"أسكربتات"

scripte"1"✨

المهم بعد م عرفنا كل المعلومات عنها وتحسي انها ي عيني كانت بترد كأنها تحت تهديد السلاح 😂
الموبايل بتاعها رن واستأذنت انها لازم تمشي بس اخواتي كانوا اتفقوا معاها انهم لازم يتقابلوا تاني قبل م تسافر ودا فعلا حصل..
رجعنا البيت ومكانتش في سيرة في بيتنا غير عنها
وصفوها لأمي طبعا ك مظهر خارجي يعني بالنقاب وطريقة كلامها واحترامها وادبها وخفة دمها
كنت مبسوط بصراحه جدا ان اخواتي حبوها لأنهم شويه بيكشوا من المنتقبات لانهم مش محجبات زي م قولتلك...
المهم كلمت والدها عرفته بنفسي وحددت معاه معاد.. كنت قلقان بصراحه جدا بسبب بُعد المسافه أن يحصل اعتراض من والدتي أو م أهلها بس والدها الحمد لله رحب جدا واتفقنا ع معاد
بدأوا اخواتي يخططوا كالعاده للسفر وهنسافر بالعربيه ولا قطر ويدوروا ع اقرب فندق لبيتها وهنقعد كام يوم لدرجة عملوا قُرعه ع الحاجه اللي هناخدها للناس واحنا رايحين 😃
حسيت بكل تصرف ليهم معايا هما أو والدتي انهم حقيقي في ضهري وهما اللي سندي واني افتقدت حنان وحب واهتمام كتير اوي في فترة بُعدي عنهم...

وحصل والحمد لله روحنا الزياره دي.. مش عارف هتصدقيني ولا لا لو قولتلك اني مكنتش مركز اوي ف اني هشوف شكلها اد م كنت مشتاق لطريقة كلامها وحركات اديها وهي بتتكلم وحماسها
ولما شوفتها حبيت فوق كل دا كل ايموشنات وشها اللي كانت متلازمه مع حركة ايديها...
كنت رايح انا ووالدتي بس وكنا متفقين ان اخواتي هيقعدوا في الفندق علشان مش منظر يعني نهجم ع الناس كلنا...
واحنا قاعدين وقبل م نمشي لمحت نظرة في عين والدتي حسستني براحه واتأكدت انها الحمد لله معندهاش مشكلة ومرتاحة...
رجعنا الفندق بعد م بلغتهم اننا قاعدين هنا كذا يوم ومستنيين ردهم بعد م هي قالت انها هتصلي صلاة استخاره
انا طبعا مكنتش محتاج لسه اصليها لاني م اول م بدأت التزم بالصلاة وانا يوميا بصلي استخاره فيها...
يومين ولقيت والدها بيكلمني وكانت الصدمه أنه اعتذر !!
انا كنت عامل زي المجنون واللي هو ازاي طيب بعد كل دا وبعد م حصلت المعجزه ووصلتلها الموضوع ميتمش !!
ولما ألحيت اعرف سبب الرفض قالي ان والدتها رافضه بسبب بُعد المسافة خاصة انها بردو البنت الصغيره وكمان بسبب الخوف الأزلي م كوني الولد الوحيد ع بنات طلبت منه اني أقابله بره البيت واتكلم معاه حسيت بشوية أمل لمجرد أنه وافق ع طول
قابلته واتكلمنا اكتر وحكيتله كل حاجه حصلت من وقت م قابلت بنته واد ايه انها كانت سبب في تغيير حياتي وقولتله مشاعري كلها وان مامتها في أي وقت تحب تشوفها هنجيلها وان اخواتي ووالدتي اتعلقوا بيها م قبل م يشوفوها اصلا.. وتقريبا صعبت عليه ف قالي انه هيحاول تاني مع والدتها وان تعلقها بيها اكتر سببه بردو انها ووالدتها متخرجين م كلية علوم وانها بتشتغل في نفس معمل والدتها ف يومهم وحياتهم كلها مع بعض وان مش بالسهل تبعد عنها بس كرر انه هيحاول...
وبعد م كنت حاسس ان ايه دا انا حصل معايا بجد #معجزة رجعت أحس باليأس م تاني وفضلت في كل سجده ادعي ربنا بمعجزة تانيه وهي موافقة والدتها وان ربنا يجعلها من نصيبي...
وربنا الحمد لله مخيبش ظني وحصلت المعجزة التانية ووافقت والدتها بعد م والدها شرح كل التفاصيل اللي انا حكيتها وحست اني بحب فعلا بنتها ومتعلق بيها واللي عرفته بعدين ودي كانت مفاجأة بالنسبالي ان هدى هي كمان كانت حاسه براحه م ناحيتي ف قدرت مع والدها يقنعوا والدتها واللي طبعا رمتلنا جملة يوم الاتفاق ان الخطوبة هتكون طويله بس الحمد لله حصلت المعجزه التالته واتخطبنا 4 شهور بس وكانت في بيتي وبقت قدام عيني ع طول❤️
وبعد م الكل كان بيقولي اني هقع ع وشي الكل بقى يقولي اني وقعت واقف
وقدرت هي بخفة دمها وروحها الحلوه تخلي كل اللي حوالينا يتعلق بيها وفضل اسمها يتردد بردو عند الكل ب -البنت بتاعت الكتاب-
وربنا يارب يجعل كل حاجه عملتها سواء ليا أو لأخواتي في ميزان حسناتها وانها كانت من ضمن أسباب لبس اخواتي للنقاب مش بس الحجاب بسبب ارتباطهم وتعلقهم بيها وهي بصراحه ذكية عارفه مدخل كل واحد فينا وربنا يباركلي في عمرها هي وأطفالنا يارب..
وبتمنى ان اللي يقرأ القِصة دا لو قدر يوصل اصلا للجمله دي بسبب طولها😃 يدعيلها حبيبتي ان ربنا يشفيها ويعافيها ويحفظها لينا وتفضل منوره حياتنا ومصدر الفرحه والسعاده لقلوبنا❤️

