Hunter Online

Chapter 23: Official Member

Marceline San Pedro: Mukhang napipilitan lang si Dion na samahan si Girl, look oh, mukhang bagot na bagot sa picture.

Aril Mae: Congrats idol! Support ko pa rin kayo and I will continue to watch your streams. ☺️

Janine Mercado: Ang daming immature fans ni Dion! Kung makalait kay girl akala mo naman papatulan sila ni Dion if ever mag-break sila. Stop hallucinating mga sis! Maging masaya tayo kay Rufus.

Chathe Santos: Ang liit ni Girl, parang nag-aalaga ng kinder si Dion sa girlfriend niya. Mas bagay pa sila ni Ayame na streamer na nakasama niya sa playoffs!

"Kapag pinuntahan ko ang mga profile ng mga 'to, siguraduhin lang nila na mga artistahin sila." Inis kong sabi habang iniisa-isa ang profile picture noong mga nanlait sa akin sa picture. "Mas maganda pa ang Lola ko sa kanila."

Natuwa naman ako sa mga fans na pinagtanggol ako pero ang misleading kasi ng caption noong post. Oo, magkausap kami ni Dion that time pero hindi ba puwedeng usap magkaibigan lang iyon. Mabuti na lang talaga at hinubad ko ang jacket ni Dion kung hindi... Baka may nagdo-doorbell na sa bahay para sabunutan ako. Ang OA ng mga baby bra warriors na fans niya.

Shannah Esguerra calling...

I immediately answered her call at agad na nagreklamo sa kaibigan ko. "Kilala mo ba kung sino ang nag-post noong picture na iyon?" Tanong ko.

"Bakla, kung alam ko e 'di sana minessage na kita sa Facebook," paliwanag niya sa akin. "Huwag ka nang magbasa ng mga comments. Ang daming toxic! Mukha namang mga nagmamagandang kuhol."

"Too late, nabasa ko na,"

"Lahat?"

"Lahat." Sabi ko sa kanya at bumuntong hininga ako para simulan ang mahaba kong reklamo. "My God, ang lakas ng loob nila na sabihan ako na hindi kagandahan pero kapag bini-visit ko naman 'yong mga wall nila... Para akong tumitingin ng hayop sa zoo. Tapos sinabihan pa akong hindi matangkad? Sakto lang ang height ko! Matangkad lang talaga si Dion. Kung makagawa sila ng tsismis sa social media, hindi naman din nila kino-confirm."

"Alam mo naman Pinoy, basta tsismis ang layo ng nararating ng utak. Minsan nga may dagdag pa ang kuwento." She explained to me. "Pero hindi ka galit kay Dion dahil sa kumakalat na picture sa social media?"

"Ha? Bakit naman ako magagalit kay Dion?" Tanong ko. "Wala naman ding kasalanan 'yong tao. Knowing his personality, hindi siya 'yong tipo ng tao na matutuwa na pinagpipiyestahan ng mga tao ang private life niya. At tsaka, wala naman kaming relasyon."

"Dami mong sinabi, gaga ka." Natatawa niyang sabi sa kabilang linya. "Huwag kang mag-alala diyan kung rumor lang 'yan, hindi papayag ang Battle Cry na kumalat 'yang post na 'yan. Later or tomorrow baka burado na 'yang post." She explained to me.

Habang magkausap kami ni Shannah ay biglang nag-notif sa akin ang chat ni Dion. "Nag-chat sa akin si Dion. Mamaya na lang."

"Ay wow, priority kang bakla ka!" Natawa ako sa sinabi ni Shannah. "Sige na, mamaya na lang tayo mag-usap. Hoy 'yong quest ko bukas, samahan mo ako, ah! Kinontrata ko na si Dion na samahan ako."

"Ang kapal ng mukha mo, sa Pro Player ka pa talaga nangungulit."

"Ganoong talaga kapag maganda. Sige na, kausapin mo na si Crush# 6 ko." Si Shannah na ang nag-end ng call at doon ko lang nabasa ang chat ni Dion.