس يا عم اهدي كدة..يرضيكي يا مزة انتي؟!
وجد(بابتسامة):لا يا خالو سيبه بيضحكني..
لؤي:شوفت قالتلك بيضحكني..و كمان ايه بيضحكني دي يا بت شيفاني بهلوان..
وجد(برفعة حاجب):بقي كدة؟!
وجد:خالو اق..
لؤي:بهلوان بهلوان يا ستي..
وجد:جبت ورا يعني؟!
لؤي:هو اللي يشوفك اصلا بيبقي فيه عقل..
سيف مسك لؤي من قميصه و شده ورا و وجد خرجت من العربية و قفلت الباب و راحت وراهم..
لؤي:يرضيكي يا مزة برستيجي قدام الموظفين..
وجد:هو حد بيعرف يأخد حق او باطل مع الحكومة..
سيف:يوم كامل في الارشيف يا كلب..
لؤي:هي حصلت للارشيف اتكلمي ابوس ايدك...
وجد:خالو حرام عليك خليه في الحمامات..
لؤي:ايوه خليني في الحما..
لؤي:في ال ايه يا عينيا؟!تعالي بقي انا ساكتلك من الصبح..
وجد طلعت تجري و لؤي وراها و الموظفين مش فاهمين حاجة سيف ضحك عليهم و دخل مكتبه..
لؤي(بتعب):خلاص خلاص تعبت..
وجد:بتتعب بسرعة انت..
لؤي:انا راجل عجوز يا بنتي..
وجد ضحكت علي لؤي و لؤي طلع تليفونه بدأ يتصور هو و وجد..
لؤي:تعالي اتصوري هنا..
وجد سندت علي الحيطة و رفعت رجليها ل فوق و بصت للشمس و بدأت تأخد كذا صورة..
لؤي:جامدين..
وجد:ابعتهم ليا و متنزلش حاجة خالص..
لؤي:أكيد متقلقيش..
وجد:طب مش يلا نحاول نشتغل او نعمل اي حاجة بدل التفاهة دي..
لؤي:تعالي..
لؤي و وجد دخلوا الشركة و بدأ لؤي يعرفها علي شغلها...
****************************
-في مكان تاني...
_عند أحمد..
احمد كان نايم بعمق و صحي علي صوت تليفونه..الخط اتفتح..
احمد(بنوم):الو...
كارما(بعياط):احمد..
احمد(بخضة):كارما..فيكي ايه؟!
كارما(بعياط):باسل و سليم..
احمد(بقلق):مالهم يا حبيبتي حصل ايه؟!
كارما(بعياط):عرفوا ان انا و انت نعرف بعض و...
احمد(بقلق):طب انتي كويسة طب؟!
كارما(بعياط):عايزني ابعد عنك..
احمد(بقلق):طب اهدي يا حبيبتي متعمليش في نفسك كدة...
كارما(بعياط):انا خايفة عليك..
احمد:لا يا حبيبتي متخافيش محدش يقدر يعملي حاجة...بس انتي انا عايزك متزعليش نفسك و تهدئ كدة و متعيطيش ابدا فاهمة..
كارما(بدموع):بس ازاي هنقنعهم اننا بنحب بعض..
احمد:مستعدة تستني يا كارما؟!
كارما(بدموع):اه..
احمد:اذا يا حبيبتي اياكي ثم اياكي تزعلي نفسك ابدا فاهمة..
كارما(بدموع):حاضر..
احمد:كارما اوعديني انك مش هتعيطي؟!
كارما(بدموع):اوعدك..
احمد:طيب يا حبيبتي..بقولك ايه؟!
كارما:ايه؟!
احمد:مش هتبطلي تحلوي كل يوم كدة..
كارما(بخجل):و انت شوفتني فين النهاردة؟
احمد:ايه الجديد يعني ما انتي علطول زي القمر..
كارما(بخجل):هقفل..
احمد:طيب يا حبيبتي هبقي اكلمك تاني..
كارما:خليك انا لما ابقي اكلمك..
احمد:طيب يا حبيبتي..
احمد:متزعليش نفسك فاهمة...
كارما:حاضر..
احمد:يلا يا حبيبتي باي..
احمد قفل مع كارما فجأة الباب اتفتح و نهلة دخلت..
نهلة(بحدة):حبيبتك مين اللي كنت بتكلمها؟!
احمد(بلامبالاة):اديكي قولتيها حبيبتي يبقي واحدة هتجوزها قريب..
نهلة(بحدة):و انت ازاي متقوليش حاجة زي كدة!
احمد(بلامبالاة):و انتي من امتي يهمك اصلا؟!
احمد ساب نهلة و دخل للحمام و خد دوش و خرج لقي نهلة مستنياه و بتبصله بغضب...
نهلة:طب هي اسمها ايه و لا من عائلة ايه؟!
احمد:واحدة فقيرة عندك مانع؟!هتيجي تتجوزيها بدالي مثلا؟!
نهلة(بغضب):و انا مش هقبل الجوازة دي تتم فاهم...
احمد:مش بمزاجك يا مدام نهلة محدش قالك تيجي تتجوزي اللي بحبها انا اللي هعيش معاها مش انتي..
احمد دخل غير هدومه و ساب نهلة في غضبها و خرج بره القصر كله..
