لو بتحب أم كلثوم
احب اقولك ان "القلب يعشق كل جميل" وانت كل جميل ف عيني
ورغم هروبي من "سيرة الحب" لكن "دارت الأيام" وبقيت انت
" أمل حياتي" كأن هروبي كان عشان "انا بانتظارك"..وان كنت "هجرتك" يوم وبقيت "بعيد عنك" ف انا "كل ليله وكل يوم" اتخيلك والليل...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه السادسه من رواية " أ غدا ألقاك "
داليا : انا مصدومه ! كارما : ما طبعا لازم تقولي كده ! نهاد : كان ايه في دماغه يا بكر بكر : كل اللي هو عمله كارما هتضيعه عشان كده اداهم لداليا بس داليا : انا ؟؟ اشمعنا انا مااداهمش لماما ليه !؟ بكر : والدتك قلبها حنين كانت هتديهم بردو لكارما كارما : انا ماشوفتش اب كده في حياتي !! ربنا ينتقم منه نهاد : اخرسي !!!! كارما : اخرس ايه بقي يا شيخه اسكتي جتكوا القرف " تقوم كارما تحضر هدومها و داليا بتبصلها بعيون مدمعه " بكر : أستأذن انا بقي اظن كده وصلت الوصيه و ربنا يصبر قلوبكوا نهاد : شكرا يااستاذ بكر ، اتفضل " يمشي بكر و داليا قاعده مش مستوعبه اللي بيحصل " كارما : انا ماشيه و الوصيه بتاعت المحامس اللي انتي اتفقتي معاه عليها دي هعمل طعن فيها في المحكمه و هاخد فلوسي نهاد : في ستين داهيه " تروح نهاد تاخد شنطتها ترميها برا و تطلعها و تقفل الباب " نهاد : بقيت لوحدي خلاص ، معدتش ليا غيرك ! داليا : كله ورا بعضه ياماما ، بابا اداني مسؤليه انا مش قدها نهاد : كان كاتبلك ايه في الجواب " تفتح داليا الجواب " داليا : حبيبتي داليا ، حاسس اني مش هلحق اشوفك عشان كده عايز اقولك انك بنتي يا داليا من لحمي و دمي مش من ملجأ ، انا اللي ظلمتك " تعيط و تكمل كلامها بالعافيه " داليا : انا اتجوزت واحده زمان و لما طلقتها وديتك الملجأ و انا كنت عارف ، كنت متابعك لحظه بلحظه و انتي بتكبري بعيد عني ، لما اتجوزت نهاد و فضلنا سنه ماخلفناش اقترحت اني اتبناكي ، تخيلي اتبني بنتي ! انا الورث اللي كتبته ليكي تعويض عن اللي حصلك بسببي ، بحمد ربنا انه عوضك بأم زي نهاد يا داليا لا شوفت في حياتي ست زيها ولا هشوف ، انا موافق علي جوازك من تميم يا داليا متأكد من اختيارك ، اتمني تسامحيني ، بابا حبيبك❤ نهاد : ياااااااه ياااااااااه كل ده كان مخبيه عليا !!! داليا : مسامحاك يابابا ، مسامحاك🧡 " تعدي الأيام شيرين : اتفضل عمر : ده ايه ؟ شيرين : التحاليل اللي تثبت اني حامل ، ارجو انك تطلقني في هدوء ! عمر : وريني كده " يفتحها و يبص فيها " عمر : و دي بقي هتطلع مزوره زي المره اللي فاتت ؟ شيرين : انا مش مضطره اكدب عليك ! انت مش قولت هتطلقني لما هي تيجي ؟ اهي جت طلقني بقي " يمسك ايديها " عمر : خليكي معايا الفتره دي شيرين : يبقي مارجعتلكش ف قولت تسند عالاستبن اللي عندك عمر : ها .. لا لا انا مافاتحتهاش اصلا بس خليكي جنبي لحد ما حملك يستقر طيب شيرين : الحمد لله بقيت في الشهر الرابع و اظن كده انت تقدر تمشي عمر : شيرين و بنتي ! شيرين : لما تتولد ماتخافش هقولها انك ابوها و هي تختار اذا كانت هتعيش معاك ولا معايا عمر : طب .. شيرين : انا عند ماما ابقي ابعتلي ورقة طلاقي " تشيل شيرين الشنطه و تفتح الباب تبصله بلوم و تمشي " تميم : داليا انتي فين ؟! داليا : في الشركه ، انت فين ؟ تميم : في لندن داليا : لسه مارجعتش تميم : لا لسه قدامي حاجات كتير داليا : انت عارف النهارده ايه ؟ تميم : ايه ؟ داليا : لا انا بسألك تميم : مش عارف .. معلش هقفل دلوقت ، سلام " تقفل داليا معاه و تبص للتليفون بحزن علي معاملته " داليا : اتفضل ادخل " يدخل عمر تبصله داليا بخضه بس تحاول تتماسك نفسها " عمر : ممكن تسمعيني ؟ داليا : ياريت بسرعه مش فاضيالك عمر : انا عرفت ان تميم سافر داليا : ده يخصك في ايه ؟ عمر : عايز اوصلك بس ان حياتك هنا في مصر هو مش شبهك يا داليا ! داليا : انت اللي هتتجوزه ؟ عمر : نعم ؟! داليا : اصل يااما انت عقلك بيلاعبك و بيقولك اني ممكن ارجعلك يااما انت عايز تاخد تميم لعروسه تانيه بقي عمر : عقلي بيلاعبني و بيحبك ! داليا : قانون رفعت رقم تسعه لو عقلك لاعبك خده علي قد عقله عمر : يعني ايه ؟ داليا : يعني تنسي ! عمر : مش هنسي يا داليا مش هنسي داليا : وانا بردو مش هنسي كسرتك ليا يا عمر !! عمر : و حبي ليكي نسيتيه ؟ داليا : بوظت كل اللي انت اديتهوني بغلطه عمر : ده ربنا بيسامح انتي مش قادره تسامحي ! داليا : انا مش ربنا يا عمرر عمر : انتي عارفه انا عملت كده ليه !؟ داليا : مش عايزه اعرف ، كفايه انك مهمكش كلامك ده يعمل فيا ايه ! عمر : بس انا بحبك داليا : وانا بحب تميم ، و انت شيرين بتحبك عمر : مش عايزها !! داليا : ولا انا عايزاك ، احنا في دايره بنلف فيها اولها زي اخرها ، بس انا مش هتطولني مهما حصل يا عمر عمر : ليه بتكرهيني كده ! داليا : عشان حتي مااستنيتش اننا نرجع و روحت اتجوزت يا عمر !! انا كنت مستنياك و انت لا عمر : انا اتجوزت عشان امي داليا : خلاص خلي كلام امك ينفعك بقي خليها تهون عليك هي و ياريت ماترجعليش تاني " يسكت عمر و يبصلها " عمر : عالعموم ، اتفضلي داليا : دي ايه ؟! عمر : النهارده عيد ميلادك ، كل سنه و انتي سنيني كلها🙂❤ " يسيبها و يمشي تبصله داليا بإبتسامه تفتح الهديه تلاقيه الخاتم اللي كان جابهولها او مافتحت تاخد الخاتم في حضنها " داليا : معقول انت تفتكر و تميم لا ! " تخلص داليا و تروح البيت تدخل اوضتها تلاقيها متزوقه ببلالين و سلمي قاعده هي و نور بنتها تجري عليها تحضنها " داليا : وحشتيني اوي😭😭 سلمي : ماكانش ينفع ابقي بعيد عنك في موت والدك و عيد ميلادك كمان ، كل سنه و انتي طيبه♥ داليا : وانتي معايا يارب و انتي معايا♥ سلمي : بصي وراكي كده ؟ داليا : ايه ؟ " يحط ايديها علي وشها تلمس ايديه " داليا : تمييييم تميم : كنتي فاكراني هنسي صح ؟ داليا : انت رخم ماقولتليش ليه ! تميم : هقولك اني عاملك مفاجأه انتي هبله ؟! داليا : ايوه صح فعلا تميم : بكره هجيب المأذون انا اتفقت مع حماتي خلاص داليا : ها ، اا... بص يعني بلاش بكره تميم : مش فاهم ؟ داليا : بلاش نستعجل تميم : نستعجل ! انتي قولتي الخطوبه تبقي تلبيس دبل بس عشان باباكي و وافقت قولت ماشي لكن ايه بقي كتب الكتاب ماله يعني نستعجل ايه انا مستني بقالي كتير ؟! داليا : بص ياتميم اصل انا خايفه من الموضوع بصراحه تميم : يا بنتي وانا بقولك هقتلك !! داليا : معلش يا تميم سيبني علي راحتي تميم : اللي تشوفيه يا داليا ، كل سنه و انتي طيبه♥ داليا : و انت طيب " يديها هديتها و يمشي تميم و هو جواه تفكير كتير " سلمي : ليه يا داليا !؟ داليا : عمر جالي يا سلمي سلمي : لا يا داليا لا !! داليا : صعب عليا بقيت ماسكه نفسي بالعافيه قدامه عشان مااعيطش سلمي : بصي يا داليا تميم بيحبك و بيموت فيكي تقدري تقوليلي عمر عمل ايه ؟ داليا : ساعدني بردو و شالني و انا تعبانه ! سلمي : و كسرك يا داليا في الاخر عشان ست شيرين ! " تسكت داليا " سلمي : ثواني " تبص في ايديها تلاقيها ماسكه خاتم عمر " سلمي : فهمت ، فهمت كده داليا : عمر فكرني بحاجات كنت نسيتها سلمي : تميم برقااااابته افهميي داليا : ربنل يبعده عني بقي كان ايه رجعه ! " جددت حبك ليه بعد الفؤاد ما ارتاح !" كارما : نعم يااختي !! كامل ! مريم : بيحبك يا كارما و انتي هتعرفي تلعبي بيه خطتك كارما : مش مرتاحه ، ده غبي مش هيفهم مريم : اوعي تقوليله ! كارما : اومال ؟ مريم : هتمثلي عليه ، عشان لو قولتيله صدقيني متخلف هيبوظ كل حاجه ! كارما : مش مرتاحه يا مريم مريم : اطمني انا واثقه ان الخطه دي هتنجح كارما : انا معدتش طايقاه ، و الوقت بالذات مريم : اشمعنا ؟ كارما : بعد ما عرف خلاص اني معدتش ليا غيره و اهلي اتخلوا عني مريم : اااه لا ماتخافيش هيتظبط كارما : طب هاتي رقم كامل مريم : خدي اهو و ماتقلقيش انا قايلاله علي كل حاجه يعني كارما : خالد زفت بيرن خالد : انتي يا ست الهانم الواد بيعيط ! كارما : خلاص جايه انا بس قاعده مع ناس خالد : ناس مين ؟ كارما : ها .. اصحابيي خالد : طب اخلصي " تقفل كارما معاه " مريم : شككيه فيكي يا كارما كارما : سيبيها عليا دي سليم : وحشتيني شيرين : و انت كمان وحشتني سليم : قولت لماما اني هتجوزك علي فكره شيرين : و هي وافقت ؟ سليم : ماما بتحبك يا شيرين شيرين : حتي و انا كده ؟ سليم : كده ازاي ؟ شيرين : مطلقه و حامل ! سليم : اه حتي و انتي كده ! شيرين : متأكد من قرارك ؟ سليم : انا مش متأكد من حاجه قد دلوقت يا شيرين♥!
