عابر حياة (١٦)

الهدف ما هو الا حلم له نهاية

من انت ؟ اكيد راح تكلي اسمك ! يمكن عمرك او توصفلي شويه من نفسك او اي بيا مرحلة دراسية انت ... بس من صدك منو انت من بين ٧ مليار شخص ؟؟ لو انت رحت من الدنيا شنو راح يخسر العالم ؟ شخص عادي راح يخسره ؟؟ شنو تركت وراك؟ لو حاولت تبدي بهدف تبدي بيه يومك وتكعد الصبح عندك شي تسويه .. هدف تنفذه .. هدف تفكر بيه ان كان صغير او كبير هذا الهدف .. ابدي بيه صحيح راح تواجه مشاكل و عوائق بس العوائق (هي الاشياء اللتي تراها عندما تلتفت عن هدفك) ممكن تفقد الامل بتحقيقه و ممكن طريق الهدف طويل جداا بس الاهم انو تستمر بيه حته لو فشلت المهم توصله و تقتربله قدر الامكان .. حاول مرتين ثلاث مرات واستمر وراح توصل للهدف.. احلى لحظه هيه لمن يتحقق هذا الهدف تشوفه كدامك وتشوف تعبك ما راح و من الفرحة متصدك انو انت سويته .. هدفك راح يساعدك و يساعد غيرك .. بهاي اللحظة ارجع اسئل نفسك من جديد منو اني من بين ٧ مليار شخص ؟؟ فكر من جديد ! و خطط لهدفك اذا عندك اهداف كثيرة اكتبهن على ورقة و شوف شنو نهاية الهدف ؟ شلون احققه ؟ سوي جدول و اتبعه .. انت تكدر تسوي اي شي ! و اي شي مو مستحيل لان فعل المستحيل هو جزء من المرح و لتكول ما اكدر و مستحيل انت عندك كل الامكانيات و تكدر تسوي اي شي اذا حطيت جهدك و تفكيرك بيه فمثلا الجهاز اللي بأيدك انت هسه تأمله تكدر تسوي واحد منه ؟ راح تكول لاا بس ليش غيرك كدر يسويه ؟
عنده راسين ؟ لا هو مثلك بس جان عنده هدف ^_^

بقلمي .