_عند كارما...
كارما لما قفلت مع احمد الباب خبط..
كارما:ادخل..
مريم:صباح الخير..
كارما:صباح الخير..
مريم قعدت جمب كارما و حطت ايديها علي كتفها..
مريم:بتحبيه؟!
كارما:اه..
مريم:و هو؟!
كارما:اه..
مريم:بصي يا كارما انا مستحيل اقف قدام سعادتك بس لازم قبل ده كله تتأكدي انه مش هيغدر بيكي..باسل غلط لما غدر ب وجد و كانت النهاية عذاب الطرفين...باسل خايف عليكي خايف اللي عمله في وجد يتعمل فيكي..
مريم:مش هقدر اقولك متحبهوش مش احنا اللي بنتحكم في قلبنا..
مريم:بس يا كارما خليكي محافظة علي نفسك لاخر نفس في حياتك..متسمحيش ليه يلعب بمشاعرك محدش عارف ايه اللي في نفوس البشر كل اللي هقوله ليكي يا كارما..
مريم:حبيه بس اياكي تنسي نفسك و تخلي حبك ده يوديكي في داهية و تخسري نفسك..
مريم:بس لازم الاول تتأكدي انه فعلا يستاهلك و انه فعلا بيحبك..بس علشان خاطري بلاش تقابليه و لا تكلميه علشان باسل و سليم...اصبري يا حبيبتي..
كارما:يعني لو احمد جه طلبني انتي مش هترفضي؟!
مريم:لو فعلا يستحقك هوافق يا كارما..
كارما ابتسمت و حضنت مريم جامد و مريم باست رأسها..
مريم:تنزلي تعتذري لاخوكي و لما تشوفي باسل برضو تكلميه و تعتذري ليه..
كارما:حاضر..
مريم سابت كارما و نزلت ل تحت و كارما قامت غيرت هدومها"كارما لبست بنطلون جينز و فوقه تي شيرت بكم باللون الابيض و رفعت شعرها ديل حصان و لبست كوتشي اسود و حطت مكياج بسيط"..
كارما نزلت ل تحت لقت سليم قاعد جمب نرمين بيراجعوا ملفات مهمة و بيبصوا علي اللاب توب..
كارما:اسفة..
سليم(بهدوء):بعني قررتي تنسيه؟!
كارما(بهدوء مماثل):لا طبعا انا بحبه و مفيش مسيطر علي القلب و قلبي و انا بنحبه و مستحيل انساه و مستحيل ابعد عنه...هستني اليوم اللي يكسب ثقتكم و يثبت ليكم انه بيحبني و مش هيعمل زي ما باسل عمل مع وجد...احمد بيحبني فعلا و مش هيقدر علي فراقي و مش هيخدعني زي باسل...
سليم(بحدة):ده اخر كلام عندك؟!
كارما:ايوه...عن اذنك راحة الشركة يا اخويا الكبير..
كارما سابت سليم اللي اتعصب و كارما ركبت عربيتها و راحت للشركة...
نرمين:اهدي يا سليم هي مغلطتش هي حبت بس..
سليم:حبت الشخص الغلط..
نرمين(بتنهيدة):زي ما هي قالت القلب ملهوش مسيطر يا سليم...القلب بيختار و ما علينا غير العذاب...فكر كويس في نفسيه اختك و فكر في حبها...متخلهاش تعيش طول عمرها متعذبة..
نرمين سابت سليم و طلعت ل مريم تقعد معاها..
****************************
-في مكان تاني..
_في قصر الانصاري..
جودي(بصوت عالي):حازم تعالي هنا..
حازم(بضحك):تعالي خديه..
جودي(بعصبية):هات الدفتر يا حازم و الا و ربي هقتلك..
حازم(بضحك):حاولي تعالي..
معتز(بحدة):بطلوا منك ليه مش عايز شقاوة...انا رايح الشغل..
معتز سابهم و خرج بره القصر,و جودي كملت جري ورا حازم و اسيل واقفة في حالة يأس منهم..
اسيل:ممكن تهدوا شوية؟!انتوا عارفين عصمت هانم لو شافتكم بتتصرفوا كدة هتعمل فيكوا ايه..
جودي(بعصبية):خليه يوديني الدفتر يا اسيل هو بتاعي..
حازم(بصدمة):ايه ده؟!
جودي و اسيل بصوا ناحية ما حازم بيبص لقوا شريهان نازلة علي السلالم و هي لابسة مش لابسة..
جودي و اسيل ضموا علي حازم و هما مصدومين..
اسيل:هي ازاي تخرج كدة من اوضتها؟!
حازم:هو ازاي اصلا باسل سمح ليها بكدة؟!
جودي:تفتكروا ردة فعله ايه؟!
شربهان(بتكبر):مالكوا بتبصوا كدة ليه؟!
عفاف كانت نازلة لقت شريهان شهقت و حطت ايديها علي صدرها..
عفاف:الله يخرب بيتك انتي لابسة كدة ليه؟!باسل لو شافك هيقتلك...
شريهان(بسخرية):ما ده اللي انا عايزاه..
باسل كان طلع من اوضته و هو بيبص في ساعته لقي عفاف بتبصله..
عفاف:انت شايف الهانم؟!
