"أسكربتات"

scripte "2"✨

- زياد : إنتِ عارفة إني بحبك من وأنا عيّل وماشوفتش غيرك طول عمري ، عشان كدة يوم ماكتشفت إن اللي إحنا بنعمله دا غلط قررت أكلمك فيه ونبطله سوا ، أنا عايز أحافظ عليكي من نفسي ..وأحاول أبعد عشان في الآخر ألاقيكي وأتمني تساعديني في دا ، وإوعي أبداً تفتكري إني بتخلي عنك ..أنا عمري ماهسيبك ، وهاجي إن شاء الله وهتقدملك ..معرفش إمتي بالظبط بس اللي عارفه إني هاجي ، إنتِ بس إستنيني

'' وقفت قدامه وكنت مستغرب اللي عمله ..قفل معاها وكان باين عليه إنه مبسوط ، شكلها وافقِت علي القرار دا هي كمان ..''

= خالد : إنت هتسيب إسراء ؟
- زياد : أنا بتمسك بيها
= خالد : إنت خلاص سمعتلك كلمتين من مروان هتصدقهم وتسيب حب عمرك ؟
- زياد : قولتلك مش بسيبها ، وأنا ماسمعتش كلام مروان من فراغ ..أنا مقتنع لاني بقالي فترة متردد في الموضوع دا وسمعته كتير
= خالد بغضب : خليه يسحبكوا كلكوا ليه لحد ماتبقوا متخلفين زيه
- زياد بغضب : فيه إيه ياخالد ، مالك ومال مروان واللي بيقولوا ..ومالك ومالي ؟ ، إنت كمان علي فكرة مقتنع بكلامه ، إنت من أربع سنين قولتلي تقريباً نفس الكلام لما جيت تقولي إنك بتحب سارة ، قولتلي مش هكلمها عشان هي محترمة وهي مش بتاعة الكلام دا ..فيه إيه بقا ، بطّل بقا غيرة من مروان ، بطّل تكون حقود

'' وسابني وقتها ومِشي ، كنت مصدوم وقتها من اللي بيقوله ..''

'' كنت بابص وقتها لزياد بعتاب إنه راح قال لأحمد إني بغير من مروان ، بس عنده حق ! ..أنا كنت السبب في كل اللي حصل تصرفاتي كلها اللي خلتهم يقولوا عني كدة ، اللحظة دي ولأول مرة كنت بتمني وجود مروان ، لانه الوحيد اللي فِهم والوحيد اللي عارف إني ماليش ذنب ! ..
سِكتنا كلنا ، ماحدش فينا كان بيتكلم ، لحد ماأحمد قال ..''

- أحمد : أنا مش عايز أشوفكوا تاني ، أرجوكوا إخرجوا من حياتي
= خالد بحزن : أرجوك ياأحمد أنا ...
- أحمد بغضب : أرجوك إنت كفاية ، إنساني ..إنساني وإبعد أنا بقيت بخاف منك
= خالد بصدمة : ...
- أحمد : بقيت خايف تقتلني زي ماقتلت مروان !

'' إنفعلت جداً في اللحظة دي ، حسيت إن الدم كان بيغلي في دماغي ووصلت لأعلي مراحل الغضب ، زقيته وقولتله ..''

= خالد بغضب : أنا ماقتلتهوش ، والله ماقتلته ..مش عايز تفهم ليه ، مش عايز تصدق ليه
- أحمد بغضب : عشان شوفتك وإنت بتحطله البدرة في العصير ، شوفتك وقتها ومنعتك وقولتلك بلاش ، بس إنت غيرتك وحقدك عليه منعوك وقتلته
= خالد بغضب : ماحصلش والله ماحصل ، ماودتهوش العصير والله
- كريم : أمال هو شربه إزاي ؟

'' بصيتله وأنا مصدوم ، بصتلهم التلاتة وقولتلهم ..''

= خالد : هو إنتوا كمان مصدقين ؟

'' بصولي من غير ماينطقوا ..''

= خالد بغضب : أنا لو قتلته يبقي كلكوا قتلتوه معايا ، كلكوا كنتوا عارفين إني حاططله البدرة في العصير وموافقين اللي كنت عايز أعمله
- عمرو : إحنا مش بنتهمك ياخالد ، إحنا بس عايزين نفهم ، إنت حاطتله البدرة في العصير وكلنا عارفين دا وهو شِرب العصير ومات ..يبقي فين اللي إحنا فاهمينه غلط ؟
= خالد بحزن : ...