حصلها يا عليك ذهيبه
خير من الف جني في جيبه
الليله ضاوي ضينا
الليله منهو زينا
دوري يا خيمه الافراح
دوري متخلي مطراح
دوري يا خيمه ليبيه
دوري متخليش بنيه
انتي ورده وامك نواره
ياسعد الي حازك في داره
يا بنيه سعدك مقواه
حصلتي وليد يخاف الله
شن قريتي من ٱيات
حصلتي سمح الصفات
شورك ع الصلايه ديما
حصلتي سمح التبسيمه
غزال الي عويناته سود
نصيدو فيه بلا بارود
الصقر الحر منين هبط
على مربوعه بوها حط
يا سعدودي عندي قسمي
والحساد محارم خشمي
العقبه ليا انا والغالي
انديرو حفله في المهاري
الغالي درناله دولاب
معاش يلوح فوق الباب 🚪
الحوت الحوت على بنيتنا
والشينه ماهي صنعتنا
انشاء كيف بنات العم
تخش العيله ما تندم
إنشاء الله كيف بنات العمه
مافيهم وحده مندمه
انشاء الله كيف بنات الخاله
مافيهم وحده بطاله
انشاء ديما افراح يا ربي
وقليبي مرتاح يا ربي
انشاء الله خشيتي بعمار
اليابس قدامك يخضار
انشاء الله ماتشتاقه عين
نشاد بنياتي وين
أنشاء الله مربوحه يا حنه
في مكانك بنجيبو كنه
انشاء الله عمر الحاج طويل
يجوزهم جيل ورا جيل
انشاء آلَلَهّ تطلع نواره
اتجي لبوها صداره
انشاء الله تطلع نايره
اتجي لبوها زايره
انشاء الله تجينا نهار عشيه
😃 فرحانه في ايديها بنيه
