"أسكربتات"

scripte "2"✨

'' وبعد كدة إتكلمنا كل واحد هيجيب أكل إيه ولمينا الفلوس ووديناها لأحمد ، وقولتله يجيب الأكل من مطعم بعيد عشان يتأخر ..ورجعت دخلت المطبخ ، ماكنش فيه عصير يكفّي كوبايتين ، هي كوباية واحدة فاقولت مش مشكلة هخليها لمروان ، صبيت العصير في كوباية وطلعت كيس البدرة من جيبي وفتحته وكنت بحط بشويش في الكوباية عشان ماينفعش أزود الجرعة ..''

- أحمد : خالد إنت قولتلي إنت طالب أكل إيه ..

'' خضني لما دخل عليا المطبخ فجأة والكيس كله إتكب في العصير ، إتضايقت لإنه ماينفعش خلاص يشربه دلوقتي وإرتبكت لإن أحمد شاف ، كان بيبصلي وهو مصدوم ..''

- أحمد بصدمة : إنت بتعمل إيه ؟
= خالد بإرتباك : ...
- أحمد : إنت بتتعاطي القرف دا ؟ وحاطه في العصير ليه ؟ ، ولا إنت حاطه لمروان ؟

'' بصيتله من غير ماتكلم بس هو فِهم ، لسة بيفهمني رغم إننا بعدنا عن بعض بقالنا سنين ، قرب مني وقال ..''

- أحمد : للدرجادي بتغير عليا ؟

'' إتفاجئت إنه واخد باله ..''

= خالد : يعني إنت واخد بالك أهو
- أحمد : الحقيقة أنا ماكنتش واخد بالي ، بس مروان اللي لفت نظري ، وهو عنده حق وإنت كمان عندك حق ..أنا آسف لو كنت بعدت عنك وخليتك تحس إحساس وِحش من ناحية مروان ، أنا أبداً ماكنتش قصدي أبعد
= خالد : أمال كان قصدك إيه ؟ تشوف بديل ؟
- أحمد بإبتسامة : عارف العيال اللي برا دول كوم ، وإنت لوحدك عندي كوم تاني خالص ، إنت أخويا وصاحب عمري يلا ..إزاي فكرت إن أنا ممكن أبعد ، هو أي نعم مروان شخص كويس جداً وغيّر فيا حاجات وحشة كتير بس برده ، أنا ماقدرش أستغني عنك إنت

'' فرحت جداً بالكلام اللي قاله ، كان نفسي أسمعه منه من زمان أوي ، حضنته وهو كمان ، وقولتله ..''

= خالد : ربنا يخليك ليا
- أحمد بإبتسامة : ويخليك ليا

'' وبعد كدة بَص لكوباية العصير وقالي ..''

- أحمد : قولي بقا كنت ناوي تعمل إيه بالعصير دا ؟

'' حكيتله اللي كنت ناوي أعمله ، ضِحك وقال ..''

- أحمد بضحك : يحرق شيطانك ياأخي ، إيه تفكير إبليس دا
= خالد بإبتسامة : ...
- أحمد : إنت طبعاً مش هتخليه يشرب العصير دلوقتي
= خالد : للأسف ، الكيس كله إتكب في العصير
- أحمد : الحمد لله ، دي جت من عند ربنا ، صدقني مروان شخص كويس جداً وأنا هخليكوا تقربوا من بعض وصدقني هتحبه جداً
= خالد : ...
- أحمد : أنا ماشي بقا ، قولي صحيح عايز إيه

'' قولتله اللي أنا عايزه وبعد كدة مشي هو وخرج من المطبخ ، وبعدين رجع يهزر وقال ..''

- أحمد : إوعي ياض أمشي من هنا تشرّبه العصير من هنا ، إفتكر إني قولتلك بلاش
= خالد : ياعم إمشي بقا قولتلك الخطة باظت أصلاً