باسل(ببرود):مرات عمي انا مش فاضي لرغي الستات ده..
عفاف:ما تبص شوف مراتك لابسة ايه و في شباب و بنات لسة متجوزتش في ام البيت ده..
باسل بص ل شريهان من تحت ل فوق و خد باله هي لابسة ايه قرب منها ببطء و عرف هي قصدها ايه باللي هي عملاه ده..
باسل(بهدوء):تطلعي اوضتك تغيري بدلة الرقص اللي انتي لابساها دي احسن و ربي و ما اعبد يا شريهان لابيتك في الاوضة اللي تحت و ما ادراكي ايه الاوضة اللي تحت..
شريهان بلعت ريقها بتوتر و بعدت عن باسل خطوتين..
شريهان:حاضر..
شريهان سابت باسل و طلعت اوضتها جري و باسل نزل ل تحت لقي اسيل و جودي و حازم...
باسل:خير؟!ملمومين كدة ليه؟!
جودي:كنا بنتفرج يا ابيه...
باسل ضرب جودي علي رأسها بخفة و بص ل حازم
باسل:عايزك تعالي ورايا..
باسل خرج بره القصر و حازم وراه و قعدوا في الجنينة..
حازم:ايه؟!
باسل:بالنسبة للشركة اللي جنابك مش بتعتبها..
حازم:مين قال كدة بس ده انا بشرف عليها من هنا..
باسل(بحدة):و هو ده منطق؟!هتنزل تشتغل فيها من النهاردة..
حازم:طب خليها بكرة طب..
باسل:آخرك بكرة لكن و ربي يا حازم لو ملقتش تغيير هتزعل مني..
حازم:حاضر...
باسل:عامر..
عامر:نعم يا بيه..
باسل:خليهم يجهزوا الفطار يلا..
عامر:امرك يا بيه..
حازم:هو انت فيك ايه متغير عن كل مرة شوفتك فيها؟!
باسل:مفيش شوية مشاكل في الشركة بتاعتي..
حازم:انت قدها..
امل:باسل بيه عصمت هانم منتظرة حضرتك في اوضة المكتب..
باسل:طيب..
باسل قام و راح لاوضة المكتب خبط و دخل..
عصمت:قرب..
باسل:نعم...
عصمت:شايفة احوالك اتغيرت ممكن اعرف ايه السبب؟!
باسل:مفيش و لو ده الموضوع مش عايز اتكلم..
عصمت(بحدة):لا ما انا لازم افهم..ايه اللي بيحصل؟!
باسل(بانفعال):اللي بيحصل اني كل يوم بأجي احط رأسي علي المخدة مبعرفش انام عارفة ليه لاني ظلمت اكتر انسانة حبتني و قتلت روحها..فاهمة انا مش قادر انسي و مش قادر اكمل حياتي..مش قادر امثل الدور ده تاني..
عصمت قامت وقفت و حطت ايديها علي كتف باسل..
عصمت:محدش بيحبك في الدنيا دي قدي محدش هيخاف عليك قدي...فوق يا باسل و انسي هي و عائلتها غلطوا...
باسل(بانفعال):هي غلطت في ايه؟!هي غلطت في ايه ردي عليا؟!انها تبقي من العائلة مثلا..
باسل(بانفعال):بس هي كانت مراتي انا خدعتها ضحكت عليها عذبتها..ده كله ليه علشان انتقم من اهلها علشان اخليكي تشوفي نظرة الانكسار في عينهم..
باسل(بانفعال):للاسف احنا انتقمنا بس انتقمنا من الاشخاص الغلط..
باسل(بانفعال):وجد لغاية دلوقتي محدش عارف عنها حاجة...وجد..
عصمت(بغضب):انت حبيتها؟!
باسل(بانفعال و دموع):هي اجبرتني هي اجبرتني اني احبها..
عصمت(بغضب):من هنا و رايح تنسي حد اسمه وجد و تنسي انك كنت متجوز انت مش متجوز غير شريهان بنت خالتك..
عصمت(بغضب):اي حاجة تربطنا بعائلة الصياد ابدا يا باسل مش هسمحلك..
باسل بص ل عصمت و سابها و مشي...
*******************************
_عدي شهرين...
"وجد اتعافت تماما من أي آثار في جسمها و من المخدرات,و بدأت تشتغل مع سيف و لؤي في الشركة و لحد الان محدش يعرف عنها حاجة..
باسل مبقاش يرجع القصر الا كل فين و فين و دايما في الشركة او في شغله التاني و اتغير للاسوأ..
كارما كانت بتقابل احمد بس كل فترة و كانوا بيتكلموا في التليفون...
عصمت في قمة غضبها من باسل و تصرفاته اللي بيعملها...
علي و ثريا في تقلبات مزاجية,كانت ثريا تكلم وجد كل فترة..
ياسين لحد الان في الغيبوبة,قصي و احمد بيدوروا علي وجد و بيعملوا اقصي جهدهم علشان يلاقوها...
شريهان دايما بتطلع ل باسل في كل مكان بيروحه"..
باسل كان قاعد في الڤيلا بتاعته بيشرب كحول و باصص قدامه بيفتكر كل لحظة مرت بينه و بين وجد..
عصمت(بغضب):لحد امتي؟!