( الحلقه السابعه )
خالد : كنتي فين ؟ كارما : قولتلك مع اصحابي يا كامل خالد : كامل ؟!! كارما : انا قولت كامل ؟ خالد : كامل مين !! كارما : تلاقيني بس لغبط في الاسماء معلش تعبانه " تدخل كارما اوضتها يجري خالد وراها " خالد : كامل مين يا كارما !! كارما : ده كان زميلي ايام الكليه اصل جيبنا سيرته النهارده خالد : ابقي خلي بالك بعد كده ، مش عايز حد يقول علي ام ابني انها خاينه ماشي يا حلوه ؟ " يمشي خالد و يسيبها " كارما : جتك داء السل " تفتح فونها و تبعت لكامل " كارما : اما نشوف اخرتها تميم : عايزك في موضوع مهم يا داليا داليا : موضوع ايه ؟ تميم : الورق ده داليا : ايه ده ؟ تميم : لقيته في مكتب چو داليا : وريني كده " تشوفه داليا تبرق و تبصله " داليا : مخدرات !!! تميم : مش عارف اعمل ايه ، لو بلغت عنه هيأذيني فيكي و لو مابلغتش هيحاول ياخده بأي شكل داليا : يعني جاي يقولك كده قرب فرحنا ! تميم : اعمل ايه يا داليا داليا : قوله يديلك مهله و ان اي حركة غدر كده او كده انت مخلي نسخه مع شخص تاني و ماتقولش مين تميم : وانا هديها لمين ؟ داليا : هتديهالي طبعا تميم : انتي هبله هيعرفوا داليا : هيعرفوا منيييين ها قولي ! تميم : خايف اوي داليا : انت مابتخافش يا تميم ! تميم : من ساعة ما عرفتك و انا بقي في حاجه عندي اخاف عليها يا داليا ! داليا : طب اهدي بالله عليك ، بإذن الله مش هيحصل حاجه تميم : خليكي معايا يا داليا ! داليا : يا سيدي انا معاك والله بس انت اقوي اسد يالا ! " يضحك تميم " داليا : ايوه كده اضحك ، و انا هاجي معاك لندن تميم : طب و والدتك ؟ داليا : هتيجي معايا طبعا تميم : خلاص هشوفلك شقه كويسه ليكوا داليا : مش عارفه اعمل ايه بالفلوس اللي في البنك دي ! تميم : ماتعملي ملجأ ؟ داليا : ملجأ ! تميم : اه ملجأ ، ملجأ للأيتام و اهي تبقي صدقه جاريه لوالدك كمان داليا : تصدق فكره ! تميم : استني اما اشوف مين رقم امريكي ، ? hello " يسكت تميم و يبص لداليا يقفل التليفون " داليا : في ايه !؟ تميم : چو متصل يقولي خلي بالك عالحلوه اللي قاعده قصادك !! " يقوم تميم ياخد ايديها و يحميها بحضنه و يركبها العربيه و يمشي " داليا : ايه عرفهم بمكانوا في مصر !!! تميم : اكيد مراقبنا " يبص في المرايه يلاقي عربيه وراهم يعرف " داليا : هنروح طيب ؟ تميم : مينفعش داليا : اومال هنروح فين ! " يفضل تميم ماشي بالعربيه بيحاول يتوههم تيجي عربيه نقل تقرب عليهم يقوم محود يروح ورا العربيه يطلع مسدسه يضرب عالكاوتشات تخبط العربيه في العربيه النقل تتقلب " داليا : فيلم اكشن ده ؟ تميم : خليكي هنا " ينزل تميم يجيب اللي كان سايق يصوره و يبعت صورته و هو عامل بوظ البطه جنبه و يبعتها لچو " داليا : تميم انت اهبل ؟ تميم :يااااه جدا كارما : علي فكره يا كامل انت طلعت لذيذ جدا كامل : انتي اللي اتجوزتي و سيبتيني🙄 كارما : كنت غلطانه فعلا🙂 كامل : عايز اكون معاكي ! كارما : طب ما انت معايا كامل : لوحدنا بعيد عن الناس دي كلها ، تيجي شقتي ؟
• الدنيا مرهقه و انا كنت بواجهها لوحدي •
عايزه رأيكم في الحلقتين طبعا عشان يهمني و اشوف لايكات بقي و تفاعل و مانزلتش 3 حلقات عشان المره اللي فاتت جابت 400 بس يا فانز كاسر قلبي🙂🙂 بالنسبه للناس اللي بتتفاعل بحبكوا و خدوا بوسه 😚 اما اللي بيقرأوا بس و يمشوا ف لا سلام ولا مسا ولا كلمه كويسه🙂 و كما قال عباسط حموده بقي بعد كل اللي انا بديه مفيش شكرا مفيش ميرسي !!