**** كنت مهتمه بصراحه اعرف هي كمان كانت اتعلقت بيه م اول مره بردو ولا لا ف سألته
قالي انها ارتاحت بعد يوم الرؤيه وبعد صلاة الاستخاره لكن قبل كدا لا
وانها هزرت معاه وقالتله أن بسبب دعائك كان مقطوع عني مياه ونور ومفيش حد اتقدملها خلال الفترة دي..
وانها كانت مسار سخريه وتهكم ف العيله بسبب تأخير زواجها وعللوا دا بدلع أهلها ليها وانها رايحه جايه ع القاهره كل شويه بسبب الكتب اللي هتضيع فيها عمرها.. واللي اصلا كل دا سبحان الله كان سبب لقاهم
يعني سبحان الله كان هي عندها يقين وحسن ظن في الله ان الزواج دا رزق مقدر ومكتوب وهيجي كدا كدا في وقته ف مكمله في حياتها عادي جدا وفي الجهه التانيه في شخص بيتشقلب وبيتغير وبيعمل المستحيل علشان يلمحها م تاني..

واكتشف هو كمان أن كأن ربنا حرفيا كان مسخر كل حاجه علشانه وعلشان يتغير ويقرب منه ويغير حياته
وان المده لحد م شافها م تاني كانت طولت لأن ربنا كان بيربيه بحيث يكون مؤهل وجدير بيها ويستحقها بما ان كانت حياة الاتنين مختلفه عن بعض تماما
وسبحان اللي جمع بين قلبين م أقصى الشمال واقصى الجنوب ❤️
🎀🎀🎀🎀🎀🎀🎀🎀🎀🎀
ينطبق بردو ع قِصتنا مقولة «العبد في التفكير والرب في التدبير»
بمعنى ان العبد عليه أن يفكِّر ويخطِّط ويأخذ بالأسباب، ثم لا يقلق ويترك على الرب أن يدبِّر له الطريق والوسيلة لتنفيذ ما خطّط..
وما أجمل تدابير الله واقداره 💙