باسل:ايه اللي جابك؟!
عصمت(بغضب):ملكش فيه...قولي لحد امتي هتفضل كدة؟!
عصمت(بغضب):عاجبك حالك؟!انت الكبير العاقل حتة بت لا راحت و لا جت تعمل كدة فيك..
عصمت(بغضب):فيها ايه زيادة عن بنت خالتك؟!
عصمت(بغضب):خلاص اتجوزتها بغرض الانتقام من اهلها و خلص الموضوع...شفيت غليلي و غليلك..
عصمت(بغضب):و طلقتها و غارت في ستين داهية..
عصمت(بغضب):انت عايز ايه تاني؟!رد ايه اللي حصلك؟!
باسل(بانفعال):ان قلبي حب..اللي حصل ان قلبي حب..قلبي بيتحرق كل يوم في بُعدها..حاسس بخناجر في قلبي من يوم ما سابتني..
باسل(بانفعال و دموع):حاسس بفراغ..مبعرفش انام لو نمت مش بحلم الا بيها..انا حاسس نفسي اني في كابوس كبير مش عارف هصحي من النوم امتي..
باسل(بانفعال و دموع):علمتني اسهر الليالي في حبها..
باسل(بانفعال و دموع):علمتني اموت و انا عايش..
باسل(بانفعال و دموع):مش قادر انسي مش قادر حاولت حاولت كتير بس مش قادر...انا بشر مش انسان آلي لما تقوليله انسي هينسي..
باسل(بانفعال و دموع):ذنبي إني حبيت لو ده ذنب يبقي انا بتعاقب عليه ب بُعدها...
عصمت كانت مصدومة من كلام باسل و انفعالاته..
عصمت:برضو يا باسل محدش هيحبك قدي..
باسل(بسخرية و دموع):و هو مين قالك انها بقت تحبني اصلا..
باسل(بدموع):مين قالك انها ممكن تسامحني اصلا؟!
باسل(بدموع):مين قالك انها هتقبل تبص في وشي؟!
باسل(بدموع):انا حتي مش قادر اعرف هي فين و بتعمل ايه و احوالها و اخبارها...انا خدت وردة رجعتها تراب انا قتلت روحها..فاهمة؟!
باسل(بصريخ و دموع):انا بتعذب قلبي بيموت في اليوم الف مرة في بُعدها...لو عندك حل قوليه ممكن اتخلص من عذابي..
عصمت(بحدة):هترجع من بكرة القصر..
عصمت مسكت شنطتها و خرجت بره الڤيلا لما هي مشيت سليم دخل كان واقف و سمع الحوار..
سليم:باسل..
سليم قرب من باسل و باسل قعد يعيط زي الطفل الصغير في حضنه..
سليم:اهدي يا صاحبي اهدي..
سليم:هترجع و هتبقي كويسة و هتسامحك كمان..
باسل(بعياط):متوقعش...
سليم:توقع يا صاحبي...و انا هدورلك عليها كمان..
باسل قعد يتكلم عن وجد مع سليم لغاية ما نام من كتر التعب و العياط..
سليم:سامحني مش عارف اعملك حاجة..
****************************
-في مكان تاني...
_عند وجد..
كانت وجد بتلبس لؤي المحبس في ايده اليمين و هو بص ليها و ابتسم و مسك ايديها و باسها..
سيف:مبروك يا حبايبي..
وجد:الله يبارك فيك يا خالو..
وجد حضنت سيف و لؤي حضن سيف..
لؤي:لا لو سمحت خطيبتي متمسكش ايديها..
سيف(برفعة حاجب):بتقول ايه مسمعتش؟!
لؤي(بتوتر):يعني مش اوي..
سيف و وجد ضحكوا علي لؤي و كان في بعض الحاضرين و وجد رفضت وجود الصحافيين..
وجد شردت في اللي حصل من يومين..
_Flash back..
وجد خرجت من المستشفي بعد ما اتأكدت انها اتعافت تماما من اي آثار في جسمها...
وجد وقفت قدام البحر و خدت نفس عميق رفعت ايديها الشمال و بدأت تقلع دبلة باسل...
وجد:مبقاش ليك لازمة في حياتي..
وجد رمت الخاتم و قامت من مكانها لفت لقت لؤي..
وجد:يا ابني خضتني..
لؤي:تتجوزيني؟!
وجد(بضحك):بتهزر تاني يا ابني الحاجات دي مفهاش هزار..
لؤي:مش بهزر انا وحيد و انتي وحيدة يعني نتجوز..
وجد:و هو علشان احنا الاتنين وحيدين..و كمان انا مش وحيدة انا عندي خالو سيف..
لؤي:طب يا ستي انا عايز اتجوزك و عارف كل حاجة و مش شفقة و هتجوزك لانك طيبة و تتحبي...
وجد:لؤي..
لؤي:طب بصي نتخطب و بعدين نتعرف علي بعض اكتر و تحاولي تنسيه معرفتيش يا بيبي عادي هنفسخ الخطوبة و صحاب و اخوات عادي..
وجد:صدقني انا..
لؤي:الخطوبة بعد يومين و خالك عارف...متخلنيش اخسر الرهان دول خمسة مليون يا بنتي..
وجد(بتنهيدة):لؤي..
