My Perfect Disaster

MPD : Tagay

Pumikit ako tsaka ko niyakap ang sarili ko. Hindi ko alam pero ang saya ng feeling ko ng maramdaman ang lamig at ngiti ng araw kasabay ng napakagandang tanawin na nakikita.

"Parang tanga.." rinig kong sabi ni Ken kaya pagdilat ko ay inirapan ko ito tsaka ko nilabas ang phone ko at nagselfie agad ako.

"Tara, bumaba na tayo doon.." sabi ni Ken.

"Nasaan ba tayo?"

"Picnic Grove."

Lumapit ako kay Ken para kunin si Oslo pero ayaw niyang ibigay at siya na lang daw ang magbubuhat.

"Ang ganda dito. Hindi din masyadong crowded. Nakakapagtaka.."

"Baka alam ng mga tao na pupunta ka so hindi na din sila namasyal. Baka maingayan lang sila sayo." pang-aasar nito.

"OA!!! Hmp. Akin na nga yang si Oslo! Halata namang napipilitan ka lang buhatin yan."

"May sinabi ba ako? Tsaka sige na, magpicture ka na diyan, dadaan tayo ng restaurant.. Doon na lang tayo kakain."

"Anong restaurant naman yan? Kasya ba yan sa budget ko?" tanong ko dito dahil alam kong ako ang sasagot sa lahat ng gastos namin dito.

"Ang mahalaga Rita, mabusog tayo." napapikit ako dahil alam ko na ang ibig sabihin niya. Mahal sa restaurant na sinasabi nito pero worth it naman siguro..

Breakfast at Antonios

Matapos namin kumain ay dumiretso kami ng SkyRanch. Hindi ako mahilig sa rides pero masaya parin ang pagpunta namin doon. Hindi man kami sumakay sa mga rides dahil may dala kaming baby ay naging memorable naman ito dahil naka witness kami ng wedding proposal.. Paglubog na paglubog ng araw...

"Madilim na Ken, uwi na tayo?" pag-aya ko dito pero busy ito sa pagtarget ng balloons para sa isang malaking teddy bear..

"Isa na lang.."

Napahawak ako sa nakatalikod na si Ken ng magulat ako sa biglang pagputok ng fireworks malapit sa amin.. Tiningnan ko agad si Oslo na dala-dala ko pero hindi naman ito nagising.. Pag-angat ko ng tingin ay mukha ni Ken ang nakita ko kaya mabilis akong kumalas sa paghawak sa kanya at sabay naming nilingon ang pag-ilaw ng fairy's wheel. Napakaganda ng kulay nito.. Hanggang sa may umilaw sa ibabang parte nito at may nakatayo doon na babae.. Sunod-sunod na pagputok ng fireworks ang nakikita namin.. Tsaka may isang lalaking lumapit sa babae. The guy is holding a guitar.. Hinaharana nito ang babae.. Tsaka ko lang napansin ang mga pulang petals sa kinatatayuan ng babae. Napansin kong hinatak ako ni Ken palapit sa direksyong iyon para mas makita namin ng malapitan ang isang proposal.

Nagsigawan ang lahat ng lumuhod ang lalaki sa harap ng babae at inilabas nito ang isang maliit na kahon. Napangiti ako at hindi ko namalayang maluha.

Every girls dream.

Kaya nagtataka ako kung babae ba talaga ako dahil ayoko ng ganoong klaseng proposal if ever. Dahil ayoko ngang makasal. Yes. Ayoko. Kontento ako sa kung ano ako ngayon. I don't want to be with someone. If ibigay ni Lord, tatanggapin ko naman pero ididisinfect ko muna. Charrot.. Haaaays.. Para akong nanonood ng isang movie, isang serye.. Para akong nagbabasa ng mga nobela..