حكايتي مع الزمان

البارت الاول

علوان //ولكم تنابلة اگعدوو اليوم شغل عدنة يلة گوموووووو
رائد //اهووووو هاي شلون طلابة هسة شنووو من شغل عندة ابوك من الصبح ((وهو يجر الغطة ويغطي راسة))

خالد //والله مابية اگوم متعاجز خلي نغلس شوية بلكي يعوفنة

ماجد //اني سويت روحي نايم ((شوية وطبت سجى))

سجى//بصياح)) خاااالد راااائد ماااااجد ابوية يصيحلكم گوموووو
وتجر بالغطيات
خالد //وووولج  اطلعي بساع احسنلج واذا گلج گليلة هسة يجووون لا تجين بعد سمعتيي 😡😡

رائد //اذا اجيتي املخ اعطوبج هذني عوبة بس دزهة اجت تركض غبية 😠😠

سجى //يااااااا هذولة شبيهم خل اروح احسن ((طلعت لا گاني ابوية))
علوان //هااا بابا گعدوو اخوتج؟؟؟

سجى//لا بابا بعدهم نايمين مايرضون يگعدون😤😤
علوان //الله يطيح حضهم عود عمهم انتكل علية يرحون ويا ينقلون غراضهم راح يشيل قريب علينة
هسة شگلة اني!!

سجى //عمي سلمان راح يشيل بابا؟؟
علوان //ايي بابا دزلي عمج امير يلم الولد ونروح نساعدهم

خالد //سمعت عمي سلمان داز علينة واني فرد طفرة من الفراش ركض للباب
رائد //گمزت انردمت بخالد وندور تكرمون على نعلنا نريد نطلع سوية 😂😂
ماجد //گعدت شفت اخوتي انخبصوو گمت اطك اصبع واغني

جيران نزلو بالطرف يايمة احبهم
شوفيلي اجو من ياكتر شنهو نسبهم
يايمة اني اهواهم
                  واتمنة اعيش وياهم
گلبي ب---بعدني ما مكمل واجاني نعال طاير اباوع خالد غضبان بالباب

خالد //گوووووم يغني من الصبح 😡😡😡
ماجد //😂😂😂احنة نسمي اخوي خالد غضبان لان دوم هو مغضب وشخصية وكذا 😜😜
خالد //غسلنة ونركض وامي تخلي بالكل بالصينية وتباوع علينة وتضحك تدري بمشاعري ناحية ريم
خلصنة اكل ورحنة لبيت عمي گمنة نلم بغراضهم وننقل لبيتهم الجديد

ريم //طلعت من المدرسة ركض رحت لموقف السيارات جان عمي يشتغل على الخط عندة بالوني عبرية  شفتة من بعيد ابتسم وگال

امير //ولج من دهر فرج وشلع عيونج ولج كم مرة گتلج البسي عباية هااااا جاية تفرين بروحج وهاي الناس تباوع عليج وانوب شكووو هاي الفيكات مال الشعر ضافرة شعرج ميت ظفيرة هو مو ذيل احصان؟؟
ريم //عموووو والله ما اعرف البسها وبعدني زغيرة كلة عمري ١٢ قابل وصلت ٣٠ عمووو

امير //ولج يمعزاية ١٢ ومعالم الانوثة عندج طاغية بنت الكو---
استري علينة ولج  اخ خ خ لو ما ابوج جان لبستج من عمرج اربع سنين😠😠

ريم //رفعت روحي وبست عمي بخدة گدام الناس وهو تخبل 😳😳

امير //احترگت العشيرة ولج منا الناس 😠😠
ريم //عموو لعد انت مو عمي شعليها الناس 😉😉
امير //ولج شمدريها الناس اني عمج روحي اصعدي يللة ذيج السيارة رووووحي خلصيني بنت الاوادم تجيب التايه فورت دمي 😠😠

ريم //ضجت واجيت اريد اصعد لگيت السيارة مقبطة بس السدر فارغ ظليت حايرة شلون اصعد وهاذ ابو شوارب اكرهة اجيت وياا وراح ارجع ويااا واذا انتظرت السيارة البعدها اتأخر وشيخلصني من امي وهي منبهة عليه اضطريت
اصعد هو صعد وحرك ويوزع ابتسامات ورة ١٠ دقايق وصلت انطيتة كروة رجعها ماقبل ياخذ

ريم //وليش عود ماتاخذ الكروة مني لا يكون فاتح سبيل الفقراء وحاسبني منهم 😠😠

السايق //😊😊انتي مو اخت امير ما اخذ منج كروة لخاطرة 😊
ريم //لا اني مو اختة امير يصير عمي وهاك كروتك وشمرت الفلوس عليه ونزلت طبگت الباب حيل😠😠 صديقاتي بالسيارة خربن ظحك علية 😂😂
وصلت للبيت لگيت نص غراضنة ماكو وامي تلم سلمت ورحت بدلت ملابسي واجيت ردت اتغدة گالت امي
ام كرار //ريم اصبري راح يجون ولد عمامج ونتغدة سوية دا ينقلون الغراض روحي افرشي فراش بالحديقة وحضري الاماعين والسفرة

ريم //رحت حظرت الفراش وفرشت السفرة وحظرت الخضرة والمواعين شوية وصارت هوسة اجو ولد عمامي ماشاءالله كلهم اصحاب غيرة وجايين يساعدونة 😊😊
احسن خلي تخف الهوسة عني ((احجي وية روحي ومندمجة))
شوية وجان انضرب بشي اني صرخت يماااااااا - - - - - - - - - - - - -

ياترى ماذا حصل 🤔🤔راح نعرف بالبارت القادم تقبلووو تحياتي اختكم ام ماهر الكربلائية