لؤي:قلب لؤي..
وجد(برفعة حاجب):هنبدأ من دلوقتي..
لؤي(بضحك):بهزر بهزر..
وجد:موافقة و امري لله..
_Back...
وجد بصت علي الدبلة اللي في ايديها و بصت ل لؤي و خدت نفس عميق و حضنت سيف..
سيف:حبيبة خالك...لو زعلك بس او ضايقك تعالي قوليلي هعلقه...
وجد:طبعا يا خالو ده انا ما هصدق..
لؤي:اه ده انتوا عصابة بقي..
وجد:ايوه عندك مانع..
لؤي:انت تعمل كل اللي انت عايزه يا كبير...
الناس مشيت و متبقاش غير لؤي و سيف و وجد و قعدوا يتصوروا بالموبايلات..
وجد طلعت اوضتها و قعدت علي السرير بتعب لقت تليفونها بيرن..
الخط اتفتح..
وجد(بالفرنسية):مين؟!
...(بالفرنسية):
وجد(بالفرنسية):تمام بكرة حاضر..
وجد قامت خدت دوش و غيرت هدومها"وجد لبست بيجامة قصيرة باللون الاسود و رفعت شعرها علي شكل ديل حصان"..
وجد نامت علي السرير بتعب شديد..
_في الصباح الباكر...
وجد قامت من نومها و غيرت هدومها و نزلت ل تحت لقت لؤي..
وجد:انت مقيم عندنا..
لؤي:وجد بقالي كتير مشوفتكيش..
وجد:يا ظريف...يلا هروح مشوار و جاية..
سيف:راحة فين؟!
وجد:راحة اجيب الديب من ديله..
وجد سابتهم و جريت بره الڤيلا و لؤي و سيف بصوا ل بعض و سيف بصله باطمئنان...
_بعد فترة في الشركة...
لؤي و سيف كانوا بيشتغلوا في ورق مهم لقوا وجد داخلة ليهم و قعدت قدامهم..
لؤي:مالك؟!
سيف:ايه يا حبيبتي مالك؟!
وجد:لازم اسافر مصر..
سيف(بصدمة):ليه؟!
لؤي(بقلق):حد حصله حاجة؟!
وجد:
سيف:و اشمعنا انتي؟!
وجد:لما انزل هعرف..
سيف:لو هتنزلي هتنزلي انتي و لؤي و هتشتغلوا في الفرع اللي في مصر..
وجد:معنديش مانع..
سيف:لؤي سيبنا لوحدنا..
لؤي:تمام..
سيف قام و قرب من وجد و قعد علي ركبته..
سيف:وجد مش عايزك تضعفي متضيعيش التلت شهور دول..انتي قوية هتنزلي مصر و هتعيشي حياتك و هتتعاملي عادي مع لؤي لؤي دلوقتي خطيبك و صاحبك و اخوكي يعني تتطمني و انتي معاه هيعمل كل اللي في وسعه علشان يساعدك و ممكن يضحي بحياته كمان..
سيف:اياكي تنخدعي بالمظاهر تاني اعرفي مين بيحبك و مين عايزك مصلحة..
سيف:فاهمة يا حبيبتي؟!
وجد:ربنا يخليك ليا يا حبيبي..
سيف باس رأس وجد و وجد حضنته و كملوا باقي اليوم شغل..
*****************************
-في مكان تاني...
_عند ثريا و علي..
علي كان قاعد بيتفرج علي التلفزيون و ثريا خرجت من اوضتها و قربت قعدت جمبه..
علي:عايزة حاجة؟!
ثريا(بتوتر):عايزة احكيلك حاجة بس و النبي متزعقش و لا تزعل..
علي كتم صوت التلفزيون و بص ل ثريا باهتمام..
علي:قولي..
ثريا(بتوتر):انا كنت كنت..
علي(بهدوء):ثريا قولي و اتكلمي من غير توتر انا سامعك...
ثريا:انا طول الفترة دي كنت بكلم وجد...
علي بص ل ثريا و بص ل معالم وشها..
علي:تعرفي هي ساكنة فين؟!
ثريا:لا و الله معرفش و الصراحة لو كنت اعرف مكنتش هقول لان هي خلتني اوعدها..
علي:و انا مش عايز اعرف و مش عايزك تعرفي حد تاني انك بتكلمي وجد يا ثريا..
علي:باسل غلط و يتحمل نتيجة اغلاطه..
ثريا:يعني انت مش زعلان مني؟!
علي شد ثريا لحضنه و باس كتفها..
علي:تؤ مش زعلان منك..
ثريا:شكرا علي ثقتك..
علي:كل ما هتعملي حاجة تعجبني هجبلك هدية..
ثريا(بهمس):هو انت اصلا بيعجبك حاجة؟!
علي سمعها و رفع حاجبه ل فوق و بص ليها...
علي(بخبث):تصدقي البيجامة حلوة عجبتني..هوديكي هدية حلوة هتعجبك..
ثريا بصت ل علي باستغراب و بعدها فهمت هو قصده ايه و زقته و طلعت تجري..
علي قام وقف و جري وراها و هي طلعت جري علي اوضة علي و علي دخل اوضتها..
علي:يعني جايالي بنفسك اعمل فيكي ايه بس؟!
