انا كلي لها وماملك قلبي غيرها

البارت الثاني

ملاحظه بيت أبو فارس

أبو فارس"محمد"<<أخو أبو تركي >>عمره 47 سنة رجل اعمال كبير اهتمامه
كثيررر في الشغل له شغله وشركاته الخاصه فيه

******
أم فارس "حنان"عمرها 37 سنة اسم على مسمى حنونه على عيالها حيل وتحب تشاركهم افراحهم واحزانهم
وتشوف وش اللي مضايقهم ام حنونه وطيبة الأم كلها فيها ماشاء الله
*********
فارس عمره 21 سنة طالب في الكلية تخصص هندسة مع تركي ولد عمته حلو بالحيل وسيم شعره أسود وطويل وعيونه بنية ورموشه كثيفه وعنده غمازتين شكله جنان لما يضحك
والبنات خاقات عليه وهو مغزلجي درجى ثانية<<ركزو أوكـي واوقات يروح يداوم مع ابوه في الشركه لما يكون فاضي

**********

ولايف: عمرها 19 سنو اول سنة جامعه تخصص لغة عربية

بنت هادية شوي لاكن مع الاستهبال تقوم <<حلوه تقوم ههههههههه
شعرها اسود لنص ظهرها وفيه خصل احمر وبشرتها بيضاء وعيونها سوداء ووساع

**********

حلا عمرها 15 سنة اولى ثانوي حلوة لاكن ماتحب تبين جمالها

لأنها عربجية شعرها ولد<<بوي>> لاكنه ناعم وكثيف واسود تحب لبس البناطيل وماتحب تلبس غيرها

كلامها عربجي مع الكل وتكره البنات المايعات لاكن عليها استهبال ودجه مع بنت عمها وتؤمها على قولتها مها
وطبعاً ماتحب الدراسة

**********
مازن عمره 14 سنة ثاني متوسط يحب الكورة مثل وليد ولعب البلاستيشن

عيونه سوداء شعره اسود بشرته ماهي بيضاء ولاسمراء<<سموها أنتم ههههه لالا حنطيه صحح كذا ههه
وشطور بعد بالمدرسة

***************************
الكل بدأ يستعد لطلعه المزرعه بشوووووووووق

اللي راح تكون بكرة من الصبحح

غلا وهيا تنزل من على الدرج:رنا رنا وضمخ
رنا تطلع من المطبخ وفي يدها كاسة نسكافيه وتكلمها ببرود:خير وش تبين
غلا وهيا تكي على السلم:يابرودك اسمعي وين بوتي <<الله يكرمكم ويكرمنا
الأحمر مو شايفته
رنا وهيا تحرك يدها بملل من أختها اللي دوم مضيعها أغراضها:وش دراني قالو لك شغاله عندك أسألي مها
غلا هذي مها لين اللحين نايمه
نزلت أم تركي من فوق:وش فيكم انتم هواش من صباح الله خير
غلا وهيا تمسك يد أمها:يمه ابي بوتي الأحمر مالقيته
أم تركي:دوري في غرفتك وين بيروح
غلا:ياربي بدور وأشوف رغم أني عافسه الغرفه فوق حدر مو لاقيته
وطلعت
أم تركي:ها رنا جهزتي شنطتكي
رنا وهيا تجلس على طاولة الطعام:أي يمه وقلت لشغالة تنزلها
أم تركي:وين تركي ووليد
رنا:تركي نايم ووليد في غرفته يجهز أغراضه
أم تركي:ياهذا الولد متعبني لو يدري أبوه أنه لين اللحين نايم بيسوي لنا سالفه وطلعت له