قوت

البارت14

يونس بغضب مكتوم: مراتي خط احمر ياعمتي وماسمحش لمخلوج يهينها بالكلام او يتطاول عليها ويجول لها حاجه ولو حصل اكده منك وجتها رده فعلي مش هتعجبك واصل فاهمني

نواره: انت بتهددني يايونس بتهددني ياولد اخوي

يونس: واللي انتي بتتحدتي عنها دي تبجي مرت يونس الجوهري اللي لسه مخلجش اللي يرفع عينه فيها ابعدي عنها ياعمتي احسن ليكي

نواره خرجت من عنده وهي متعصبه من قوت ولسه هتروح ليها شافت خطوات يونس مسبقها وراح عند قوت

قوت كانت بتوزع نظراتها بين نواره ويونس

يونس: تعالي عشان نطلع

قوت باصه لعمته وعنيها عليها

يونس: يالا ياقوت وطلعت معاه وهي قلقانه ويونس دخلها الاوضه والبنت كانت لسه بترتب الهدوم وبعد دقايق خرجت

قوت: احمممم هو انا

يونس: : عايزه اي جولي

قوت: هوانا سبب في الخلاف اللي حصل بينك. وبين عمتو نواره

يونس: ليه بتجولي اكده

قوت: مش عارفه بس حاسه اني سبب

يونس: لع انتي مش السبب في حاجه ماتشغليش بالك ولو اي حد داسلك علي طرف اهنيه كان كبير ولاصغير كلميني وانا هجبلك حجك منه

قوت: هو انت ليه ماتجوزتش هدي

يونس بصلها وسكت: عشان هي ذي اختي الصغيره مش اكترربس ليه انتي بتسالي

قوت: حسيت من نظراتها كده

يونس: ماتشغليش بالك انتي بالحديد وارتاحي عشان سكه سفر كانت طويله وسابها ودخل يغير هدومه     وقوت كمان غيرت هدومها وعايزه تنام بس مش عارفه تنام فين وبتبصله

يونس كان قاعد شايل زين وبيلعب معاه وشاف قوت خرجت كان بيبصله اوي ومركز علي كل تفصيله فيها لاول مره يبقي ليه الحق  يبصلها من غير يكون ضميره مانبه عينه كانت بتابع كل تفصيله فيها عنيه اللي ملهاش وصف شعرها الطويل  بلونه الغريب وخدودها كل حاجه فيها بعشقها

يونس قرب منها بحزر.....شعرك دا ماتخرجيش بيه من هنا مفهوم

قوت:انا مش مابين شعري قصاد حد عشان محجبه بس ماما او اي بنت عادي

يونس بيتكلم براحه:انا كلامي واضح مفيش مخلوق يلمحه فهماني ياقوت ولااي حد

قوت هزت راسها من غير ماترد

يونس: نامي   علي سرير انا عندي شغل لسه

قوت: طططيب وانت هتنام فين

يونس: انا هتصرف وسابها وراح قعد علي مكتبه اللي في اوضته وطلع ورق وهو متابعها من غير ماتخد بالها لحد ماتكد انها نامت قفل الورق وراح علي سرير ملس علي شعرها بحنيه وباس جبينها هي وزين ونام جنبهم