علي زق ثريا علي السرير و قرب منها..
علي:انا بقي مش بيعجبني حاجة صح؟!
ثريا(بتوتر):انت فاهم غلط..احم انا اقصد انه يعني انا معملتش حاجة علشان تعجبك شوفت فهمت غلط ازاي؟!دايما ظالمني كدة و الله..
علي قرب من ثريا و (لخيالكوا)..
ثريا:ينعل ابو اليوم اللي خلاني اخرج من اوضتي النهاردة..
علي ضحك علي ثريا و خدها في حضنه و ناموا علي السرير كل واحد ساكت بس حاضنين بعض..
علي:ا...
جرس البيت رن..
ثريا:قوم افتح..
علي:طيب..
علي نزل ل تحت و فتح الباب لقي بنت دخلت..
بنت:وحشتني يا علي..
علي(بحدة):نزلي ايدك دي...انتي ايه اللي جابك هنا؟!
بنت:ايه هو انا موحشتكش...نسيت ايام بوسي..
ثريا كانت فوق قامت عدلت هدومها و نزلت علي السلالم وقفت مربعة ايديها بتسمع هما بيقولوا ايه..
علي(بحدة):انتي يا بت غوري يلا اطلعي بره..
بوسي:لا اصل هبقي مقيمة هنا قريب...
علي(بحدة):و ده ليه يا روح امك؟!
بوسي:اصل انا حامل يا عمري..
ثريا شهقت و علي بص ليها بصدمة,ثريا نزلت من علي السلالم دخلت اوضتها و قفلت الباب و قعدت في الارض تعيط..
علي مسك دراع بوسي جامد و شدها ناحيته..
علي(بغضب):حامل من مين يا بت؟!ده انتي تروحي تشوفي كنتي مع كام واحد غيري و بدل ما ترمي القرف ده ليا ارميه علي غيري..
بوسي:لا اصل الام هي اللي بتعرف مين ابو الطفل و انت هو ابوه...
علي(بغضب):غوري و امشي من وشي..
علي طرد بوسي بره البيت و قفل الباب راح لاوضة ثريا..
علي:ثريا افتحي انا طردتها كلامها مش صحيح صدقيني..
علي فضل ينادي علي ثريا بس هي مردتش..
علي:صدقيني انا كنت كدة زمان اه و انتي عارفة بس من ساعة ما اتجوزتك لحد الان ملمستش و لا واحدة...
علي:صدقيني يا ثريا..
ثريا(بصريخ و عياط):مش عايزة اسمع حاجة..ابعد عني...
علي قعد في الصالة و هو حاطط وشه بين ايديه...
****************************
-في مكان تاني...
_في المستشفي...
احمد:ها ايه الاخبار؟!
قصي:لسة مفاقش بس انا حاسس براحة النهاردة و حاسس انه هيفوق..
احمد:يا رب..
احمد(بهمس):اخبار العروسة ايه؟!
قصي(بهمس):ملكش دعوة و خليك في حبيبتك..
احمد(بهمس):انا غلطان كنت هقولك لو محتاج اي مساعدة قول انا اخوك الكبير...
قصي(بهمس و غيظ):خليك في حالك يا عم..
ماجدة:بتقولوا ايه؟!.
قصي:مفيش..
ماجدة:انا هروح مشوار مهم كدة و راجعة..
احمد:طيب..
ماجدة خرجت بره المستشفي...
قصي:دكتور..
الدكتور:اتفضل..
قصي:مفيش اي امل؟!
الدكتور:انا داخل افحصه..
الدكتور دخل يفحص ياسين و لقي ان اشارات مخه مستجابة..
الدكتور:متقلقوش يومين بالكتير و هيفوق..بالشفاء..
احمد:شكرا يا دكتور..
يوسف:ها ايه الاخبار؟!
قصي:يعني ان شاء الله قرب...
يوسف:اومال فين ماجدة قالت انها جاية؟!
احمد:جت و قالت هتروح مشوار..
يوسف:طيب..
_عند ماجدة..
ماجدة:لو سمحت عايزة ادخل ل باسل بيه..
سمية:اقوله مين؟!.
ماجدة:ماجدة الصياد..
سمية:لحظة ابلغه..
سمية دخلت لاوضة باسل و بلغته...
باسل:دخليها..
ماجدة:مساء الخير..
باسل(بهدوء):خير؟!
ماجدة:ازيك يا حبيبي..
باسل(بهدوء):انجزي عايزة ايه؟!.
ماجدة:جاية اتطمن عليك..
باسل بصلها باستغراب شديد و دهشة..
باسل:ده بدل ما تيجي تهينيني علي اللي عملته في بنتك؟!
ماجدة:انت مبتغلطش يا حبيبي...
ماجدة قربت من باسل و نزلت ل مستواه و بصت في عيونه...
ماجدة:باسل..
باسل:خير؟!
ماجدة:بحبك..
باسل بِعد بالكرسي فورا بعيد عن ماجدة و قام وقف بصلها بصدمة و مش مستوعب ايه اللي بيحصل..
باسل:انتي انتي ازاي كدة؟!انتي سامعة اللي بتقوليه؟!.
ماجدة:انا مش باين عليا سن بص انا بجد حبيتك يا باسل..
ماجدة مسكت ايد باسل و باسل شد ايده بعنف منها..
باسل(بحدة):اخرجي بره احسن ما اناديلك الامن...
ماجدة:باسل..
باسل(بغضب):هتخرجي و لا؟!
ماجدة سابت باسل و خرجت بره الشركة و باسل مكنش مستوعب اللي هي بتقوله..
الباب خبط...
باسل:ادخل..
سليم:اللواء عايزنا..
باسل:فين؟!
سليم:في مقرنا المخفي..
باسل(بتنهيدة):شكلنا بدأنا في الجد..
سليم:ايوه...
باسل:يلا..
باسل خد حاجته و خرج هو و سليم كل واحد ركب عربيته و راحوا ل شغلهم...
******************************
-في مكان تاني..
_في القصر..
عصمت كانت قاعدة في اوضتها بكل جمود و باصة للاشئ...
_تحت..
جودي:ايه يا بت الهدوء اللي انتي فيه ده؟!
اسيل:خير؟!
جودي:مشوفتيش الحاجة وهي بتزعق..
اسيل:ده العادي..
جودي:يالهوي يا بت..
اسيل:جودي روحي اعملي شوبينج مع صحابك متوجعيش قلبي...
جودي:عيل رخم..
عيل:متشكرين يا رجولة..
امل:ست نعمة جت..
عفاف:اوف جبروت تاني جه...
جودي:يالهوي هي كانت ناقصة..
نعمة(بحدة):بتقولي حاجة يا جودي؟!
جودي(بخضة):عمتو..حبيبتي وحشتيني..
نعمة:واضح..
اسيل:ازيك يا عمتو..
اسيل راحت حضنت نعمة و باستها..
نعمة:حبيبتي انتي اخبارك ايه؟!
اسيل:بخير طول ما انتي بخير يا عمتو..
نعمة:اتعلمي يا جودي اتعلمي الاخلاق..
جودي:طبعا يا عمتو..
عفاف:ازيك يا نعمة..
نعمة:بخير..المهم انك تكوني مريحة معتز احسن ما اقلب عليكي..
عفاف(بتوتر):هو حد يقدر يزعل معتز بس..
عفاف(لنفسها):هي بدأت من دلوقتي يالهوي..
اسيل:سمر سهر..
اسيل جريت حضنت سمر و سهر جامد..
جودي:هاي..
سمر:هاي..
سهر:هاي..
شاب:انا هروح امشي بقي..
اسيل:تؤبرني ها العيون..
شاب(بضحك):يالهوي يا بت لسة فاكرة..
اسيل(بضحك):ده انت يومها اتظبطت من عصمت هانم..
شاب:يا بت متجبيش سيرتها قدامي دي بتخوف..
جودي:ازيك يا طارق..
طارق:بخير يا جودي...اخبارك؟!
جودي:الحمدلله بخير...
طارق:طيب..و انتي يا اسيل ايه الدنيا معاكي؟!
اسيل:عايشة..
جودي:اومال فين رضوان يا طارق؟!
طارق:اخرجي شوفيه بره..
جودي سابت طارق و خرجت ل بره لقت رضوان داخل القصر جريت عليه حضنته..
رضوان:بدأنا وصلة النكد يا بت؟!
جودي:انا غلطانة وسع كدة..
رضوان:انا اقصد احنا لسة جايين يعني مفيش حاجة لحقت تحصل..
جودي(بغيظ):لا في..
رضوان:طب بس اسلم علي الباقي و اطلع اخد دوش و اغير هدومي و انام و لما اصحي نكدي براحتك..
رضوان مسك ايد جودي و دخل بدأ يسلم علي كل اللي موجود..
نعمة:فين عمصت؟!
امل:في اوضتها يا هانم..
نعمة:اطلعي بلغيها اننا وصلنا..
امل:حاضر..
"نعمة:-عمة باسل اخت باباه و جوزها متوفي و كانت عايشة في امريكا بس محتفظة بالعادات بتاعت مصر,قوية الشخصية و شديدة الطباع بس بالرغم من ده حنينة"..
"رضوان:-الابن الكبير ل نعمة و شخصية مرحة و بيحب الشغل عنده 28 سنة...جودي بتعتبره اخوها الكبير"..
"طارق:-اخو رضوان عنده 25 سنة بيحب يضحك و يهزر و يخرج و ملهوش في الشغل بيفضل اسيل عن الكل"..
"سمر و سهر:-تؤام عندهم 22 سنة مبيحبوش يجيوا مصر بس غصب عنهم لازم يسمعوا كلام نعمة,الاتنين شخصياتهم عكس بعض"..
"اسيل:-عندها 24 سنة بتحب الورد و الرسم و كل حاجة ليها علاقة بالفن هادئة جدا و الكل بيحبها"..
"جودي:-عندها 22 سنة مشاغبة بتلف علي كل العائلة مبتحبش تقعد كدة في مكانها ساكتة خالص مرحة"...
"حازم:-عنده 26 سنة بيحب الضحك و الهزار بس وقت الجد بيقلب و بيبقي قد المسئولية"..
امل:بلغتها يا هانم..
عصمت:نورتي يا نعمة..
نعمة:بنورك..
عصمت:اقعدوا..
نعمة:قررنا نقيم هنا..
عصمت:البيت بيت اخوكي يا نعمة..
نعمة:ربنا يرحمه..
عصمت:يا رب..
نعمة:ايه اخبارك؟!
عصمت:بخير..
رضوان:ازيك يا عصمت هانم..سعيد اني شوفتك..
عصمت:تسلم يا رضوان..
عصمت:كل واحد يطلع اوضته يرتاح و نتلاقي بليل يكون باسل رجع من شغله..
طارق:واحشني اوي..
سمر:هو عارف اننا جايين؟!
عصمت:اه..و شريهان مراته فوق لو عايزين تسلموا عليها..
سمر بصت بصدمة ليها و سابتهم و طلعت اوضتها..
و كل واحد بدأ يطلع اوضته..نعمة و عصمت خرجوا للجنينة و بدأوا يتكلموا...
*****************************
-في مكان تاني...
_عند وجد...
وجد نزلت من الطيارة هي و لؤي بكل هدوء و ركبوا العربية الي كانت في انتظارهم..
لؤي:بقالي كتير مجتش مصر..
وجد:علي الرغم من انها حلوة اوي بس لو دخلت شوارعها بليل هتلاقيها مخيفة و كل شارع بيحمل حكاية مؤلمة لحد..
العربية وقفت قدام فندق و الاتنين نزلوا..
لؤي:نتقابل الساعة 5..
وجد:طيب..
كل واحد طلع لاوضته و وجد اترمت علي السرير بتعب و نامت شوية و بعدها قامت خدت دوش و غيرت هدومها..
"وجد لبست بليزر باللون الاسود بكم لغاية قبل الركبة بشوية مقفول,لبست صندل بكعب اسود و سيبت شعرها علي ضهرها و حطت روچ هادئ جدا و اختارت شنطة باللون الابيض يد و حطت البرفيوم بتاعها"..
وجد لقت الباب بيخبط راحت فتحت الباب لقت لؤي في وشها و هو بيصفر...
وجد(بابتسامة):خلصت؟!
لؤي:ايوه خلصت..تسمحيلي؟!
وجد بصتله بعدم فهم لؤي مسك ايديها و باسها و خدها و خرجوا بره الفندق...
لؤي:لازم المشوار اللي انتي رايحاه ده؟!
وجد:ده من السفارة و الموضوع اكيد مهم..
لؤي:طيب بعد المشوار ده هأخدك و هنخرج..
وجد:تمام..
لؤي:اركبي..
وجد:شكرا يا سيد لؤي..
وجد و لؤي ركبوا عربية لؤي و راحوا ناحية مول كبير..
لؤي:هستناكي في العربية..
وجد:تمام..
لؤي:خلي بالك من نفسك..
وجد:انا ههاجر يا ابني؟!
لؤي:متتأخريش طيب..هتوحشيني..
وجد:حاضر طيب..
وجد دخلت و ركبت الاسانسير طلعت للدور الخامس,وجد لقت كافيه و اختارت ترابيزة قعدت عليها و بصت في ساعتها بملل..
راجل:لا متخافيش مواعيدنا مظبوطة..
وجد(باحراج):احم حضرتك مين؟!
الراجل قعد قدام وجد و مد ايده ليها..
راجل:انا اللي انتي مستنياه..انا اللواء كمال..
وجد:ممكن افهم ايه السبب؟!و انا ليه السفارة رجعتني مصر؟!انا مش فاهمة حاجة..
كمال:هتفهمي كل حاجة بس ممكن تيجي معايا؟!
وجد:في حد منتظرني تحت..
كمال:مش هنخرج بره المول اصلا..تعالي بس..
وجد:ماشي و امري لله..
كمال(بابتسامة):متخافيش..
كمال و وجد ركبوا الاسانسير و نزلوا للدور الاول,وجد كانت هتخرج بس الاسانسير اتحرك ل تحت..
وجد(بخضة):ايه ده؟!.
كمال(بابتسامة):قولتلك متخافيش..
وجد لقت الاسانسير اتحرك ل تحت خالص و وقف,باب الاسانسير اتفتح و كمال خرج..
كمال:تعالي..
وجد خرجت مع كمال لقت ممر كبير مشيت فيه ورا كمال و كمال اتحرك يمين و وجد وراه..
كمال:اللي احنا مختارينك فيه مهمة كبيرة هيكون ليكي دور فيها..و ده المقر بتاعنا اللي بنخطط فيه قلة من الناس اللي عارفين المكان ده و كونك دخلتيه يبقي تأكدي انك محل ثقة..
وجد:ليا الشرف اني اكون محل ثقة للحكومة..
كمال(بضحك):هنا في كل ما تتخيليه..ظباط من كافة الجهات..
وجد:طيب..
كمال:جاهزة؟!
وجد خدت نفس عميق و هزت رأسها بمعني اه,كمال فتح الباب....
كل اللي كانوا قاعدين قاموا وقفوا لما لقوا كمال..
باسل رفع رأسه ببرود و اول ما شاف وجد اتصدم,وجد اول ما دخلت لقته في وشها و آخر ذكري عدت قدامها في اقل من لحظة..
.
.
.
***************************
يتبع::::::::♥️..
بحبكوا♥️..
رأيكوا يهمني♥️..